كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة21:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

دخلت لدارهم بعد المغامرة هاذيك لي عاشتها في كل دقيقة ذاكرتها ماتقصرش معاها و تعاود تفكرها في واش صرالها لحظة بلحظة و لقطة بلقطة كأنو راهي تعيش فالاحداث دووكاا فهاذ الدقيقة كل مرة تفلتلها ابتسامة خفيفة تعاود تجمعها بزربة و تكمل تفكيرهاا لي كان مديهاا لبعييدد راحت لدوش دوشت بلخف و خرجت وهي تنشف في شعرها دخلت لبيتها وترمات على سريرها تشوف فسقف الغرفة ..

هند ماكانتش فالدار كانت راحت للجامع باش تحفظ و يماها كانت في بيتها مع باباها و هي بقات وحدها في غرفتها عضت على شفايفها بخفة كي حست بالديسك لي في مخها تخسر و بقا يعاودلها غير فواش صرا اليوم تبسمت ابتسامة صغيرة و نطقت بينها و بين نفسها ..

ريام:اييه ياادنيا شكون قال جنرال جنراااااال بفخاامتووو كامل يجي يعاوني و يخرجني من الغرقةة سبحان الله .. بصصح ياارياام ماتغركش الدنيا ماتخليش هيبتو تنسيك في افعالوو ..اييه هذاك لي قالك يالي مشبح من برا واش حوالك من داخل..

كانت راح تغمض عينيها و تستعد باش ترقد حتى سمعت الباب يطبطب كانت نايضة تشوف شكون اومبعد عرفت بلي يماها ناضت ولات كملت رقادها لي مادامش ثواني اصلاا و عاودت حلت عينيها على صوت يماها و هي تعيطلها ناضت تشوف واش تسحق لقاتها شايدة ورقة في يدها تشوف فيها كان جات تقرا كانت قراتها و شبعت فضولها بصح ماعرفتش و عيطت لريام باش تشوف ..

راضية:ارواحي تشوفي واش لحقنا لداار ماتقوليليش برك تاع لكراا مااعندناش دراهم بااش نخلصوه الشهر هذا كاان يرموناا براا ..

ريام:وشمن كرا الشهر لي فات خلصت تاع 3 شهور اعطيني نشوف..

مدتلها الورقة و بقات واقفة عند راسها مستنية منها تقوللها واش قرات أما ريام بقات ساكتة عينيها برك لي يتحركو مع كل سطر تنتقل في قرائتو أما عينيها كانو يزيدو يتحلو كثر من واش كانت تقرا من صدمتها كملت قراتها كامل و غلقتها بزربة شافت في يماها لي كانت تستنا فيها تنطق و حكات بصوت باين عليه التوتر ..

ريام:والو ورقة من الخدمة تاعي برك ..

راضية:واش قالولك؟ ياك مكاش كاش مشكل يعودو يخرجووك منها ثااني..

ريام:لا مكان والو ..

جات راح ترجع لبيتها حتى طاحتلها الورقة من يدها من تلفتها و تفرفيشها جات ديراكت تحت رجلين باباها لي ناض يشوف واش كاين رفدها و ديرااكت حلها مخليها حالة عينيها معااه و هو يقرا فيها بلعت ريقها مرارا و تكرارا حتى حست بلمرارة في حلقها و غمضت عينيها من نظراتو المصدومة فيها قرب لعندها ببطئ و نطق و هو عاقد حواجبو بصدمة ماشي مصدق واش قرا ..

ناصر:هذاا واش؟؟ واش هذاااا؟؟؟؟؟؟ مركزز شرطةةة و غراامة مااليةةةةةة و قضيةةة سرقة و ماااانعرف وااااش واااش راهووو صاارييييي هنااا ؟؟؟؟؟؟..

راضية:ااه؟؟ كيفااش؟؟؟ ياك قلتييلي تاع الخدمةةة وشمن غراامة هااذي..

ناصر:و زااايدتهاا بالكذذذذذب ثاااني..

ريام:علاش رااك تعيط؟؟؟مكااين والووو حكااية و تغلقتتت ..

ناصر:يعنيييي كاااين منهااااا!!!! كااينننن منهااا رجعتيييي سرااقةةةة؟؟؟ بنتتتت الاماااام رجعتتتتت سراااقةة حببببت تبهدلنيييي على كبرييييي حبت ترجعني مسخرة بيييين النااااس وااش درتلككك انااا واااش درتلككك بااش ديريييلييي هاااكااا ..

ريام:سقسسسسسي رووحككك واااش درتتتت ماجيييش تحاااسبني هناا و نتااا السبب لي خلاننني نولييي هاكاا ايييه اناااا سراااقةةةة سرااااقةةةةةةة مليييحةةة هااكاا ارتحتوو دوووكااا؟؟؟؟؟؟..

ناصر شد على قلبو و قعد فأول كرسي عرضو مكانش متوقع راح يجي نهار و يسمع الحقيقة المُرة هاذي كلشي توقعو انها ديرو الا السرقةة بعدااا السرقة؟؟ أي واحد صغير مزال مادخل حتى باش يقرا يقولك السرقة حرام هي دير فيها و تزيد معترفةة بيهاا و عادي كأنو مراهي دير في حتى حاجة حراام ..

شاف فيها بنظرات كلها سخط و انفعال و نطق بلا ما يوزن كلاموو في لحظة غضب دخلتها فيه بسييف عليه رغم انو مهوش من طبايعو يستسلم لشيطانو بصح استفزاتو بكلامها و طلعتلو الغاز لراسو بيه ..

ناصر:اخرجيي من داري ماانسحقشش وحدةةة سراقةة تكون في داري مستحيل تكووون بنتي سرااقةةة مهييش بعيدةةة تكوني سرقتي حاجات من الدااار ومانعرف واش درتي بيهممم  اخرجيييي و ماتزيييدش تورينييي وجهكككككك!!!..