كلي بكلك مغرم 🩶⛓️مكتملة

كلي بكلك مغرم 109

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة109:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فجهة ثانية و عند هند لي كانت هذاك وين ناضت راحت كلات حاجات خفيفة باش تبدا بيهم يومها بنشاط و دخلت لدوش دارت روتينها الصباحي و خرجت رتبت بيتها و عاونت يماها شوية فشغل الدار و راحت لبست حجابها و دارت نقابها رفدت صاكها لي فيه مصحفها و كتاب احكام التجويد الخاص بيها و خرجت بعدما ودعت يماها..

كانت تمشي و مهبطة راسها تردد فالاذكار مابين شفايفها حتى وصلت لوين دار استبرق و بقات واقفة بعيد عليها تستنا فيها باش جي و يروحو كيف كيف رغم واش صرا من حكاايات بيناتهم إلا انو رابط الصداقة تاعهم ماتقطعش و بقاو صحابات لأنو ولا وحدة فيهم ظالمة ولا مذنبة فهاذ الموضوع و هند كانت متفهمة و استبرق حتى هي ماحبتش تفرط فيها و بقاو مع بعض كأن شيئا لم يكن..

بقات واقفة لتم تستنا و تشوف لساعة تلفونها حتى جاها الملل من الانتظاار غير جات تعيطلها شافتها خارجة من دارهم قربت ليها و هي راسمة ابتسامة بلهاء على شفايفها تغطي بيها على عملتها ..

استبرق:كنت وااجدة ولله ماما عطلتني راهي خارجة وجدتلها القفة لي راح تديهاا معاهاا ..

هند:روحي بررك موالفة ديريها ..هه وشمن قفة ..

استبرق:راهي رايحة تشوف حمزة ..

هند كانت تضحك غير سمعت سيرتو محات ضحكتها و هبطت راسها تحاول تتناسا فالموضوع رغم انو صعيب باش تنساه وعلاش ماقدرش تنساه ماعرفتش ثاني لأنو بكل صراحة كيما قاللها اديب السيد ماراحش يخرج على يومين و يجي يكمل الخطبة و عادي كلي ماصرا والو و حتى اذا خرج هي بنفسها مراحش تقبل بخريج حبوسات تحت تهمة معروفة مستحيل تعاود تقبل بيه علاش مزالت حكايتو دور في راسها ماعرفتش ممكن لأنو كان اول حب في حياتها و اول نبض نبضو قلبها بإسم الحب كان ليه هو!! ..

استبرق كي شافتها سكتت حاولت تبدل الموضوع و تجبد واحد ثاني باش ينساوه كامل بصح لهند كان رأي ثاني و عاودت جبدتلها عليه بلا ما توعى..

استبرق:واش راكي حافظة انا ماحفظتش بزااف غير الثمن بررك..

هند:كيفاش راهو عايش فالحبس !..

استبرق تنهد وجاوبتها:هااهو عايش كيفو كيف غيروو ..اليوم ترووح ماما ليه تشوفو داتلو حوايج وماكلة مانعرف اذا يقبلو يعطوهالو ..

هند:مكانش يبان بلي متبع هاذ الطريق ..ماتوقعتهاش منو ..

استبرق:علاه حناا فقنااا !! مانعرف كيفاش كان يعديها علييينا و انا نقول السيد منين راهو يجيب فالدارهم و يبدل فالتلفونات و يعااود مادرتهاش كامل في بالي..

هند:كنا راح نعيشو اجمل عيشة انا ونتي ..هه كنت راح نكون مرت خوك و نتي تكوني لوستي..

كانت على وشك انها جاوبها حتى شافت طريقهم ظلامت بظل انسان دليل على انو واحد وقف عليهم شدت فيد هند لي كانت زادمة برك و جبدتها ليها باش ماتخبطش فيه لأنو غلق عليهم الطريق بجهامتو ..

هند غير حست بواش دارت استبرق طلعت راسها لجهة العبد لي حساتو وقف قبالها و ديرااكت عقدت حواجبها بصدمة من حضورو المفاجئ لي مكانتش متوقعاتو طلقت من يد صحبتها كي حست بصدمتها من كلامو لي قالو فشلتها و بقات ساكتة تستوعب في غرابة الانسان هذا لي راهو قدامها بكل وجه صحيح يسقسيها فالسؤال الغريب هذا..

أديب:مزلتتتتتي تخميييي فيييه!!! و كي سقسيييتك انااا عليه بديتي دخلي و تخرجي فالهدرة و تقولييلي شكونننن !!!!!! واااش دارلك باش وصلتيييي تحبييه هاااكاااا و راكي تستنااااي فييييه و اناااا مخليتني نجرييي موراااك اااه اهدريييي!!!

هند:ياخويا ولله لي راك دير فيه عيب..

اديب:لي راكي ديري فيه ماشي عيب؟؟مخلية واحد طالبك للحلال و رايحة تخمي فواحد خاربها دااخل للحبس بتهمة المخدراات !!!..

هند حلت بصدمة من كلامو و تلفتت شافت فإستبرق لي كانت تحاول تفهم كلامو و هي مصدومة غير جاتها لحظة ادراك لواش قال طلقت من يد هند و تراجعت شوية للور كي ماتقبلتش تسمع الهدرة هاذيك على خوها ..

تلفتت ليه و هي مخنزرة فيه و جاوباتو بإنفاعل مخلياتو مطلع حاجبو فيها للفوق متعجب من شراستها لي خرجتها قدامو ..

هند:ايييه احترم نفسسك!! طلبتني فالحلال خلاص فهمنا و انا ماقبلتش بييك نقبل بيك بسيف ولا وااش؟؟ شكون نتا باش نقبل بسيادك و ثااني مرة اوزن كلامك قبلما تخرجو فهمتتتتت!!!!..