كلي بكلك مغرم 🩶⛓️

كلي بكلك مغرم 155

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة155:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

اديب شاف فيها بعدم فهم من كلامها لي دخلاتو فبعضو من السرعة لي كانت تحكي بيها و راح قعد على الفوتاي مقابلها حط رجل فوق رجل بكل برودة اعصاب و دارلها اشارة للفوتاي لي قدامها باش تقعد عليه بقا ثواني وهو ساكت يخمم واش يقول فالاخير جاوبها بنبرة هادية بمحاولة منو انو يهديها و يخليهاا توالفو و تنقص شوية توتر كي تشوفو ..

اديب:علابالي بصح رااح تولي حلال خصنا نتفاهمو على بزااف حاجاات ماادام هند المنصوري..

هند:ديجا رجعتني بإسمك؟وين رااه الدفتر العائلي وين راهي الخطبةة وين راه العقددد و المهر وين!..

اديب تبسم على جنب كي شافها نطلقت معاه فالهدرة و ردّ عليها بمرح مستمتع فالحديث معاها ..

اديب:هاذو كامل راح يصراو متخافيش اهندوش قلبي بصح حبيت نهدرو على الخطبةةة مثلاا واش نجيبلك فيها؟ ماعلاباليش الاهتمامات تاعك واش هماا ..

هند:ماعلاباليش كيما تحب على حسب مقدورك..

اديب:مقدوري كلو نعطيهولك لييك.. نتي اطلبييي بررررك..

هند:منيش حابة نبقاو ففترة الخطوبة نحكيو فالحرام!..حابة نديرو عقد شرعي نهار الخطبة لأنو كيما علابالك الخطبة ماتكفيش باش نحللو علاقتنا لازم عقد شرعي ..

اديب:ايييه عجبتنييي الفكرةة مكاش مشكلللل نجيب الامااام و نجيي..المهممم نحكيييي معاك ..

هند:احم!..

اديب:احمم اييه وقتاش نجي ؟؟..

هند:ماعلاباليش شوف مع بابا..

اديب:نعيطلوو دووك مكااانش مشكل..

هند:ماتتحمسش خليني نقول لماما تقولو بلي قبلت اومبعد سااهل..

اديب:ايه عندك الحق..بصح كيفااش حتى قبلتييي همممم ..

هند:علاش مراكش حابني نقبل؟؟؟؟..

اديب:لاااا ختتتي حمدلله لي قبلتي الذل لي جامي عشتو في حياتي عشتو اول مرة معاااك جامي جريت مور طفلة كيما جريت موراك..

هند هبطت راسها و حاولت تشد تبسيمتها باش ماتتبسمش من كلامو لي دخل لقلبها خلاها تحس بالفراشات يدغدغو فيهاا غير تفكرت بلي راهي بنقابها خلات ضحكتها تفلت ليها بدون صوت مخلياتو يلاحظ فعينيه لي تكمشو دليل على ابتسامتها لي كانت شاقة خدودها ضحك بخفة عليها و عاود نطق مرة اخرى..

اديب:واش درتي فيا همم..

كانت متبسمة دوب جاتها لحظة ادراك لحاجة غفلت عليها طلعت راسها ليه بزربة حتى خلعاتو حسباتلو كشما بيها حركلها راسو بمعنى واش كاين و قال بسرعة..

اديب:شبييك؟؟؟..

هند:ماقتليش؟ ياك تصلي!!..

بقا لمدةةةة مهيش طويلة و هو يشوف فيها مستغرب من غراابة سؤالها لي قاتهولو على غفلة لدرجة ماعرفش بواش يجاوبها حاار و احتار واش يقول كان يقول ايه يكذب كان يقول لالا يحصل تنهد بسخط و قرر فالاخير يجاوبها بكل صدق بلا ما يكذب عليها..

اديب:يعنيي..مرات ايه مرات لا ربي يغفرلييي..

هند:لااا اخويااا مااشي هااكا ..

اديب:ايواا ولينا في خوك دوكاا ..

هند:شووف راح نعطيلك فرصة تصلح فيها من روحك انا مانقدرش نتزوج بواحد مايصليش و انا علابالي بلي الرسول صلى الله عليه وسلم قال "العهد الذي بيننا و بينهم الصلاة فمن تركها فقد كفر"  و كاين ائمة و علماء قالو لي مايصليش يعتبر كافر و الكافر حرااام يتزوج من مسلمةةة..

اديب:ديجا رجعتني كافر و العياذ بالله! راني نااامن بربي و باليوم الاخر و بالقضااء و القدر و الملائكة الكتب و الرسل حمدلله!!!..

هند:بصح ماتصليش!!!..

اديب:قتلك نصلييي اغلب الاوقات نصلي غير كي تكون عندي خدمةة بزاف نعجز نعوض واش فاتنييي ..بصح راح نولي نشد فصلاتي بإذن الله و ماشي علاجاالك علاجال باش يرضى عليا ربي برك! ..