كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة16:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

قال كلامو بدون أي مقدمات و بقا ساكت مربع يديه على صدرو يلاحظ في عينيها و الجمود لي ترسم فيهم بكل وضوح كأنو ترفدت طفلة و تحطت ثانية في بلاصتها و رغم انو هو انسان خبير في قراءة عيون النااس الا انو عيونها هي بذات ماقدرش يفك شفرتهم ولا يحدد هدفها من هاذ النظرات لي بثتهم فيه ..

مرة يقول هي مرة يقول كان جات هي مكانتش راح تقابلني بكل البرود هذا على الاقل كانت راح تتوتر تخاف! دير أي ردة فعل فالاخيرا راهي قدام جنرال ماشي أي شخص عادي بصح هي بقات تشوف فيه بنظرات كلها برووود كأنها كانت تتحدا فيهم بيهم و بعد صمت دام لثواني عدييدة رمشت بعينيها بخفة حتى نفض راسو هو من سرحانو فيها و تعدل في وقفتو كي سمعها نطقت بهدوء..

ريام:منيتك؟ راك واحد من الدولة صح ولا مدولك الشهادة بالمعريفة؟

همام:علاش؟..

ريام:يعنيي ابسط شي ممكن يديرو الضحية كي يشوف الامن واقف قدامو هو يهرب! ماشي يبقا يڨصر معاه و يجبد فالمواضيع و الحياة حلوة ..و زييد! منظري منظر وحدة سراقة؟؟؟..

همام:امم ..لا ..صراحة قنعتيني..يعني ابسط حاجة يقدر يديرها الضحية كيما قلتي هو انو يهرب..

ريام:اييه شفت اسييي عون الامن ..تسحقني في حياتك باش نحلك بواف قضايا سبحان الله ..

همام:ايه هاكا يظهرلي ..

ريام:المهم كيماا قتلك مقبيل مكاش مشكل راح نعاونك باش تلقا لي سرقتلك اذا عرفت أي حاجة نجي نقولهالك .. بصح وين نلقاك؟؟..

همام:نخليلك رقمي و عيطيلي ..

ريام:اييه مكاش مشكل..

جبد كارت من جيبو كان مكتوب فيها اسمو الكامل و رقم تلفونو شدتها عليه قراتها قراءة سطحية و تبسمت بصح تفكرت بلي راهي بنقابها عاودت قلبت شفايفها بملل و نطقت بهدوء..

ريام:سي هماام متشرفين ..

همام مدلها يدو باش يصافحها لقاها رجعتها مور ظهرها كان مستعد باش يستغرب من تصرفها حتى سمعها نطقت موضحتلو الموضوع و هو حرك راسو بالموافقة على كلامها كي فهم موقفها منو..

ريام:حرام حرام ..

همام:اه ايه راكي متنقبة نسيت ..المهم متشرفين اذا كشما عرفتي رقمي راهو عندك ..

حركتلو راسها بالايجاب و كملت طريقها رايحة لدارهم كلما تتلفت ليه تلقاه مزال يشوف فيها حتى تلفها على القبلة و نسات وين كانت رايحة عاودت ثتبتت روحها مليح و راحت بإتجاه دارهم و هي تهرول فخطواتها حشمت غير تروح تجري المهم انها تغبر من قدامو ..

بقات طبطب بزربة باش يجو يحلولها و يسلكووها من نظرااتو ليها لأنو حرفياا تلفها بيهم و ماجاو يفتحولها الباب حتى كانو ذنوبها ضاعفوو و هي تسب فيه في قلبها غير تفتح الباب دخلت تجري و غلقتها في وجهو الشي لي خلاه يفطن من وسط تركيزو فيها ..

بقا ثواني وهو واقف يستوعب واش صرا اومبعد راح ركب فطونوبيلتو و قلع راجع لداروو أما ريام كانت دخلت لدار وهي تنهج حاطة يدها على قلبها تتنفس بزربة قلعت نقابها بحركة خفيفة منها حتى بان وجهها لي كان حمر كلو من الموقف لي تحطت فيه قبل شوية كيفاش قدرت تشجع روحها و تسيطر على توترها ماعرفتش كانت قادرة بحركة صغيرة منها انها تكشف روحها و يعرفها بلي هي لي سرقت بصح مزية لي ضبطت تصرفاتها و قدرت انها ظلو على الحقيقة و تخرجو عن مساروو لي كاان قريب باش يشدها فيه ..

هند بقات تشوف فيها بإستغراب حايرة فيها و في حالتها حطت يدها على خدها لقاتوو سخوون السخانة طلعتلها و هي وسط التوتر هذاك لي كانت عايشاتو داخلياا بلا ماتبينو ظاهريا ..عقدت حواجبها بتعجب و نطقت بخوف عليها ..

هند:شبييك واش كاين؟ كاش واحد قلقك براا؟؟..

ريام:اه! لا مكان والوو السخانة بررك ..

هند:روحي بدلي و ارواحي اتعشاي دوك نحطو الطابلة ..

ريام:بلاش منيش جعانة..

قالت كلماتها و راحت لبيتها دخلت و غلقت الباب موراها حاسة بشهيتها انقطعت بعد لي صرا معاها نفخت بتذمر و راحت قعدت على سريرها وهي تخمم فشي حل للمشكلةة الثاانية لي دخلت روحها فيها شافت فالكارت لي كانت مزيرة عليها بين يديها و نطقت بهمس..

ريام:دوكا انا واش راح نقوولو هفف واقيل نحصلها في بنات الزوبير وخلاص حتى هما متنقبات..انا الحماس لي فيا لازمني نروح نقطع عليه دايمن مشااكلي جايين بسبتو !!..