كلي بكلك مغرم 🩶⛓️

كلي بكلك مغرم 🩶🌪80

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة80:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

صباحا و عند أديب لي كان هذاك وين ناض راح دار دوش خفيف باش يصحصح مليح من نعاسو و راح جبد حوايجو لي كانو عبارة عن تريكو صيفي لونو ازرق و سروال كلاسيك اسود لبسهم بلخف و مشط شعرو زاد رش من برفانتو تقول فرغها كامل من حماسو بقرارو لي راح يطبقوو و بقا يشوف في منظرو فالمراية يتأكد من شكلو اذا راهو كيما كان حاب..

غير تأكد بلي راهو واجد خرج و هو يلعب بمفتاح الطونوبيل في صوابعو حماسو متحكم فيه حاسس بروحو راح يدير انجااز عظيم و صح بالنسبة ليه التقدم بخطوة كيما هاذي راهو انجاز بحد ذاتو ..

ركب فطونوبيلتو و جا راح يقلع حتى شاف تلفونو يصوني بإسم همام عوج شفايفو بإستفسار وبقا يشوف فالاتصال يخمم علاش راهو يعيطلو وهو لبارح برك كان معاه تبسم على اخر فكرة جات لبالو و و جاوب عليه قبلما يتقطع الخط..

اديب:الوو سي خوياا قررت جييي تخطب معايااا ..

همام:يعني راك رايح صح!..

اديب:ومالا حسباتلك راني نمسخر؟؟

همام:اذا كنت رايح دوك غير ارجع ماخصنيش مشاكلك لي ديرهم ..

اديب:عطيتلي علاجال باش تقولي ماتروحش؟؟..

همام:ايييه الطفلةة عندهاا ياامات ملي بطلت خطبتها رااك حاااب تقببببل بيك ماتهبلنيييش و ابقاااا رااكح خلييني مكاالمي في حياااتي علاش تحبووو تخلطوو فيااا علاش..

اديب خسر ملامح وجهو للانزعاج من كلامو و بلا مايجاوب كوبا عليه مخليه يغلي وحدو رما تلفونو قدامو و ديمارا بكل هدوء كأنو هدرة همام دخلت من وذن و خرجت من الثانية غير مبالي بيه ولا بكلامو بقا متبع الطريق لي كان عارفها من قبل حتى وصل لحومتها حط الطونوبيل بعيد على وجهتو و هبط يكمل على رجليه داير نظراتو الشمسية على عينيه بحيث يشوف الناس بكل وضوح وهماا مايشوفوش اصلا اذا راهو يشوف فيهم ..

طاحت عينو صدفة على زوج بنات كانو واقفين قدام بعض يحكيو صغر عينيه فيهم و بقا يحاول يتفكر وين شايف الطفلة هاذيك حتى تفكر بلي شافها فالدوسي العائلي تاع حمزة رفع حاجبو للفوق و نطق بهمس..

اديب:هاذيك ماشي خت حبيبناا الهارب من القانون امم زعما تكون مرتي المستقبلية هاذيك لي راهي معاها ..اكييد هي لأنو كانو صحاابات و بالااك هي لي تكون عرفتها عليه ..تؤتؤ صحبة السوء هاذي داتها لواحد مقطع كوارطو مع الدولة..

قرب ليهم بخطوات بطيئة حتى وصل ليهم و وقف بعيد شوية عليهم وين يقدر يسمع لحديثهم حتى سمعها نطقت بإسمها و لتم تأكد صح بلي هاذيك هي هندوش قلبو كيما كان يقوول..

استبرق:ولله يااهند ماااكان علاباالناا النهاار هذااك نهار الخطبة لي تشدد فيييه للدوك مزال مابلعت الصدمة بلي هو كان يخدم الخدمة هاااذيك ..

هند بقات ساكتة حاسة بدقات قلبها دايرين حرب داخلها لدرجة بدات تحس بلي دقاتها راهم مسموعين ليها و رعشة جسدها بانت فيها بلعت ريقها باش تبلع غصتها معاه و حاولت ماتحركش بزاف عينيها باش مايطيحوش دموعها و يفضحوها رغم انو كانو باينين معمرين بالدموع ..

هند:ماعرفتش واش نقولك ولله..تصدمت يعني دوكا راهو فالحبس؟؟..

استبرق:اييه ماما من وقت ماعرفنا وهي طايحة فراش ..

هند:بصح علاش دخل واش دار؟؟..

استبرق:قالونا مخدرات مافهمنا والوو ولله ..

هند غمضت عينيها كي تسمعت شهقتها و هبطت راسها تبكي بصمت حتى بكات استبرق معاها لي كانت شايدة روحها بسيف قربت ليها عنقتها و بقاو يبكيو بين زوج وحدة تصبر في وحدة حتى حبسو بين زوج لدقيقة لي حسو بواحد وقف قدامهم و نطق بنبرة باين العصبية فيها..

أديب:راكي تبكي عليييه؟؟؟؟؟...

هاهم زوج صدمات فصدمة وحدة😂