كلي بكلك مغرم 🩶⛓️

كلي بكلك مغرم 🩶⛓️46

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة46:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فجهة الرجال وين كانو قاعدين الاخوة مع ناصر لي كان يحكيلهم في قصة دينية منغمس معاها يحكي فيها بكل حماس خلا همام يركز معاه بسيف عليه لأنو بين مرة و مرة يبدا يسقسي فيه و هو من حسن حظو جا فطن رغم انو مرات تركيزو يتشتت فواش يكون يحكي بصح يعرف يجاوبو و ينقد الموقف قدامو ..

أما اديب كان عايش في عالم ثااني حديثهم جابلو الملل و مالقاش واش يدير غير قرر باش ينوض حس بيد همام شدت فيه حتى عاود انجر و قعد قدامو تلفت شاف فيه ونطق بهدوء..

همام:وين رايح؟؟..

أديب:نتا مااشي كنت منغمس فالحكاية روح كمل حكايتك واش يهمك فيا..

همام:سقسيتك لا!!..

أديب:كنت رايح نسلم علييهم هدوين تفكرت بلي كي جيت دخلت ديراكت هنا..

همام:تشد الارض ولا نشدها عليك؟؟ مرتي راهي بلا خيمار وين تروح نتاا؟؟و زيد حتى ختهاا تكون نحاتو احكم بلاصتك احسنلك ..

أديب:هفف ماقلناا والوو ..

عاود شد بلاصتو و بقا يتأفأف حتى لقا روحو متبع معاهم الحكاية و يسقسي في ناصر واش صرا باش يزيد يحكيلو عليها كثرر فالجهة المقابلة ليهم وين كانو الثلاتي يحكيو مابيناتهم حتى نطقت راضية و هي تشوف في هند مصغرة عينيها فيها و من نظراتها ليها هند عرفت بلي الحكاية راهي عليها بلعت ريقها بتوتر و بقات تسمع لواش كانت تحكي يماها ..

راضية:علابالكم شكون عيطتلي مقبيل..

ريام:شكون..

راضية:ياك هند عندها صحبتها اسمها استبرق عيطتلي يماها ..

هند:علااه..

راضية شافت فيها بشك و جاوبتها مخليين ريام تشوف فيهم بإستغراب مافاهمة والو..

راضية:زعما ماعلابالكش..

هند:لا واش علابالي..

راضية:قاتلي وليدها حب يخطبك ..غدوة جي لدار باش نتفاهمو على النهار لي يجو فيه يديرو رؤية شرعية لازم نقوللباباك قبل..

ريام:يااه هذااك حمزززة ..

راضية:ايه هو ..

ريام:مليييح ربي يتممها بالخيير مع انو ماانظنش بابااك يرضى يزوجك ههه..

هند و راضية شافو فبعض و تنهدو بين زوج بقلة حيلة من تخمامها كي لقاتهم سكتو ضحكت بخفة و عاودت نطقت مرة أخرى..

ريام:هه شبيكم ..

راضية:علاش مايقبلش يزووجها ا رياام كيما نتي كيما هي و كيما قبل يزوجك راح يقبل يزوجها راهي 30 سنة وين تزيد تبقاا كثر ..

ريام:مانعرف توقعت بررك بصح اذا كانت هي قابلة ان شاء الله يقبل مادابيناا ..

هند:اييه ان شاء الله..

راضية:يااه معنتها راكي قابلة ..

هند:وعلاش مانقبلش ماما السيد بخدمتو و بداارو و زيد خو صحبتي ..

راضية:اممم اومبعددد نشووفوو ..

هند:غير مااتشوفيش فيا هاكا جامي هدرت معااه ولا هدر معايا بعييد الشر خاطينا الحراام ..

راضية:علابالي نعرفك ماديريهاش..

هند:اييه كيماا قالنا نسيبي المرة لي فاتت خير الامور أعجلهاا كاان غير يجو غدوة و نديرو الخطبة بعد غدوة و العرس السمانة لجايةة..