كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة35:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام بقات تشوف فيه بدون استعاب مافهمت والو من كلامو كيفاش و وقتاش شافها ماعرفتش و ماجاتها حتى فكرة لراسها و هي وسط الضغط لي كانت عايشاتو بين يديه و هو مزير عليها ..

بلعت ريقها مرارا و تكرارا حتى حست بأشواك محتلين حلقها و بعدت عليه ببطئ حتى تحررت من قبضتو رخفت خيمارها حتى نحاتو و نطقت بعدم فهم ..

ريام:مافهمتش..وين راح تشوفني مثلا؟؟..

همام حط يديه في جيابو و جاوبها و هو يلاحظ في ملامحها المضطربة و مستمتع برجفة صوتها لي طغا عليه  التوتر ..

همام:ممكن ثاني نكون ماشفتكش..

ريام:راك تلعب معايا!..

همام:الدوش راهو مقابلك اذا حبيتي ادخلي خودي راحتك انا راح ندخل فالدوش تاع البيت لي قدامنا و كي نخرج نلقاك واجدة!..

حركتلو راسها بالايجاب بلا ماتوعى و بقات متبعاتو بعينيها حتى خرج و غاب عليها خلاها واقفة تبلع في صدمتها و تحاول دخلها لراسها حرفيا حست بروحها دخلت في حيط من تضليلاتو ليها كأنو راهو عارف حاجة عليها بصح ماعرفتش واش هي..

و رغم انها حست بالخطر يحوم حواليها إلا انو بقات تشجع في روحها بلي مكاين والو حتى لدقيقة لي جاتها لحظة ادراك لواش قاللها قبلما يخرج حلت عينيها بصدمة و نطقت بهمس مع نفسها..

ريام:نلقاك واجدة؟؟نوجد روحي؟؟؟ يااه! انا تزوجت!!يعني لازمني نولي مرت رااجل استغفررر الله كيفاش ماخممتش فيها هااذي واش راح نديير دووكااا ..كيفااش نديررر اصلااا احم ريام ثبتي روحك ماكاان والوو راح تفوت متخافيش نتي الخوف و يخاف منك دوكا راكي خايفة لا ماجاياش هايا هايا تقدريلهاا يااخياال تقدريلها ..

نفخت بعدم ارتياح و راحت لجهة الخزانة حلتها قابلوها حوايجو و تغلغلت لجيوبها الانفية ريحة برفانتو خلاتها تغمض عينيها بإستمتاع من ريحتها لي استطعمتها بوضوح جوزت انمالها على حوايجو و تبسمت بفخر حاسة بروحها شخصية مهمة كي راهي وسط دار جنرال و رااهي مرتوو و هو راجلهاا!! فكرة استصعبت انها دخلها لراسها و تتقبلها رغم انها كانت فرحانة بفكرة كيما هااذي ..

لوهلة تفكرت كي قاللها كي نخرج نلقاك واجدة غلقت جيهة حوايجو بلخف وفتحت جيهتها كانت خزانة كبيرة شبيهة بالڨارد روب قريب تاهت وهي تحوس على واش تلبس فيها ..

جبدت روبة قصيرة قماشها صاتان واصلة لفخادها مافيهاش أكمام إلا الخيوط لي فيها لونها اسود فحمي مشقوقة جهة الفخد رفدتها بزربة و دخلت لدوش دوشت بلخف بلا ماتقيس شعرها و نشفت جسمها لبست الروبة تاعها و مشطت شعرها عدلاتو بيديها جابت مكياجها و دارت منو لمسات خفيفة برك خلاوها تبان انيقة و سامبل..

تأكدت من منظرها قدام المراية و بقات ترش في برفانها حتى خلصاتو عليها غير حست بلي راهي جاهزة نفسيا و جسديا باش تخرج فتحت الباب و تفتحت معاها باب البيت بانلها داخل و هو لابس شورت برك مهبط راسو في تليفونو غير طلع راسو شافها واقفة جامدة قدام الدوش رعشة قلبها وسط ضلوعها و قدر يسمعها منها بوضوح ..

خلا عينيه تتسارا على طول جسدها الشبه العاري قبالتو و تمشى ببطئ حط تلفونو قدام أول حاجة لقاها قدامو و جوز لسانو على شفايفو مبللهم بريقو لي نشف عليه من منظرهاا و هي هكاك كلما كان يقرب ليها بخطوة كانت هي تزيد تزير على قبضة يدها حتى مابقاش كاين وين تزيد تزير ماعرفتش علاش جاها كل الخوف هذاا كي تحطت قدام الامر الواقع و عاشت واقعها ..

في دقيقة وبلا ماتفهم كيفاش صرات اللقطة في لمح البصر طفا الضو عليها و ترفدت من الارض فنفس الوقت شدت في كتافو بزربة قبلما يختل توازنها و بقات ساكتة مستنية مصيرها كيفاش راح يكون لهاذ الليلة ..