كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة9:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

راح طلع لدار و البيسي تاعو بين يديه ماحبش يعاود يستعملو لأنو مزال ما تأكد من صحة معلوماتو على الطفلة هاذي لي داتو خاصة كي ماعرفش اذا كانت جاسوسة يعني مايقدرش يريسكي بمستقبل تاع بلاد علاجال حاجة كيما هاذي رغم انو الاحتمال هذا مستعبببد لأبعد الحدووود و مهيش طريقة تاع الجواسيس باش يسرقو المعلومات و هو اكثر واحد علابالو بواش كان يخمم ..

دخل لبيتو و ديراكت راح لخزانتو جبد حوايجو لي كانو عبارة عن شوميز و سروال كلاسيك يعني لبس عادي لي يلبسو فساير ليام كي مايكونش في خدمتو لبسهم بلخف و عاود خرج لقا الرجال وجدولو طونوبيلتو باش يخرج بيها وحدو تحت طلب منو ركب فيها و قلع رايح على حسب اشارة الجيبياس لي كانت مبينتلو المكان لي كان فيه البيسي تاعو قبل ساعات..

و بإتباعو للمساار لقا روحو وصل لمنطقة عامية فيها بزاف سكاان و من منظرها كانت باينة بلي سكانها على قد حالهم شوفتو للاجواء لي لتم اكدتلو نوعا ما بلي لي دات البيسي كانت ناوية تسرقو بصح علااااش رجعاتوو و حطاتو بعيد على الدار و عاودت غبرت من تم!! الحاجة هاذي ماحبتش تدخلو لراسوو بتاتا ..

حبس طونوبيلتو على جنب و هبط و هو يستكشف فالمكان بعينيه يحاول يدي اقصى عدد ممكن من المعلومات لي يرصدهم بعينيه بقا يتمشى بهدوء و الناس يشوفو فيه بإستغراب من الطونوبيل لي هبط منها عرفوه بلي مهوش منهم و راهو واحد جديد عليهم ..

كان يمشي و يحدق فلي رايح و لي جاي مالقا حتى وحدة منهم دايرة نقاب ماعرفش كيفاش راح يقدر يلقاها وسط الحشد هذا من السُكان .. شاف مراة كبيرة جاية فالطريق قرب ليها و نطق بهدوء مخليها تشوف فيه بتعجب و مع نوبات الزهايمر لي يجو و يروحو فيها مالقات روحها غير داخلة وسط حديث معاه هو بروحو مافهمش كيفاش دخل فيه ..

الحاجة:ايييه نتا ولييد نعيمةةة الخيااطةةة؟؟؟؟..

همام:احم لا! ..

الحاجة:ااا مالا وليد فضيلةة خلاص عرفتك وقتااش جيت من فراانساا كنت ناوية نخطبك لوحدة من بنااتي..

همام عض على شفايفو بخفة و تنهد بقلة حيلة ماسك روحو بسيف باش مايفقدش سيطرتو معاها و يخلي شخصيتو لي يستعملها وسط الخدمة تتغلب عليه تبسملها من فوق قلبو خافي ملامحوو المعصبة بيها و نطق بهدوء ..

همام:مانيش وليدها انا مانسكنش هنا جبيت نسقسي على وحدة دير نقاب تسكن هنا تعرفيها؟؟..

الحاجة:جيت تسقسي عليها باش تخطبها؟؟..

همام حرك راسو بلاحول و دارلها ايه براسو باش غير يليكيدها ندماتو على الدقيقة لي سقساها فيها خلاتو يحس بروحو راهو يضيع في وقتو في موضوع تافه حلف باش يحلو وحدو و ندم على حلييفو ..

همام:ايه تعرفيها؟..

الحاجة:ايييه احسن ماعملتتت كااين بنات الزوبيير عندو 4 بنات متنقبات الله يباارك بصح كامل متزوجات و كاين و بنات الامام هنا فالحومة لي يديرو نقاب .. هند و ريام شكون فيهم راح تخطب؟؟...كان غير تكون هند مسيكينة ولله تستاهل تتزوج ريام فرفوطة خليها اومبعد دبر على واحد ثاني نتا شوف هند ..ايه بصح شكون راح يتزوج ببنتي مالا؟؟؟..

سقسات السؤال هذا و طلعت راسها فيه باش يجاوبها حتى لقات غير الريح قدامها وقتاش غبر عليها ماعرفتش هزت كتافها بعدم اهتمام و كملت تمشي وهي تحكي وحدها حتى شافت ريام رايحة بإتجاه دارهم قربت ليها بزربة و عيطتلها الشي لي خلا ريام تتلفت ليها باش تشوف واش تسحق من عندها ..

الحاجة:ريااام جاوك خطابة يسقسوو عليكك حكيتلهم عليك غير بالخيرر يابنتي..كان تشوفي لبنتي مريم خو خطيبك ديري فيها مزية ..

ريام:شكون هذا عليمن راكي تهدري؟؟؟ ..

الحاجة:ماشي راح تتخطبي؟..

ريام:الحاجة روحي ربي يشفيك ولله ماعندي الوقت تبقاي على خير..

على بعد سنتمترات قلال كان همام مستعد باش يركب فالطونوبيل غير سمع صوت نفس المراة لي كان يحكي معاها تعيط على اسم واحد من بين الاسماء لي رسخهم في مخو تلفت بزربة يحوس عليها بعينيه متشوق باش يشوفها و رغم انو ماكانش متأكد بلي هي نفسها لي شافها فالكاميرات بصح لقا روحو سارح فيها و هي تحكي مع العجوزة كان ناوي يقرب باش يقدر يسمع حديثهم بصح لي توضحلو انو حتى هي ليكيداتها كيما دار هو و دخلت لدار مخليتها مزالت تحكي وحدها ..

بقا مركز فباب الدار لي دخلت فيه و حرك راسو بتوعد ناوي يحل الحكاية هاذي من اساسها و ينحيها من بالوو لأنو مهوش من طبايعوو يركز مع المشاكل التافهة هاذي بالنسبة ليه بصح مادام وصلت دخلت لدارو و سرقتلو صوالحو هناا لا ماقدرش يجوزهالها مروور الكرااام ..