كلي بكلك مغرم 🩶⛓️

كلي بكلك مغرم 🩶⛓️55

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة55:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

خرج من النادي هذاك بعدما حس بروحو هدى شوية و حاول ينسى أو بالاحرى يتناساا حكاية أديب لأنو مهما يحاول يبين عدم اهتمامو بالموضوع بصح الدم يجبد و يقولك خوك خوك ولا يغرك صاحبك..

صح مهوش كبير عليه بزاف غير 5 سنين برك بيناتهم همام 35 و هو 30 إلا انو عندو احاسيس و مشااعر فريدة من نوعها اتجاهو احساس بالمسؤولية، بالخوف عليه من تهورو و طياشانو احساس بالواجب من جيهتو باش يهتم بيه و يعوضو على فقدان باباه في غيابو و في يمااه في حضورها و باش يوفق بين الادوار الثلاثة عليه فحضور خفة دم أديب كان شي صعيب عليه بصح فالاخيير قدر و هذا بحد ذاتو يعتبرو انجااز بالنسبة ليه ..

ركب فطونوبيلتو و قلع بسرعة رايح بإتجاه دار ريام باش يروح يجيبها بعدما بعت رجال يحطو عينيهم على أديب و يخلوه عارف بكل تحركاتو لي يديرها و بعد مدة من الزمن لحق للحومة تاعها و عيطلها باش جي ضربت نص ساعة و هي مزال ماجات حتى عصباتو و ركبت فيه الجنون السبع عدوو الانتظاار فالفارغ هاكا جات هي كسرت كل قواعدو لي باني عليهم حياتو بحضوروها معااه فيهاا ..

وهو وسط جدالو مع عقلو عليها فتحت الباب و طلعت قدامو حتى سمع صوتها و هي تحكي معاه باش انتبه لوجودها من كثرة ما كان غارق فتفكيرو فيها ..

ريام:هااني جيييت طولت عليك هه شدوني فالباب كانت توصي فيا باش نجي فالخطبة و مانديرش كيما درت ليوم ..

شاف جهتها و خنزر فيها مخليها تعقد حواجبها بإستغراب من حالتو لي من الشوفة فيها قدرت تفهم بلي راهو مقلق و مهووش قد بعضو طلعت نقابها بحكم انو الطونوبيل تاعو فومي مايشوفوهمش لي برا و نطقت بإستغراب..

ريام:شبيك واش كاين؟..

همام:والو غير خليتيني منشور هناا نستنا في سيادتك بااش جيييي..

ريام:امم حبيت تقنعني بلي هذا هو سبب عصبيتتك دووكاا ..

همام:كاين سبب ثاني؟؟..

ريام:شوف نتاا ..

حرك راسو بمعنى مكاين والو و ديمارا مبعد من تم في غصون ساعة و شوية دقايق كانو وصلو لدار هبطت هي الاولة و هو موراها حاضي تحركات خصرها و انحنائاتو بفعل الحجاب لي زيراتو عليها كانت مستعدة باش تنحيه حتى حبسو بين زوج على المشي كي سمعو سراب خارجة من الصالون و هي طقطق بطالونها تتعوج فمشيتها جاية جيهتهم و هي تشوف فريام من فوق للتحت بإستحقار..

سراب:شفتي كي تتزوجي بواحد ماشي من مقامك تولي تنحي في كبت السنين معاه مليي خرجتو صبااح راهي العشرةة تاع لييل باش جيتوو و هوو ماعندووش الوقت السيد لاهي بخدمتو و نتي تلهي فيه..

همام:جيت شكيتلك انا بلي ماعنديش الوقت؟

سراب:بلا ماتقوليي علاباليي..نعرف طبيعة خدمتتك ماعندكش الوقت ..

همام:الهاي نتي في رزقي لي راكي فيه و اخطيك مني و من حياتي أما مرتي وقتي كامل نعطيهولها ماعندك مادخلك فيه..

ريام كانت ناوية جاوبها بصح لقات بلي همام كفى و وفى ماعندها وين تزيد بقات تشوف فيها بإنتصار و هي تتعصر قدامهم من جوابو القاسح لي عطاهولها و طلعت للفوق معاه كي حست بيه شدها من يدها و جرها معاه داخلين لبيتهم ..

غلق الباب موراه و نحا فيستاتو رماها فالارض و دخل ديراكت لدوش مخليها واقفة تشوف فيه بإستغراب فالاخير حركت كتافها بعدم اهتمام و راحت جابت روبة من خزانتها لبستها بلخف وغلغلت صبعتيها في راسها و طلقت شعرها على كتافها مخلياتو مفرود على راحتو رشت من برفانتها و راحت ترمات على الفراش تستنا فيه وقتاش يخرج غير شافت الباب تحل تعدلت في قعدتها و بقات متبعاتو بعينيها حتى جا قعد قدامها يسمد في راسو من الصداع لي زارو..

عضت على شفايفها بخفة مترردة من الخطوة لي راح تخطيها و ناضت جابت زيت من الزيوت لي عندها حطاتو قدامو رجعت لبلاصتها قعدت وشداتو من يدو حتى تلفت ليها يشوف واش تسحق و بلا مايسئلها جاوباتو كي فهمت نظراتو المستغربة ليها ..

ريام:ارواح نديرلك مسااج باالاك يخف عليك وجع راسك ..

حركلها راسو بالايجاب و نفذ اشاراتها ليه كي دارتو اشارة لحجرها باش يحط راسو عليه تكا على فخدها و غمض عينيه مستمتع بملمس يديها عليه لوهلة كان راح يغفا حتى سمعها نطقت بهدوء ..

ريام:مراكش ناوي تحكيلي على يماك ..علاقتتكم  و طبيعة شخصيتها لي راهي تتعامل بيها دارتلي الفضول باش نعرف واش كاين..

همام:لهاذ الدرجة تهمك حياتي ..

ريام:يعني بإستثناء هاذ الجزء الفضولي مني بصح على الاقل باش نولي نعرف نتصرف معاها كي تلحقني..

همام:مادارتش حاجة وحدة برك لي نقدر نسمحلها عليها دارت اكثر من حااجة!..

ريام:واش دارت؟؟..