كلي بكلك مغرم 🩶⛓️

كلي بكلك مغرم 🩶⛓️59

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة59:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

♡تكملة الفلاش باك♡

سراب قعدت على الكرسي من فرط الصدمة لي تلقاتها و همام بقا حال عينيه فالشرطي يستوعب في كلامو لي ماجاهش غريب عليه و كان عندو معلومات سابقة على كامل واش هدر بسبب انو كان انسان مولع بسلك الدولة و الشرطة و أي حاجة متعلقة بالتحقيقات و الجنرالات كان دايمن في وقت فراغو يقرا عليهم و يلقط معلومات فهاذ المجال حتى رجع يعرف بعض الامور لي خلاوه يفهم بوضوح كلام الشرطي الموجه ليه ..

الشرطي كي شافهم ساكتين عاود قعد فكرسيه يقرا فدوسي تاع همام كأنو ماقدرش يستوعب بلي طفل تاع 15 سنة يقدر يكون مورط بكل الافعال المشبوهة هاذي..مسح على جبهتو بعد فهم و نطق موجه كلامو لسراب..

الشرطي:فهاذ الحالة و الادلة كلها راهي ضدو و نظرا لعمروو صح ماراحش يدخل للحبس بصح راح يدخل لمركز اعادة التأهيل!..

همام:انا مادرت والو!!..

شرطي:منيش عارف ..نسبةً لطفل فعمرك من غير المنطقي نصدق بلي درت الشي هذا كامل بصح الادلةة كلهاا محطوطة قداامي..

سراب:اذا ماشي هو دارها شكون راح يديرها !؟..

همام شاف فيها بنظرات جامدة ماتعبر على حتى ردة فعل و بقا مستني جواب الشرطي ليها لي حتى هو استغرب منها ومن واش قالت لأنو كانت تباان انو راهي تثبت فالتهمة عليه ماشي تعاون فيه باش يسلك بجلدو من هناا ..

الشرطي:مانعرف ممكن يكون كاش واحد فتح الحساب هذا بإسمو و خلاه يوقع على وراق خاطيينو..

سراب:والمعموول دووكاا ..

الشرطي:دوكا مراحش نقدر نخليه يخرج راح نحولو للمحكمة دوكا بلا مانعطلو و نشوفو القاضي واش يحكم ..

سراب:ايه هايا هايا..

بقاو لتم معاه حتى جاهم قرار من المحكمة باش يدوه راحو كيما جاو مع الشرطةة و وصلو لتم همام داه الشرطي و سراب موراهم تابعتهم شايدة على قلبها من الخوف و التوتر لي كانو متلبسين فيها..

دخل للداخل و بقاو يستناو فالقاضي يحضر غير جا عم السكوت على القاعة ينسمعو غير صوت تنهيدات همام و دقات قلبو لي كانو ينبضو بعنف داخل صدرو خايف على مستقبلو و قرايتو و حلمو لي راح يضيعو اذا دخلوه لمركز اعادة التأهيل بتهمة خاطيااتو ماداارهااش ولا حتى سمع بيهاا ..

بقاو يستنا فحكم القاضي عليه حتى شافوه حط وراقيه و الحضور كامل وقفو مستنيين حكمو لي نطقو على الفور بكل برودة اعصاب مخلي همام حال عينيه بصدمة ماشي قادر يستوعب واش سمع ماحس غير بدموعو طايحين على خدو و هو يشوف في حلموو يتبخر قداامو مع كل كلمة قالها القاضي و بقات تتردد في وذنو ...

القاضي:حكمت المحكمة على المتهم همام المنصوري نظرا لكونه قاصراا لم يكمل سن ال18 من سنه ..بسنتين كاملتين حبس في مركز اعادة التأهيل مع اعادة النظر في الدلائل الموجوودة و اتباع القضية مؤقتا دون اغلاقها رفعت الجلسة!..

♡نهاية الفلاش باك♡
حطو ارائكم 🎀