Legends of God's Children [School of Magic]

Chapter XXXIII

Chapter XXXIII: Battle Of The Beast

---

ANG buong paligid ay binalot ng napakalakas na mga enerhiya, ang mga enerhiya nga na iyun ay nagmumula sa dalawang nilalang na kasalukuyan nga nababalutan ng kani-kanilang aura. Ang dala-dala nilang presensya ay nagbibigay ng kakaibang kaganapan sa kanilang paligid.

Ang dalawang nilalang na naroroon ay nagagawang alisin ang balanse ng kanilang paligid, sa madaling salita ay nagawa ng mga ito na mawala ang gravity sa lugar na iyun. Ang mga nakasaksi nga ng kaganapan na iyun ay hindi makapaniwala sa kanilang nasasaksihan.

Ang pinaka-malakas sa lahat ng God's Children, ngayon ay makikitang makikipag-laban sa isang diyablo na maykakayahan din na baguhin ang lagay ng panahon, sa pamamagitan lamang ng taglay nitong aura. Samantala ang diyablo naman ay makikitang nakatingin lamang sa binata na nasa kaniyang harapan. makikita ang ngisi sa labi nito dahil sa wakas ay may makakalaban siya na sapat ang taglay na lakas na mayroon siya.

Ang alam lamang ng diyablo ay hindi basta basta ang binatilyo na ito, dahil nagagawa din nito na masira ang balanse sa paligid nito. Samantala sa ibaba naman ay makikita si Shawn kasama sila Jarvis at Markus ay makikita sila na nakatingala sa itaas habang nakikita na lumulutang ang mga debris a paligid ng dalawang nilalang na naglalabas ng kani-kanilang mabibigat na presensya.

Makikita sa mata ng tatlo ang paghanga sa napakalakas na enerhiya na tinataglay ni Rev Blaziwart, ang taglay na enerhiya nito ay tila ba hindi kapani-paniwala. Si Shawn naman ay mababakas sa labi ang kaniyang ngiti at iniisip kung paano makamit ang ganito kalakas na enerhiya.

Ang lakas na taglay nito ay nakakamangha at nakakatakot, dahil ang lakas na mayroon ito ay ang sinasabing pinaka-malakas na tao na nabubuhay ngayon sa mundo. Ang nagaganap nga na pagta-tagisan ng aura nila Rev at ng Diyablo ay nahinto ng bigla na lamang magpakawala ng malaking bola ng enerhiya ang diyablo.

Nanlumo naman ang mga ibang mga naroroon dahil napakalaki ng bola ng enerhiya ang kaagad na inilabas ng kalaban. Dahil nga sa biglang paglalabas ng bola ng enerhiya ay nagkaroon muli ng malalakas na hangin sa paligid.

Si Caleb nga na nasa itaas na bahagi ng himpapawid ay naalerto dahil sa bigllang pagbugso muli ng malakas na hangin. Gamit ang kaniyang enerhiya ay naglabas siya sa kaniyang katawan ng mga hamog at mabilis itong kumalat sa paligid. Mabilis ang paglipad sa himpapawid ng mga hamog na ito at mabilis na nagbigay proteksyon sa kaniyang mga kasamahan.

Ang buong paligid nga ay nakaranas ng malakas na pagyanig, kasalukuyan nga ay makikita ang unti-unting pagtama sa lupa ng malaking bola ng enerhiya. Ilang metro na lamang ang layo sa lupa ng atake na iyun ng kalaban ng walang ano-ano'y bigla na lamang itong nawasak.

Makikita sa ibaba ang pigura ni Rev habang ang kaniyang kaliwang kamay ay nakaharang lahad sa kaniyang harapan. ang diyablo nga ay nagulat ng balewala lamang na pinigilan ng binata ang kaniyang ginawang atake.

Sa pamamagitan lamang ng isang kamay ay nagawa nitong mawasak ang kaniyang bola ng enerhiya. At higit sa lahat ay hindi iyun nakagawa ng pinsala sa buong paligid nito. Makikita naman sa mukha ni Rev ang ngiti nito. Sa kauna-unahang pagkakataon ay may isang hamak na SS class Devil ang nagbalak na gumamit ng isang napaka-mapangwasak na atake.

Subalit kahit ang atake na iyun ng diyablo ay mapangwasak ay balewala lamang ito para sa kaniya, hindi sa kaniya uubra ang ganuong atake lamang. Samantala si Shawn naman ay namangha ng makita niya sa kaniya mismong harapan ang pag-pigil ni Rev sa atake ng kalaban.

Nakaramdam ng kakaibang saya si Shawn dahil sa nakikita niyang ito, nasisiyahan siya dahil sa pagkakataon na ito ay nakuha na nito ang kaniyang panghanga. Hinahangaan niya ang napaka-lakas na kapangyarihan na tinataglay ni Rev. ang lakas ng isang Rev Blaziwart.