كلي بكلك مغرم 🩶⛓️

كلي بكلك مغرم 148

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة148:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد يومين و عند هند لي كانت في بيتها مع ريام قاعدين للدوك مزال ماخلاتها تروح لدارهم كلما تقوللها لازم نرجع لدار تبدا تزيد عليها و تقوللها مزلني مريضة ماتروحيش و هي كي تلقاها قاتلها هااكا تولي تسكت و تكمل جوز معاها نهارها رغم انو مكانتش مرتااحة بزااف بحضوور اديب معاهم بصح مالقات مادير مع رغبة ريام فبقائها معاها ..

كانت لاتية تحكي معاها حتى شافتها ناضت رمات خيمارها على راسها تحسبا لحضور اديب على غفلة و قالت بملل..

ريام:هايا نهبطو لتحت ذاق خاطري هناا اوفف المرض يجيب الاكتئااب ..

هند:راكي بريتي ريام كان تخليني نولي لداار ماما بقات وحدهاا ...

ريام:انا نشكييلها من المرض و الاكتئااب و هي تقولييي نروح.. كي تروحي واش نقعد ندير وحديي ..

هند:ماعلاباليش على الاقل نروح اليوم و نولي رااني هنا عندي 4 اياام بزااف..

ريام:غدوة انا راح نخرج و نتي تغطي عليا..

هند:ويين؟؟كيفاش نغطي عليك هاذي..

ريام:ماششي بعيد من هناا شي نص سااعة برك و نولي دوكاا هماام يقولي راكي مريضة ماتخرجييش و انا لازم نخرج و نتي بدورك كأختي الجميلة راح تغطي عليا..

هند:و كيفاش نغطي عليك انا؟؟..

ريام:دووكا هو راهو دااير كاميرات فداار و بما انك راكي هنا مراحش يدخل يشوف واش راهو صاري و كي نخرج الحراس لي برا راح يديرو في بالهم بلي نتي لي خرجتي و بالتالي مراحش يعرف بلي انا لي خرجت..

هند:علاش عليك الشي هذاا؟؟؟ وين راكي رايحة باش مكيش حاباتو يعرف..

ريام:فالخدمةة لي كنت نخدمهاا طلبوو مني وراق نوقعهم باش يفسخو عقد الخدمة و لازمني نروح..

هند:قوليهالو ديراكتت مالا هو يديك!!..

ريام:قتلك مرااحش يخلييني اهننند يقولي راكي مريضة ..

هند:حيرتيني ولله ..

ريام:المهم نتي ماراح ديري والو جيست اقعدي فدار بررك ..

هند تنهد بلا حول و حركتلها راسها بالايجاب مجاوبتها بقلة حيلة على تفكيرها و خططها لي مايخلاصوش ..

هند:ان شاءالله..

راحت لبست طقم صلاتها و دات نقابها فيديها لأنو كان مزال الحال باش يجو بصح دارت احتياطاتها هبطو قعدو فالصالون مع بعض و كملو حديثهم لي قطعوه لفوق شوية حتى دخلت ليهم سراب شايدة مجلتها بين يديها تشوف فيهم بنظرات نارية خلات ريام تخمم كان تنوض دخل صباعها فيهم و تتهنا من كمية الاستفزاز لي تركبها فيها بثواني وجيزة فقط قلبت عينيها عليها و حاولت تركز  فحديثها مع ختها بصح ماقدرتش تركز مليح وقت سمعتها تحكي..

سراب:حبيت نسقسيك.. وشمن طالب رحتو ليه باش دارلكم "دارت حركة تاع سحور بيديها و كملت تحكي" باش نروح ليه حتى اناا و نحاول نفك لي دارو  ..

صرات لحظة صمت مريبة بيناتهم هند بقات حالة عينيها بصدمة ماشي مستوعبة واش سمعت منها و ريام كانت تخمم فشي طريقة باش تلحق ليها في ثانية و تدخل فيها بدماغ تنسيها فحليب يماها بيه أما سراب كي شافت الحالة حماضت كي ماجاوبتها ولا وحدة فيهم بلعت ريقها بتوتر و جات نايضة حتى شافت ريام ناضت نحات خيمارها و بدات طلع فكمايم تريكوها و هي تحكي فنفس الوقت..

ريام:بلا ماتروحي تفكيه دوك انا نجي نفكو فيك ..