كلي بكلك مغرم 🩶⛓️

كلي بكلك مغرم 🩶⛓️62

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة62:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

غابت الشمس و طاح الليل السماء ظلامت و الهلال توسط بمكانو فمنتصف مجمع النجوم لي كانو يبرقو بوضوح من الفوق عاطيين جمالية براقة و لامعة للمنظر  ..

شتت تركيزها فالمنظر الساحر لي كان مرسوم قدامها و تلفتت على صوت الباب لي تفتح دخلت من البالكون لقاتو داخل ينحي فالفيستا تاعو عينيه كانو يحوسو عليها غير شافها هبطها من فوق للتحت بأنظارو مخليها متبسمة من نظراتو الجريئة ليها بسبب اللبس لي كانت لابساتوو..

قربت لعندو و تعالات على طراف صباعها باستو من خدو و شدت عليه الفيستا تاعو لي نحاها و نطقت بترحيب على غير العادة لأنو مهيش موالفة تستقبلو بالطريقة هاذي ولا حتى موالفين يتلاقاو الوقت هذا يايجي روطار يلقاها راقدة يا مايجيش كامل و فاليامات لي يجي يكون لقائهم عادي ماشي بهاذ الطريقة لي دارتهالو اليوم..

ريام:مرحباا بييك زوجي قرة عيني نورت داارك ..

همام:سبحان الله مغير الاحوال..

ريام:شبيك ..

همام:اهتمامك هذاا مرات يخلعني ياك مادرتي حتى كارثة و اذا درتيها غير ماتقوليهاش دوكا خليني نرتاح اومبعد ساهل..

ريام:لا بعيد الشرر خاااطيني المشاااكل.. يمااك قاتلي كاان جيتي فااهمةة تحاوزي كاامل الخدامات و تقوومي نتي بداارك راني نطبق في نصايحهااا برك..و قلتتت نبداا براضية الغضنفر دياالييي أول شي ..

همام:امم اول مرة دير حاجة مليحة في حياتها و تنصح بالشي لي يفييد ..

ريام:يااه صار هاكا مالا..فااش قصرت معااك اناا اسي الجنراال ..

همام:مكييش مقصرة بصح خصني كثرر من هذااا لي راكي ديري فيه مايكفينيشش..

ريام:اممم مكاش مشكل ..اماالا يازوجي العزيز روح اقعد لهيه ارتااح و دوك نجيي..

شداتو من يدو و بدات طبع فيه حتى قعداتو على الفوتاي و خرجت تجري هبطت للكوزينة جابت سنيوة حطت فيها كاس ماء بارد و دارت القهوة بلخف فالماكينة تاعها حطتها فالفنجال و زادت حطتها فالسنيوة طلعت ليه حطتهم قدامو و راحت دخلت لدوش باش توجدهولو بعدما كملت تحضير لداخل خرجت لعندو لقاتو يشرب فالقهوة لي جابتهالو تبسمت بخفة و نطقت و هي رايحة لجهة الخزانة ..

ريام:سيي رااجلي موولاا بيييتي وجدتلك الدووش روحي دوش و اذا حبيت اناا ندوشلك مكااش مشكل ..

همام:دوشيلي !..

ريام:مافهمتش علاش تركز غير على كلامي لي نقولو و انا في لحظة حماس ولله مافهمت..

همام:ابقاي ديما متحمسة مالا احسن..

ريام:احشم شوية سي الجنرال ..

همام:علاش نحشم معامن راني..!

ريام:اممم..مع مرتتتك..

همام:خلاص مالا..

ريام:شوف هااني جبدتلك حوايجك اديهم معاك لداخل..

همام:نسيتي حاجة شوفي مليح..

ريام خنزرت فيه و جاوباتو بصوت خافت و هي حايرة فصحانية وجهو منين جابها لأنو فهمت واش كان قاصد كي قاللها نسيتي حاجة و هي صح بقا غير شي واحد ماجابتهولوش زعما حشمت منوو بصح ظهر وجهو مطلس كثر منها خيالو و مايحشمش منو..

ريام:احشممم احشمم ..

همام:اذا كنتي مزلتي عند كلمتك باب الدوش راهو مفتووح..

قال كلامو بكل برود و دخل لداخل مخليها واقفة حالة فوهة فمها تستوعب فواش صرا قبل ثواني حركت راسها بلا حول و راحت ترمات على فراشها تستنا فيه يخرج باش يهبطو يتعشاو كيف كيف غير خرج هبطو مع بعض تعشاو و عاودو طلعو في ظل غيااب سراب لي دخلت متأخرة لدار و غير جات طلعت مام هي لبيتها بلا ماتحكي معاهم ولا يحكو معاها ..