كلي بكلك مغرم 🩶⛓️

كلي بكلك مغرم 90

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة90:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام طلعت حاجبها فيه و بقات ساكتة ماعرفتش علاش توترت من جوابو لكن رغم هذا نسبة خوفها قلت على قبل كي عرفت الحقيقة الصادمة بالنسبة ليه وليها و لأول مرة تعتبرها من اجمل الصدف لأنو الصدفة هاذي نقصت عليها بزااف مشاكل كانو راح يجوها و ارتاحت شوية كي عرفت بلي مهيش دير فحاجة غير قانونية على الاقل سلكت من الحبس مبدئيا فقط(مبدئيا فقققط)..

حطت الكاس تاع الماء من يدها و قربت ليه لفت يديها على كرشو و دخلت راسها في رقبتو مخلية انفاسها يلسعو فبشرتو حتى حست بالرجفة تاعو بين يديها تبسمت بخفة على تأثيرها فيه و نطقت بجرأة مخلية مشاكلهم على جنب عايشة معاه كيما راهي حابة..

ريام:مالا تزوجت بيا على زيني ولا واش امم..ماقتلييش عجبك اللوك الجديد تاعي هممم..

همام شاف في شعرها الاصفر لي صبغاتو و تنهد مجاوبها على سؤالها الاول ..

همام:تزوجت بيك لأنو عجبتيني من جيهتين..

ريام:لي هما؟..

همام:زينك و ذكائك!..

ريام:ذكائي؟من وين تعرفني اذا ذكية ولا لا..

همام:كي سرقتي البيسي درتي المعلومات لي فيه ففلاش ديسك و رجعتيه بمجرد ما عرفتي بلي المعلومات لي داخلو خطيرة و عرفتي بلي مول البيسي هذا لي هو انا شخصية مهمة و رجعتيه بلخف لأنو فهمتي بلي قادرين يلقاوك في ثواني ظليتي الحراس و حطيتيه قدام الدار بلا اثاار بلا أي حاجة حتى بصمااتك عليه و ماكانوش.. الشي هذا مايديروش أي انسان تفكيرو عادي ..

ريام:راني نسرق فأثاار بقيمة تسوا بلاد وشمن تفكير عادي حبيتو يكون عندي..يعني تزوجت بياا باش تستعمل ذكائي فخدمتك! و فنفس الوقت عجبك زيني الخلاب ..

همام:يعني ..تقدري تقولي..

ريام:كيفاش عرفتني بلي انا سرقتو و علاش بقيت ساكت علاش ماواجهتنيش..

همام:عندي مبدأ في حياتي كلشي نديرو في وقتو حتى حاجة مانسبقهاا على وقتها ..ووهااهو جا الوقت لي عرفتي فيه واش درتي!..

ريام:بصح ماقتليش كيفاش عرفتني انا سرقتو!..اييه و قتلي هاذيك المرة ممكن نكون شفتك!..

همام:ماشي لازم تعرفي كلشي..

ريام:يعني تصافيناا دوكا حتى واحد ماراهو مقلق على واحد..!

همام:لا!..

بعدت عليه و هي عاقدة حواجبها بإستغراب ماتوقعتش يقوللها لالا لأنو دارت في بالها بلي مراحش يحاسبها بماا انوو راهي تخدم عندو و ماعندها حتى ذنب فلي صرا بصح لقاتو يخمم بتفكير ثاني ماعرفتش واش هو ..

حركتلو راسها بمعنى علاش و نطقت بدهشة..

ريام:علاش؟؟..

همام:حتى تحبسي الخدمة هاذي و ترجعي نقابك !!..

ريام:هدوييين قتلي عجبتك لذكاائي واش لفايدة كي عجبتك فيييه و نتا مرااحش تستعملووو فياا!!..

همام:بطلت مانسحقش مرتي تكون فنفس ميداني ..و زيد الخدمة هاذي راهي خطيرة و فيها ريسك ..

ريام:خفت عليا! ياك راك جنرال وتقدر تخرجني كي الشعرةة من العجين..

همام:انا لي ندخلك ماشي نخرجك!! خدمتي فجيهة و حياتي فجيهة اخرى مانخلطش بيناتهم..

ريام:قصدك نتا دخلني للحبس؟..

همام:اذا غلطتي تستاهليه!..

ريام:انا مراحش نحبس الخدمة هاذي ..راحتي راهي فييها مانقدرش نحبسها ومستحيل نحبسهاااا ..و غيييير مكلاه تقوللهم يخرجووني لأنو اذاا كنت نخدم فخدمة قانونية معااكم رااح نولي نخدم فالغييير قانونية المهم مانحبس هاني قتلك!!..