كلي بكلك مغرم 🩶⛓️

كلي بكلك مغرم 120

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة120:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فتح الباب بهدوء بلا مايدير الحس و دخل للداخل أول حاجة رما عينو ليها هي السرير لي كانت متسطحة عليه مغمضة عينيها و راقدة مزال تأثير المهدئ يتسارى في عروقها حول نظرو لطبيبة لي كانت قاعدة مقابلتها تراقب فيها و في حالتها و قرب ليها وهو يحكي بهمس..

همام:مزال باش تنوض؟..

الطبيبة:مابقاش بزاف و يزول تأثير المهدئ..

همام:راهي مليحة ياك؟..

الطبيبة:حالتها راهي مستقرة حمدلله ماكان حتى مشكل..

همام جاب كرسي حطو قدام سريرها و قعد يراقب فيها بهدوء عينيه بقاو مركزين على تفاصيلها كأنو كان يرسم في ملامحها داخل عقلو فاتو دقايق وهو على نفس حالتو يستنا فيها تفطن حتى شاف الطبيبة قربت ليها قطع تركيزو فيها و شاف لواش راح دير حتى انتبه بلي بدات تحل فعينيها ناض بسرعة وقف قدامها و بقا متبع معاها حديثها مع الطبيبة..

الطبيبة:على سلامتك مادام المنصوري..

ريام حلت عينيها بصعوبة و بقات ترمش بيهم حاس بذاتها مهلوكة لدرجة يدها و ماقدرتش طلعها و لا تحركها عقدت حواجبها بإستغراب و نطقت بصوت يادوب يتسمع من شدة تعبها ..

ريام:واش صرالي!!..

الطبيبة شافت فهمام و جات راح جاوبها حتى سبقها هو و نطق في بلاصتها مجاوبها بزربة..

همام:والو دختي برك من لعيا صرالك هاكا ..

الطبيبة شافت فيه بصدمة و حركت راسها بلا حول حبت تقولو الشي غالط لي درتوو و فنفس الوقت ماعندهاش الصلاحية تدخل فيه خاصة هو بالضبط فولات غلقت فمها و كملت في طريقو مكملة معاه فكلامو ..

الطبيبة:مادام المنصوري سي همام قالي بلي كنتي بالبريود صح!..

ريام:امم ..يعني..

الطبيبة:واش قصدك بيعني..

ريام:جاتني ساعة و راحت ..قبل يومين..

الطبيبة حركتلها راسها بالايجاب بلا ماجاوبها لأنو قدرت تفهم بلي هذاك كان مجرد نزيف صرالها لسبب من الاسباب و مهووش من الدورة الشهرية كيما كانت دايرة في بالها تبسمتلها باش طمنها و جاوبتها ..

الطبيبة:معليش راكي مليحة دوكا حمدلله خصك الراحة برك و تولي كيما كنتي..

ريام شافت فيه بتخنزيرة و دورت راسها عليهم بين زوج الشي لي خلا الطبيبة تنسحب من قدامهم و تخرج باش تخليهم على راحتهم .. همام غير شافها خرجت عاود قرب الكرسي لسريرها و بعد صمت دام لثواني قصيرة نطق بنبرة خاترة و هو يشوف فيها بنظرات هادئة ..

همام:كنت حاسبك اقوى من هاكا ..

ريام تلفتت شافت فيه بإشمئزاز و نطقت بحنق..

ريام:مكفاكش لي درتو و زايدها بالكذب؟؟..