كلي بكلك مغرم 🩶⛓️

كلي بكلك مغرم 136

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة136:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

قربت لعندو بهدوء و وقفت قدامو تشوف فيه بصمت ماعرفتش علاش حست بشعور غريب تملّكها كي قاللها هاكا كأنو قلبها رفرف داخلها و خلاها تقرب ليه بلا هواها و لولهة من تأثيروو فيها بالكلام لي قالو نسات خلافاتهم و مشاكلهم و عاشت معاه اللحظة هاذي لي ممكن يكونو بين زووج تمناو انها ماتخلاصش من كثرة ما انغمسو معاها و غاصو فيها بلا مايحسو..

قربت ليه كثر و عنقاتو كيما موالفة دير باش تهديه بقاو بين زوج ساكتين يسمعو لأفكارهم لي كانو يفكرو فيها حتى نطقت ريام و هي تشيرلو لجهة الفوتاي باش يقعدو عليه لأنو طولو فالوقفة و بدات تعياا برك ماحبتش تقولو..قعدو قدام بعض و هي بقات محافظة على عناقها ليه و نطقت بهمس مخاطباتوو..

ريام:شبيه الغضنفر ديالي همم واش قاتلك باش عاودت قلقاتك ..

همام:مايهمش ..

ريام: تباانلي الاحسن كان تقعدو تحكيو مع بعض هي تقولك اسبابها و نتا تقوللها واش في قلبك بالاك تقدرو تتصالحوو يعني لوقتاش راح تبقااو هاكا..

همام:كي تتصالحي نتي و باباك اومبعد ساهل..عندك نصائح بصح مكيش مطبقتهم في حياتك..

ريام:ماتخلطش الاموورر هاذي يماك..

همام:علاش وهو مهوش باباك..ماتقدريش تخبي نفورك منو نظراتك ليه نظرات باردة واضحة فعينيك..على عكسو هو تماما..

سكتت لثواني كي تفكرت واحد الحاجة اومبعد طلعت راسها فيه و جاوباتو ..

ريام:همااام..

همام:اممم..

ريام:علاباالك الصبااح دارولي الكبدددة و ماكليتهااش بقات في قلبييي هذاا ڨااع علاجاالك كان ماجيتتش كنت راح ناكلهاا بصحتتي..

همام شاف فيها بمعنى منيتك و تنهد عرفها مهيش حابة تحكيلوو على حكاية باباها ولا تزيد تتعمق فيها كثر معاه ولا مع غيرو فمحبش يزيد يجبدلها عليها زاد حشرها في حضنو كثر و جاوبها مسايرها في هبالها..

همام:اومبعد نقوللهم يديروهالك ..

ريام:اصلا جعت مزال باش يوجد الفطور؟؟..هذاا هو الاهتمام سيي الجنراال حابب تخليني لشرر..ااه ااه كاان بقيت في داارناا احسننليييي..

بعدت عليه و ناضت و هي مخنزرة فيه تقول ماهي لي كانت معنقاتو دوكا تهدي فيه بقا متبع بعينيه يشوف فيها و هي رايحة و هو يوحد في ربي على كتلة الغراابة و الاستغرااب لي عندوو تقول فيها عشر وجوه واحد فيهم مايتشبه لثاني تتبدل كي الزمان ماتعرفيها باش راهي تخمم و كيفاش راح تتصرف ..

تنهد بقلة حيلة و ناض هبط للتحت باش يقوللهم يديروها الكبدة هااذي احسن ماتحاوزو من الدار غير بالنكير تاعها لي مايخلاصش دخل للكوزينة علمهم و عاود خرج و هو طالع تلفت موراه على صوت باب الدار لي تفتح و تفتحو عينيه معاه كي شافو داخل بكل ثقة يجر ففاليزتو موراه تقول راهو جاي للاوتال شاف فالخدامة لي كانت جايزة من تم و عيطلها مدهالها و نطق بثقة..

اديب:ختي هااكي ديريها في بييتي الله يحفظظكك..

تخطاها و كمل طريقو رايح لجهة همام لي كان واقف مصدوم منو و من الهبال لي فيه قرب لعندو و تبسملو ابتسامة عريضة مجاوبو على تساؤولاتو لي كانو يدورو في مخو ..

اديب:مرحبااا بياا عندككك خويا شكراا على الاستضافة راح نبقا عندك شوية جاني اكتئاب فدار وحدي قلت نجي نأسس اسرة معاك الله يبارك هنا راكم في غاشي و مااجيتش كاامل علااجاالها بالاك تقول بلي جيت كي هند راهي هنا لااا ابداااا مستحيل..