كلي بكلك مغرم 🩶⛓️مكتملة

كلي بكلك مغرم 🩶🌪70

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة70:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فجهة اخرى و عند همام لي ركب فطونوبيلتو و قلع بأقصى سرعة حاط كيتمان بلوثوت فوذنو و يحكي مع واحد من رجال الحراسة تاعو يسمع منو فآخر الاخبار لي غفل عليهم هو ..

همام:وين رااهوو..؟؟؟

الراجل:فالمركز وين يخدم ..

همام:وقتاش راح ليه؟؟..

الراجل:من الصباح و هو هنا ماخرجش كامل..

همام:كيفاش هذا ماخرجش راك متأكد؟؟..

الراجل:ايه السي همام كيما كلفتني باش نراقبو راني ندير عينيا ماغفلوش عليه ولا لحظة..

همام:خلاص هاني جاي كي تشوفو خرج اعلمني فوراا..

الراجل:حاضر سي الجنرال..

كوبا عليه و زاد فالفيتاس طاير فالطريق حابب يوصل ليه و يفهم واش راهو صاري كان متمني ماتكونش حكاية اختفاء لي كان راح يخطب هند من تحت راسو بصح كلما يتفكر التهديد الصريييح لي قالهولو يعاود يتراجع ويقول مستحيل مايكونش عندو يد فالحكاية و حتى اذا مكانتش كاينة شي يد راح تكون رجل مستحيل مايدخلش رووحو وهو قريب ريب عليه المركز المرة لي فاتت علاجالها ..

وصل لمركز الشرطة وين يخدم و هبط دخل ديراكت للداخل و الشرطة لي لتم غير شافوه بعدولو من الطريق وهما يمدولو فالتحية الخاصة بيه موالف يجي هنا و حضورو مجاهمش غريب علابالهم جا علاجال أديب برك ..

وصل لإحدى المكاتب لي لتم كانت بإسم "العميد أديب المنصوري" بلا مايخمم مرتين فتح الباب و دخل أول حاجة تحطت عينيه عليها هي المكتب غير ماشافوش وسطو لوهلة جا راح ينفعل و يأكد كل شكوكو فيه حتى شافو خارج من الدوش يمسح فيديه و هو بدورو كي شافو دارو اشارة براسو بمعنى واش كاين و قرب ليه وهو يحكي..

أديب:خير ياطير واش جابك عندي فهاذ الوقت..

همام:توحشتك جيت نطل عليك ..

أديب:سبحاان الله..قريب أمنت..

همام:ماتكونش نتا لي درتها؟..

اديب:واش درت ثااني..

همام:الخطبة تاعها تلغات..

اديب:امم مليح!..

همام:وااثق من روحك تمتم عرفت عليمن راني نهدرر..

اديب:باينة شكون بلا مانعرف..

همام:واش درت قولي برك مانديرلك والو..

اديب:ايواا حبيت تلسق فيا التهمة بسيف..مادرت والوو هددتو شوية برك و هو طلع خواف مسكين..

همام:هددتو برك!..

اديب:اييه..قالك السيد راهو فمطار هوراي بومدين يستنا فالطيارة تقلع..

همام:مافهمتش..

اديب:راهو هارب..

همام:علاش يهرب لهاذ الدرجة التهديد تاعك يخوف!..

اديب:فالاول رحت ليه بالحسنى قتلو يبعد علييها بصح ماحبش يفهم و كمل في قراروو لأنو كاان ترااجع عليه ماكنتش راح تدي مرتك لدارهم اليومين هااذو مااعلينا..هو حب يلعب و انا حرمت عليه اللعب هذا مكان ..مكانش علابالو بلي راهو مع عمييد فالشرطةة حسباتلو راني نمسخر..

همام:مافهمت والو من واش رااك تهدررر باش هددتووو؟؟؟ ..

ماجا يكمل كلامو حتى تحل الباب و دخلو زوج شرطيين في وسطهم رجل شايدينو من الجهتين يديه مربوطين بالمينوت راسو مهبطو للارض حالتو حالة اديب غير شافهم وصلو تبسم بمكر و شاف في خوه لي كان يشوف فيهم مافاهم والوو من واش راهو يصرا قدامو..

اديب:هاااهو شرف السي حمزززة الهاارب من القاانون مرحبااا بيييه عندنااا ..