كلي بكلك مغرم 🩶⛓️مكتملة

كلي بكلك مغرم 🩶⛓️66

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة66:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد يووم فات عليهم كلو تحضيرات وتجهيزاات كملو شغالهم لليوم هذاك بعدما كانو خرجو شراو واش راح تلبس هند و زادو قضاو واش كان خاصهم ريام ماقصرت فوالوو و كلشي كان على حسابها و كي جاو لدار زادو كملو التوجاد تاعهم من حلويات و مقبلات و عصاير كلشي حطوه في بلاصتو و زادو ختموها بالنتواياج لي داروه الحاصول كان كلشي بالطببع ويوم فاات يجري بلخف عليهم..

و في يووم جدييد لي كاان يووم الخطبة ناضو بكري دارو غير اللمسات الاخيرة لأنو كانو وجدو كلشي لبارح ريام كانت لاهية مع هند توجد فيها خلاتها لبست القفطان لي شراتو و بدات ديرلها فشوية مكيااج تحت طلب منهاا هي لأنو هند ماحبتش ديرو غير كي سمطت عليها باش قبلت ..

كملت دارتلها المكياج لي كان خفيف برز ملامحها برك و عاونتها باش دارت لفة انيقة تاع خيمار لأنو حبت تبقا بيه و ماتنحيهش نظراا للفاتحة لي ماحكاولهمش عليها دار العريس قاللوهم خطبة برك رغم انو ماعجبهاش القرار هذا و كانت حابة يديرو عقد شرعي مع الخطبة بصح كي ماقالو والو سكتت حتى هي ..

ريام لبست روبة سامبل تاع مناسبات و دارت مكياج خفيف كيما تاع ختها بلا ماتكثر خلات شعرها مطلوق على كتافها و كملت تحضيرها لنفسها بعدما كملاتو لهند و بقاو يستناو فالضياف باش يجو ..

فاتت ساعة تقريبا و هما مزالهم يستناو حتى بدات هند تتقلق كل مرة تشوف لساعة تحسب فالثواني تاعها و هما للدوك مزال ماجاو رغم انو كانو عطاولهم بتقريب وقت محدد باش يجو فيه و لي هو كان الزوج تاع العشيا مور الظهر دوكا راهي الثلاثة وللدوك مزال ماشرفوو لعندهم ..

خرجت من بيتها و هي شايدة جلايل قفطانها من الارض دخلت لصالون لقات ريام و راضية يوشوشو مابيناتهم غير شافوها جات سكتو بين زوج و بقاو يسمعولها لواش كانت تحكي و هي شايدة غصتها بسيف باش ماتفضحهاش قدامهم ..

هند:ماشي طولوو؟؟ راهي تلاثةة ياك قالو لبابا على زوج يجو ..

راضية:بالاك يكونو تعطلوو ولا اصبري مزال الحال..

هند:وين يتعطلوو زوج خطوات و هما وصلو لدارنا يجوو على رجليهم برك ..

راضية:دوك يجوو اهند بلعقل برك..

هند:اوففف زعما يكونوو بطلوو ..

ريام:ياك هاذي صحبتكك اذا بطلو كانت راح تقولك من قبل ماشي تخليك توجدي روحك هاكا فلخر مايجوش..

هند:صح صح ..اكيد يكونو جايين..

عاودت رجعت للبيت و قعدت على سريرها تستنا فيهم و هي تهز فرجليها مع الارض بتوتر كلما يتحرك رقاص الساعة يتحرك بؤبؤ عينها معاه و هي تعس فالوقت بدقيقة و الدرج وقتاش يجوو و يرحمو صبرها شوية ..

أما فجهة اخرى و فدار استبرق وين كانت موجدة روحها لابسة عبايتها و رامية خيمار على راسها باش مايتخربش شعرها يماها و خالاتها و عماتها قاعدين معاهم و هي شايدة تلفونها تعيط لحمزة لي غبر حسوو من الصباح و للدوك مزال ماباان ..

شافت في يماها لي كانت تحركلها فراسها بمعنى اذا كاين كاش جديد و جاوبتها بإستياء..

استبرق:مهوش يجااوب اوفف قلقني ولله ..رااهي قريب تلاثة و نص وقتاش نرووحو للخطبة هاذي دوكا ..

لطيفة:اوااه هاذااا يكون كشماا صرالو اكيد مستحيل يغبر هاكا بلا مايقوللنا ..

استبرق:واش راح يصرالو الصباح خرج لابااس بيه ..

لطيفة:عاودي عيطيلوو بالاك يجاوب ..

عاودت عيطتلو و نفس الشي مايجاوبش نفخت بعدم ارتياح لواش راهو يصرا و بقات رايحة جاية خالاتها و عماتها يصبرو فيها وفيماها و يطمنو فيهم شوية حتى لحقها مساج من عندو غير شافت اسمو بلي المساج هذا منو انتفضت بزربة حتى خلاتهم تلمو عليها كامل و بقاو يسمعو لواش كانت تقرا من المساج هذاك بصوت عالي..

استبرق:منيش جااي ألغيوو الخطبةة و ماترووحوش وقولولهم بطلنا كلشي !!!!