كلي بكلك مغرم 🩶⛓️

كلي بكلك مغرم 123

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة123:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

خرج لبرا و هو يطرطق فصباع يدو يحاول يتحكم فعصبيتو و مايفقدش سيطرتو على نفسو فحالة كيما هاذي لأنو مهماا صراا و كيما قال عندها الحق فواش قالت و مهوش راح يحاسبهاا عليه نظرا للانهياار لي شافو فيهاا قبييل ..

غير خرج لقا اديب مزالو يستنا فيه وين خلاه وهو بدورو غير شافو جاي ليه ناض و قرب لعندو بزربة يستفسر على الاوضاع كيفاش راهي..

اديب:كيفاش راهي لحاالةة ياك لاباس..

همام:مكان حتى حاجة راهي لاباس كلشي راهو معكوس ..

اديب:علاش خير واش كاين!! كشما بيها؟؟..

همام:لا راهي مليحة حمدلله ..

اديب:مالا واش كاين! اكيد حملاتك المسؤولية..

همام حرك راسو بالايجاب و قعد على الكرسي لتم كاره حياتو من جهة عذ..اب الضمييير لي كان يعيش فيه و من جهة زادتلو هي بمعاملتها ليه صح عندها الحق بصح حتى هي غالطة في نظرو كان قبلت تحبس الخدمة مكانتش راح تشهد على الوحش لي فيه بصح اختاارت تقسح راسها و هاهم طاحوو فلي مراهمش حابينوو ..

بقا في حوار مع نفسو داخليا حتى سمع اديب نطق مخاطبو و هو يشوف فيه ..

اديب:هي صح ماعلاباليش واش صرا بيناتكم فالفترة هاذي بصح نظن انو كل المشكل هذا راح ينحل بحل واحد..

همام:نورنا..

اديب:اقعدو اتنااقشو حلو مشااكلكم بيناتكم حضروو عقولكم ادخلوو في حواار طوويل عرييض اتعرفو على بعض !! عندكم قريب 3 شهور ملي تزوجتو كان نسقسيك وشمن لون تحبو هي مراحش تعرف جاوبني!!..

همام:لا تحب اللون الازرق الفاتح تقريبا كامل حوايجها لونهم هاكا ..و كلما تجبدلي حوايج باش توجدهملي تجبدلي تريكو ولا سروال بهاذ اللون..

اديب بقا يشوف فيه بمعنى منيتك و هو معوج شفتو بإستهزاء على كلامو شوية حتى لقاه خبطو على كتافو حتى راح و جا من قوة الخبطة الشي لي خلاه يخنزر فيه بحدة من حماسو لي مايتحكمش فيه..

اديب:روووح سقسيييها هي و نشوفوو واش تقولك مااالا ..

همام قلب شفتو بمعنى مانعرف و جاوبو بهدوء..

همام:ممكن تكون تعرفو و ممكن لا..

أديب:مااشي كي تعرف وشمن لون تحبو معنتها راك تعرفها و هي تاان نفس الشي ..شوف سبب الخلاف هذا لي كان بيناتكم علااش مااتعرفوش علاش خلاتك تعاقبها علاش عاقبتها! علاش وصلتو للنقطة هاذي علاش وعلاش وعلاش هااذو أسئلة نتا تعرفهم نتا راك عايش معاها و نتا تعرف طبايعها و تخمامها خليييكم متفاهمييين لمرة وحدة شوفو اهدافكم لبعض شوفوو واش راكم حابين من بعض ماتخلوش المشاكل هاذو يأثرو على علاقتكم ..

همام شاف فيه بنص عين و جاوبو بطنز مبدل الموضوع كي لقاا بلي عندو الحق بصح ماحبش يزيد يدخل فالتفاصيل اكثر و يدخل خوه في حياتو الشخصية أو بالاحرى حياتو الزوجية مع مرتو ..

همام:وقتاش تعلمت تتعامل مع الدنيا نتا؟؟..

اديب:من نهاااار هبلت على وحدةة و خلاتني نجري مووراااهاااا ..اااه اااه دووك انا واحد يرفضوه الناااس؟؟كان جيت طفلة انا نترمى على روحي و نتزوج بيا ..