كلي بكلك مغرم 🩶⛓️

كلي بكلك مغرم 🩶⛓️56

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة56:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

♡فلاش باك♡

في احدى البيوت القديمة حيوطها مشققين اغلبهم رايبين باب قزديري مشدود بخيط حديدي فقط نسمة الريح تخليه يتحل و يتغلق كيما يحب فراش راشي و أكل اصحاب الدار هاذيك غير قد حالهم اذا كلاو الصباح ماياكلوش فليل ..

فالبيت لي كانت تجمعهم كامل كان كاين طفل ذو 15 سنة حاني راسو على كراريسو يقرا بكل تركيز لاهي بقرايتو حتى سمع باب الدار تحلت و اصواتهم تقرب ليه بقا قاعد في بلاصتو يستنا فيهم حتى شاف خوه لي كان عمرو 10 سنين راح ديراكت لدوش الصغيرة لي لتم غسل وجهو لي كان فيه التراب حالتو حالة و راح قعد قدامو يسمح بكمايم تريكوه في نيفو و نطق ببراءة ..

أديب:راح تقريني؟؟..

كان راح يجاوبو بالموافقة حتى سمعها سبقاتو جاوبت في بلاصتو بسرعة ..

سراب:لا راانا خارجين و نتاا ابقا عاقل كي نجو نجيبلك الخبز تاكل ..

همام:علاش ياك هدوين جيتو راني نقرا عندي اختبارات..

سراب:علااه يكفييي راح نرووحو لبلاصةة وحدووخرااا بالاااك يعطوونا دراهم كثررر..

همام هبط راسو و زير على يدو ماشي قادر يهدر ماقدرش يقوللها راني شفت عندك دراهم مخبيين وسط حوايجك يكفو باش يعيشونا طول حياتنا علابالو اذا فات و قالها يعني حكم على روحو بالعيش كمنبووذ كيماا كل مرةة تعاقبو بيهاا وهو مهوش حاب يبعد على خوه و زيد لازمو يقراا كيما قاللها لأنو كان عندو اختبارات و هو من الاشخاص لي مهما يصراا و مهما يصير مايفرطوش في قرايتهم كان عندو حلم يسعى ليه و مزالو طامح باش يلحقلو رغم كل هاذ العقبات في حياتو..

تنهد بقلة حيلة و كتب شوية تمارين بزربة لأديب في ورقة حطهملو قدامو باش يحلهم و خرج تابعها كي لقاها خرجت..غير شافتو رفدت شوية تراب من الارض و مسحتلو بيه حوايجو حتى تغبرو و توسخو شداتو من يدو و خرجو شدو طريقهم لبلاصة بعيدة شوية على الدار و وصلو للمنطقة لي موالفين تخليه فيها مدتلو صاشي صغيرة و نطقت بأمر ..

سراب:هاك هذاا حط فيه الدرااهم لي يعطوهملك غير مكالااه جييني لداار بلاا بيهم راك تعرف طريق الدار اومبعد ارواح وحدك يااك ..

همام:لازمنا نديرو هاذ الشي و نحنيو راسنا لناس باش نجيبو غير شوية دراهم؟..

سراب:وااحد ماقالك احني رااسك لناس قتلك روح تحوس على خدمة نتا لسقت في قرايتي قرايتي هاهي قرايتك تنفعك مالا..المهمم بلا ماتعطلني عندي شغل دير واش قتلك بلا ماتكثر هدرة ..

حركلها راسو بالايجاب بلا مايجاوبها كاتم عصبيتو داخلو و راح قعد على الرصيف حاطط يديه على خدو يستنا فالناس يجو يحطولو دراهم فاتو ساعات وهو قاعد على نفس حالتو غير شوية ناس برك لي عطاولو كل خطرة و كيفاش يكوون حظو و المرة هاذي مكانش من نصيبو يجيب بزااف كيماا وصااتو سراب..

نفخ بتذمر و خباهم في جيبو و ناض راجع لدار يخمم فقرايتو لي هملها اليامات هاذي و زيد الدراهم لي جاب شوية اكيد راح يسمعهم مليح من عند يماه نفخ بعدم رضى على حالتهم المادية لي خلاتو يوصل للمواصل هاذو و كمل طريقو رايح حتى وصل لدار ..

دخل للداخل مالقاهاش لتم و باين انها مكاشها غير اديب لي كان راقد على الطابلة وهو يقرا باين غفا بلا مايحس راح نوضو عدلو في بلاصتو وجمع الحالة هاذيك لي كانت لتم باش يفرش و يرتاح راح طل فالكوزينة كشما ياكل هو و خوه مالقا والو و هي كانت قاتلهم كي نجي نجيب الخبز و للدوك مزال ماجات تنهد و راح غسل حالتو لي كان فيها بدل حوايجو و راح شد بلاصتو قدام اديب بقا مدة و هو يتصارع مع جوعو حتى رقد بلا مايحس..

فاق على صوت الحس لي قدامو حل عينيه لقاها تخرب ويط حوايجها ماعرفهاش واش كانت دير و هي غير حست بيه ناض تلفتت ليه و قربت لعندو مادتلو يدها باش يعطيلها واش جاب..

سراب:واش جبت اليوم؟؟..

جبدهم من تحت مخدتو و مدهملها لقاتهم غير شوية صرف خنزرت فيه و نطقت بعجرفة..

سراب:هذااا مكاااان؟؟؟؟ هذاا واش راح نديرووو بييه دووكاا؟؟

همام:هذا واش عطاوني!!..

سراب:يااربي صبرنيي ياربيييي ..النااس عندهم الرجاال و انااا ربي بلاني بهاذو..

راح رجع لبلاصتو مطنشها و رقد قدام اديب لي فطن من اصواتهم العالية طمنو بعينيه بلي مكاين والو و رجعو رقدو مخليينها تندب وحدهاا ..

♡نهاية الفلاش باك 1♡