كلي بكلك مغرم 🩶⛓️

كلي بكلك مغرم 127

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة127:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

حلت عينيها الصباح على ضو الشمس لي ضرب في وجهها كمشت ملامحها مستعدة للاستقاظ و ناضت تقعدت في فراشها في بالها مكانش معاها حتى تفاجئت كي لقاتو راقد على الكرسي مع..ذب فالرقدة طلعت حاجبها للفوق و هزت كتافها بعدم اهتمام غير جات هابطة من سريرها فطن هو من نعاسو مسح وجهو باش يسترجع وعيو مليح و قرب ليها يشوف فيها واش تسحق..

همام:وين راكي رايحة ..

ريام:لتوووالات وين حبيتني نروح..

همام:قولييلي انا نديك علاش جاية تكلوفي وحدك..

ريام:يااوسمك منيش معاقة الشي لي راك ديرلي فيه كامل نقدر نديرو وحدي..

همام رفدها بخفة بين يديه بلا مايجاوبها و راح بإتجاه الدوش لي كان فالغرفة لي كانو فيها دخلها للداخل و حطها قدام التوالات و بقا واقف يستنا فيها باش يكمل يديها لدوش حتى شافها مام هي راهي واقفة تشوف فيه حاطة يديها على خصرها تستنا فيه يخرج بصح وتقووول اذا فهم روحو و خرج..

ريام:شكرا على التوصيلة سي الجنرال خلاص تقدر تخرج..حتى التواالات ثاني و مانرتااحوش فيييه ..

خسر ملامحو فيها و خرج و هو يمسد على جبهتو بإبهامو الرقدة لي رقدها عوجاتو و زاد مزال ماشرب قهوتو حس بروحو مهوش بنادم كامل و زادتلو هي بنكيرها مع صباح ربي بقا يستنا فيها برا حتى شافها خرجت بعدما غسلت وجهها قربت ليه بخطوات بطيئة و نطقت ..

ريام:خصوني حوايج..

همام:لبارح بعتهم يجيبولك من الدار..

راح رفد الكابة لي جابوهالها و دخلهالها بنفسوو لدوش جا خارج باش يروح يجيبها حتى لقاها لتم معاه تنهد و خرج مخليها براحتها بقا قاعد يستنا فيها وهو يهز فرجليه من الارض بزربة فاتت نص ساعة و هي مزالت لداخل حتى تقلق عليها دار في بالو كشما صرالها قرب للباب و طبطب ناطق بإستغراب..

همام:وااش راكي ديري لداخل هذا كامل باش تبدلي حوايجك ..مااتكونيش زعما هربتي من التاقة راح نلقاك نلقاك غير مكلاه تخمي فيها..

تحلت الباب و خرجت منها وهي مخنزرة فيه كانت لابسة حجابها محضرة روحها و شايدة خيمارها و نقابها بين يديها راحت جهة سريرها قعدت عليه و جاوباتو بهدوء..

ريام:مراحش نهرب منك حتى نخليك نتا تهرب مني ماتخافش..

همام:ماعندي لوين نهرب كل الطرق تؤدي ليك نتي..!!