كلي بكلك مغرم 🩶⛓️

كلي بكلك مغرم 🩶⛓️51

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة51:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام شافت فيه بمعنى منيك من نظراتو الخبيثة لي بثهم فيها و طبعاتو بيديها مبعدة عليه كي فهمت تخمامو وين راح بكلامها الاخير لي قالتو حركت راسها بلا حول و راحت تمشي بإتجاه الخرجة باش يروحو لأنو حست بتخمامو بدا ينحرف احسنلها انها تبعد عليه و تنسيه في واش قالت..

ريام:ماظللنييش قتلي راح نحكيلك الله يسهل تحكييلي هي تحكييلي ..

همام:نحكييلك كااش نهار ..و نتي تاان ..

ريام:اييه ان شاء الله..

راحت ركبت فالطونوبيل وو بقات تستنا فيه يلحقها حتى طلع و ديمارا رايح بإتجاه دارهم و هما عايشين وسط لحظة صمت استغلوها للتفكير فبعض تسمع صوت تلفونها لي كان يصوني في صاكها جبداتو تشوف شكون لقاتها هند كيما كانت متوقعةة لأنو ماكاش غيرها لي راح تعيط تسقسي علاش ماراحتش فيوم كيما هذا ليها..

تنهدت بقلة حيلة تخمم واش راح تقوللها و جاوبت عليها حتى بلا ماتخليها تنطق لقات روحها تسمع فنكيرها بصوتها العالي لي من خلالو عرفتها تقلقت صح..

هند:وييين رااكي علاااش ماجييتش من الصباح ووانا نستناا فييك توقفييي معايا في يوم كيماا هذاا علااش ماااجييتيييش و خلييتيني وحديي مااتوقعتهااش منننك ولله خساارة عليك رياام!!  ..

ريام:ماكنتييش وحدك هنند كانو معااك والدييك ووزيد يااك لي جا تعرفي ختو و هي صحبتك يعني عاادي هاني جاية دووكا ..

هند:حتى راحوو و كملنا كلشي باش راكي جااية تقعدي بياا..

ريام:اومبعد نحكييلك عندك نسيبك يجيه حب المغامرات غير فالاوقات الخاطية..

خنزرت فيه على ذكرها لسيرتو و كوبات عليها باش ماتزيدش تسمع لتوبيخها ليها نفخت بتذمر و شافت فيه لقاتو مركز مع الطريق مرة على مرة يرمي عينيه ليها كأنو مادار والو و هو صح عندو الطبيعة هاذي تاع أي حاجة جيه لراسو يطبقها بلا مايزيد يخمم بزاف إلا اذا كانت حاجة جِدية بزااف في حياتو لي يمدلها اكثر من حقها بصح أي حاجة عابرة تقيس مخو بررك و يعجبو تطبيقها يروح يطبقها غير مبالي لحتى حاجة اخرى غيرها ..

وصلها حتى لدارهم و راح يشوف شغلو بينما هي هبطت و طبطبت فالباب بقات تستنا حتى جات يماها فتحتلها سلمت عليها و دخلت لداخل تحوس على هند بعينيها ..

ريام:وين راهي..

راضية:في بيتكم زعفت منك اليوم علاش ماجيتيش ياك لبارح قتيلها نجي..

ريام:همام خرجلو شغل ماقدرتش نجي الله غالب ..

راضية:واش راح يقنعها دووكا ..

ريام:ربيي يعيييني..

وكلت امرها لربي و راحت لعندها دخلت للبيت لقاتها قاعدة على فراشها لاهية بتلفونها طلعت عينيها على صوت الباب لي تفتح لقاتها جاية جيهتها غير شافتها خنزرت فيها و ناضت تقعدت و هي تشوف فيها بعدم رضى مقلقة منها ربعت يديها على صدرها و نطقت بنبرة باينة فيها معصبة..

هند:علاش جيتي دووكا راهو كلش خلااص..

ريام:ولله مااقدرت نجيي همام خرجلوو شغل مهمم اضطريناا انو نروحو للتم حتى انا زعفت منو كي ماجابنيش و طريييق كامل و حناا نضااربووو هو يهدر و انا نهدر واحد فينا ماسكت قتلوو هاذي ختي ولازمني نرووح لييها وهو يقولي الخدمةة و خدمتو مهمة تعرفييه يخدم فالدولة قريب تخلطت بيناتنا..

هند:بعيد الشر اوفف خلاص ماتقوليلو والو جازت الحكاية ماديروش مشاكل علاجالي..بصصصح فالخطبةةة جي سماانة من قببل تبقاي معايا الله يسهل..

ريام:اييه حتى هاذي قتهاالوو متخافيش راح نعوضك ولله ..

هند:بلاا مزيتتتك..

ريام:ههه قوليلي دوكا كيفاش جاز اليووم ..

هند عضت على شفايفها و ترمات على سريرها شايدة على قلبها ذااايبة وسط مشاعرها وهي تتفكر فاليوم كيفاش جاز عليها ريام غير شافتها بدات تتعوج ناضت قعدت قدامها وهي تضحك عليها قرصتها بخفة باش تنوض و تفيق معاها و نطقت بتلوعيب..

ريام:اممم راني نشوف فيك تتعوجي عليا هناا معنتها السيد كنتي تعرفيه ..اييييه هذاا هو لي حكيييتي عليييه هاذيك المرةة ياااه ظهرت راقدة على وذني و زعماا انا لي مايخفا عليا والوو ..

هند:ههه لا ماشي هاكا ..صح كنت نعرفو بصح جامي حكيت معاه شفتو في دار صحبتي و هو شافني و صحبتي كانت تشعل فيها بينتنا حتى جا يدير الرؤية الشرعية ههه..

ريام:يااه هذا كامل صاير مور ظهررري و مخبياتو علياا معليييش كاين ربيي..صحبتك هاذي طلعت قادرة على شقاها ههه ..واش درتو ليوم واش حكيتو على واش تفاهمتو ..

هند:فالاول قعدت مع يماه و استبرق جات عمتها و خالتها الكبار معاهم قعدنا فالصالون و هنا فالبيت فرشنا الحالة و درنا طابلة فالوسط جاو الرجال قعدو فيها باباه و هو و بابا بقاو عايلتو يتعرفو علياا يماه تعرفني و تكون صحبتي حكاتلها كلشي علياا اصلا اومبعددد جااا الوقتت المووعوود ههه..

♡فلاش باك♡