كلي بكلك مغرم 🩶⛓️

كلي بكلك مغرم 177/178/179

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة177:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

شافت حواليها مالقاتوش حسو تقطع لوهلة بقات تسمع غير صوت لمواج يضربو ببعض ماحست بدموعها حتى لقاتهم متسابقين على خدودها من الذعر لي تسارا في عروقها خوفا من فقدانو حقيقةً ..

بقات تحوس عليه بعينيها بصح مابانلهاش مسحت وجهها من الدموع باش توضاحلها الرؤية و بعدت شوية حتى هي تحوس عليه ..

ريام:همااام خلينا من اللعب الساامط تاعكك قلبي راح يحبببس ولله ..

ماجات تكمل كلامها و تستوعب واش كان داير بيها حتى حست برجليها تجرو للتحت و دخلت لأعماق البحر قاطعة انفاسها بصعوبة حتى من الخلعة لي ركبت فيها جاتها الدوخة ماعرفت باش تبلات للحظة شافت شريط حياتها كامل جاز عليها قالت يا شي حوت ولا قرش كلاني يلا جا تيار فالبحر و داني و هاذي هي اخرتي فالحياة ..

همام شدها فحضنو و عاود طلع بيها للفوق كي شافها طلقت روحها و استسلمت لواقعها لي رسماتو في عقلها خرج راسو من تحت الماء و خرجها معاه هو تنفس و هي بقات سادة فمها مغمضة عينيها كأنها دايخة بصح مزالت في وعيها بقا يستنا فيها تتنفس بصح ماتنفستش حتى خلعاتو ما لقا روحو غير رافد يدو و ضربها بخفة على خدها باش تفطن و تولي لوعيها ..

همام:اتنفسي وشبي يماك..

غير استوعبت واش كان داير بيها شهقت بقوة و بدات تسترجع فالنفس لي قطعاتو غير شافتوو قدامها عنقاتو بقوة و بلا ماتحس بدات تبكي بالصوت و بالدموع و هي تشكيلوو مزال اصلا مافاقت بلي هو لي جبدها للتحت ..

ريام:حسباتتتلي متتت وخليييتنييي وحديي كنت راح نمووت شفتتت حيااتي بين عيينيا قلت هاذي اخرتي وانا مزاال ماتبت مزاال ماصليت كي النااس مزال مادرت الخيير ..

همام:حسباتلك مت و خليتك وحدك؟..

ريام "جاوباتو وهي تشهق ":اييه خفت تمووت ...

همام:خفتي عليا..

ريام:بزاااافففف ..

همام:خلاص مزلني هنا مامتش متخافيش..

جات راح جاوبو حتى بدات تستوعب و كأنو جاتها لحظة ادراك بعدت على حضنوو و شافت فيه و هي حالة عينيها بسيف شي من ملوحية البحر و شي من دموعها بقات ثواني و هي ساكتة فالاخير عاودت نطقت بعدم استعاب..

ريام:نتا جريتني للتحت؟..

همام:لالا!..

ريام:نتااااا جريييتنيييي للتحتتتت كنتتتت رااح نموووت حسبتتت القررررش شدنننيييي حتى الشهااادة و تلفتلييييي كيفاااش نشهددددد مااعرفتش وااش نقووول ..