كلي بكلك مغرم 🩶⛓️

كلي بكلك مغرم 164/165/166

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة164:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

تنقلو عينيه بنظراتو ناحيتها فكل جزء من ملامحها كان يحاول يفك شفرة كلامها و يفهم بيه كاش حاجة بصح ماقدر يوصل لحتى تحليل يحلل بيه واش قالت حط يدو فوق يدها و هبطها باش ينقص من نسبة انجذابو ليها لأنو حس بروحو كلما كان يهرب من شعورو و يحاول يخبيه كلما كان كان يزيد يغرق فيه كثر ..

همام:علاش لا؟نتي راكي ديري فكل حااجة لي تخلينا بعاد على بعض!مكيش تحاولي علاجالنا!..

ريام:هيي صح مرات نحس روحي مانقدرش نعيش مع واحد يتحكم فيا بصح كي نشووف من جهة اخرى نلقا روحي ماشي قادرة نبعد عليك ماعلاباليش علاش ..ممكن لأني لقيت فيك واش مالقيتش في عايتلي و في بابا! منيش حابة نبعد عليك ملخر افهمها كيما حبيت!!..احسبها اعتراف احسبهاا ولف المهممم حتى و اذا كنت مراكش قابل بيا راح نبقا هنا.."سكتت لثواني تستوعب واش قالت اومبعد عاودت صلحتها بلخف" نبقاا هنااا!! مااانبقاش اذا مراكش قااابل بياا! صح اعترفتلك بواش راني حابة بصح منيش مذلولة نبقا مع واحد مهوش حابني صحح مرااكش حاابني؟؟ لهاذ الدرجة مراكش حاملني و حاامل تواجدي في حياتكككك..

همام:راني حاب!..

صغرت عينيها فيه بشك و جاوباتو بتساؤول حابة تخرجلووو الفولة لي راهي في فموو و ينطق و يهنيهاا بالاك على الاقل ترتب شوية و ماتبقاش طيير بإعترافو ليهاا ..

ريام:واش راك حاب؟..

همام:كيما راكي حابة..

ريام:واش راني حابة؟..

همام:شوفي نتي..

تنهدت بقلة حيلة و حركت راسها بالايجاب كي عرفاتو مراححش يقول واش راهو فبالها تبسمت بخفة و عاودت ترمات فحضنو مجاوباتو بصوت هادئ..

ريام:رااح نحاول ولله مراحش نخلي العلاقة هاذي تفسد رااح نحاول نوفق بين الرغبات تاعنا بين زوج باش نكونو مرتاحين بيين زوجج..

همام:رغباتك مايتوافقووش مع رغباتي..

ريام:قتلك نحاولوو دوكا شبيك تتبلا فيا اومبعد تقولي علاش سبحان الله..

همام:راني نقولك فالحقيقة برك ..

ريام:صحا قولي واش راك حاب نتا؟..

همام:رااني حاب تنحي الخدمة هاذيك من راسك تنسايها كامل كأنوو عمرها ماكانت في حياتك و بعدها ديري واش تحبي برك في اطار واش نحب اناا هذا مكاان..

ريام:ندير واش نحب انا في اطار واش نحب نتاا؟ ..

همام:امم يعني ديري واش تحبي بالصح فالحدود..