Spookify 2017

Maria

Maria

Una sa lahat, hindi ko alam kung totoo ito. Sabi-sabi lang ito ng mga tao sa amin, ang kwento ni Maria.

Nung namatay si Maria, nilibing siya sa parte ng sementeryo na malapit sa kalsada. Sa probinsya, uso pa ang mga de-condo na nitso. Hindi pa sikat ang mala-parke na himlayan gaya sa Manila. Sa probinsya, merong mga libingan na may upuan pa na pabonggahan. Sa probinsya din ung mga sementeryong, halos wala ng bakod ang pagitan sa kalsada. Dito nga nakalibing si Maria.

Maganda si Maria. Katamtaman ang tangkad para sa isang babae, makinis ang kutis at maputi. Walang isang peklat na makikita nung siya ay buhay pa. Itim na buhok na straight at parang nasa komersyal ng Sunsilk. Mapungay at bilog na mata. Siya ay isang Dyosa sa paningin nang iba. Hindi ko personal na kilala si Maria, tanging mga kwento lamang nung buhay pa siya. Lalo na nang siya'y mamatay.

Isang gabi, ilang araw pa lang nung nilibing si Maria, hinukay ang bangkay niya at siya'y ginahasa. Walang may alam kung sino, nakita nalang ang bangkay niya, gutay gutay ang suot na puting damit sa bukas niyang ataul. Iyak ng iyak ang ina nito ngunit lumipas ang ilang buwan, hindi pa rin nahanap ang salarin. Nilibing din agad si Maria matapos itong linisan ulit.

Matapos ang ilang buwan, pagsapit ng gabi sa kalsadang iyon, may nakikitang babaeng nakaputi na nakaupo sa libingan ni Maria. Isang magandang babae na nakaputi at mahaba ang buhok. Ilang gabi itong nangyari, at bawat gabi, ang kwento ay unti unting lumalapit sa kalsada ang babaeng ito hanggang sa isang gabi, nang kausapin na siya ng isang motorista na dumadaan sa lugar na 'yon biglang nagbago ang itsura nito na parang ginahasa. Pinaharurot ng driver ang motor niya, at nung ito'y kanyang lingunin, wala na ito sa kinatatayuan niya. Pero nang tinignan niya ito sa rear view mirror niya, nakita niyang may humahabol sa kanya na babae, si Maria.

Simula noon, pag may mga tao o sasakyang dumadaan dito, laging may humahabol at sumasakay sa kanilang sasakyan.

Dexter