Legends of God's Children [School of Magic]

Chapter CLIII

Chapter CLIII: Battle Of The Absorbtion Abilities

SA bahagi nang kalangitan kung saan kasalukuyan na naglalaban na muli sila Shawn at Baal, sa pagkakataon ngang ito ay sinasalag na muli ni Baal ang mga atake ni Shawn. Nagawa na niyang muli na masala gang mga atake ni Shawn dahil siya ay nagpalit na muli nang taglay nitong abilidad, sa ngayon ay ginagamit na niya muli ang kaniyang orihinal na kapangyarihan.

At kagaya nang kaniyang inaasahan ay napapawalang bias nang Black Mist ang epekto nang kaniyang kapangyarihan, at maging ganun din naman sa kapangyarihan na tinataglay nang tagapagmana ni Hades. Sa bawat pagtatama nga nang kamao nang dalawa ay nag-iiwan iyun nang malakas na pwersa, sila Alicia at Edrian nga ay naka-antabay lamang sa labanan nang dalawa.

Si Alicia ay hindi malaman kung paano nagagawang sabayan nang batang si Shawn ang kanilang kalaban, ang kinakalaban nito sa kasalukuyan ay isang Demon General, subalit ang nangyayaring sagupaan nang dalawa ay animo’y naabot na ni Shawn ang lebel nang isang Z ranker.

Hindi niya alam kung ang abilidad nang batang ito ay hindi lamang isang pambihirang kakayahan nang blue flame na tinataglay nito, dahil kapansin pansin na habang tumatagal ay mas lalong tumataas ang potensyal na taglay nang batang si Shawn.

Sa kaniyang palagay ay kailangan niyang ungkatin ang lahat tungkol sa kapangyarihan na taglay nito, pagkatapos nang kagulahang ito. Samantala si Edrian ay kasalukuyan na pinanonood nang maigi ang nagaganap na laban sa pagitan ni Shawn at nang kalaban nito na isang Demon General.

Habang kaniyang pinanonood ang dikitang laban nang dalawa ay naalala ni Edrian ang unang beses niyang makita ang batang si Shawn, noong ito ay kaniyang matagpuan sa ilalim nang gumuhong gusali. Hindi niya lubos na maisip na ang batang iyun na umiiyak habang humihingi nang tulong sa kaniya, ay ngayon eto at nakikipag-sabayan sa tinugariang isa sa mga malalakas na diyablo na magagawa lamang na tubas an nang isang Z ranker.

Subalit sa ipinapakita ni Shawn ay animo’y nakamit na nito ang potensyal nang isang Z ranker, sa murang edad ay nagagawa na ni Shawn na makipag-sabayan sa halimaw na kalaban kagaya nang demon general na ito.

Samantala sa loob naman nang katawan ni Shawn ay nagugulat si Hades sa mga pinapakita sa kaniya ni Shawn, ang paraan nito sa pakikipaglaban ay malayong malayo kanyang estilo nang pakikipaglaban.

Dahil kung sakali man na ginamit ni Shawn ang kaniyang pamamaraan nang pakikipaglaban ay tiyak na mahihirapan si Shawn na labanan si Baal.

Dahil si Baal ay alam na ang kaniyang paraan nang pakikipaglaban at kapag nangyari yun ay tiyak na muling makakakuha nang bahagi nang kapangyarihan ang diyablong ito.

Samantala si Shawn ay kasalukuyan na hindi tumitigil sa kaniyang mga pag-atake, alam ni Shawn na ang kaniyang mga pag-atake ay balewala lamang kung kaniyang patuloy na gagawin ang mga atakeng ito.

Subalit kaniya ding naisip na hindi maari na manatili na lamang siyang ganito, sapagkat ang tunay na abilidad nang kaniyang kalaban ay humigop nang kapangyarihan nang iba at gawin itong bago nitong kapangyarihan.

At sa kaniyang kaalaman ay nagagamit din nito ang Blue Flame ayon kay Hades noong una umano itong makalaban nito, hindi niya inasahan iyun noong una pero nang malaman niya din ito mula sa Cerberus ay naniwala na siya rito.

Ang makaharap ang katulad ni Baal ay isang malaking oportunidad para kay Shawn dahil si Baal ay isang magandang katunggali para sa kaniya sa kasalukuyan.

Sa muling pagkakataon ay tumama muli ang nagliliyab na kamao ni Shawn at sa pagkakataon na ito ay mahina ang liyab nang kaniyang pinakawalang suntok, subalit sa kabila nang mahinang liyab nang suntok na iyun ay naramdaman ni Baal ang pwersa na dulot nun.