كلي بكلك مغرم 🩶⛓️

كلي بكلك مغرم 128

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة128:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فجهة اخرى و عند هند لي كانت قاعدة وحدها على الطابلة تاع الكوزينة تترشف من كاس حليبها و ساهية فالفراغ حاطة يدها على خدها و اليد الثانية طقطق بصباعها بيهم على الطابلة غمضت عينيها بقوة و نفخت بتذمر و هي تنفض فراسها من الافكار هاذو لي ماحبوش يروحو من بالها مسحت وجهها بيديها و نطقت بهمس بينها و بين نفسها ..

هند:يااربي واش هاذ التخمام لي ماحبش يروح من بااالييي واش هذااا..الله لا تربحووو من كثرة مابان بزاف في حياتي رجع مايروحش من مخي..زعما يجي ليوم كيما قال ولا لا هممم..كيفاش هذا يجي قالو يجي هذاك ماخصني نوض نلم الحالة هاذي احسن من الهبال لي راني ندير فيه..

ناضت رفدت الطابلة و فرزتها غسلت الماعن و راحت باش تفرز الدار جازت تقريبا ساعة كانت كملت شغلها و خلات يماها دير فالفطور غير جات داخلة لبيتها سمعت الباب يطبطب تلفتت بزربة و هي حالة عينيها بصدمة ماعرفتش علاش بالها داها ديراكت لييه حطت يدها على فمها و نطقت بهمس..

هند:اييي واقيل جاا منيتوو ..بصح لي يجي يخطب يجي دوك اواه بديت نخرف انا ..

حركت راسها بلا حول و دخلت للكوزينة طل من بابها باش تشوف شكون لي جا بينما باباها هو لي راح يحل غير فتحها بانلو همام هو الاول بطولو و عرضو مغطي الاضاءة كامل هبط عينو لجهة ريام و تبسم بفرحة مرحب بيهم و بحضورهم ..

ناصر:اهلااا اهللااا مرحباا بييكم نورتووو توحشنااك رياام ادخلي ادخل نسييبي ماتبقاش واقف براا ..

ريام تبسمتلو برك و حركت راسها بالايجاب داخلة للداخل بخطوات بطيئة مجاوباتو بصوت هادي..

ريام:يتوحشك الخير ..وين راهم الباقي..

ناصر:هاهم لداخل روحي ليهم .. تفضل نسيبي مرحبا بيك ..

همام حركلو راسو بإمتنان على الترحيب لي دارهولو و دخل للداخل تابعو حتى دخلو لصالون مع بعض فالاول مكانش راح يدخل اومبعد فكر باش يهدر مع ناصر احسن شي لأنو علابالو اللفعة لي عندو مراحش تبقا راكحة و رااح دير غير لي فبالها و ماتحبش تولي معاه لدار على حسب واش فهم من كلامها و قسوحية راسها لي يعرفها فيها ..

شتت تفكيرو فواش كان يخمم و شاف فناصر لي كان يحكي معاه و هو متبسم ردلو التبسيمة تاعو بإحترام و جاوبو ..

ناصر:واش راك وليدي كيفاش الاحوال عندكم مع الخدمة ..

همام:حمدلله كلشي لاباس ..و نتوما راكم ملامح ..

ناصر:نشكروو ربي و نحمدوه ..

همام:حمدلله ..حبيت نقولك بررك بلي غدووة نعاود نولي ندي ريام و راح تقسح راسها و ماتحبش يعني اتصرف بمعيتك عمي ناصر..

ناصر:ياوليدي واش نقولك يااك لاباس ماكاين والو بيناتكم؟..

همام:لا!..

ناصر:فيها خير مالا هه..

همام:اييه ان شاء الله..هايا انا نخليك تبقا على خير .. غدوة ان شاء الله..

ناصر:ان شاءالله وليدي بسلامة ..

خرجو من الصالون لقاو غير ريام واقفة لتم حاطة يدها على خصرها تستنا فيهم همام غير شافها عقد حواجبو فيها و قرب لعندها ناطق بهمس..

همام:علاش راكي واقفة روحي ارتاحي!!!..

ريام شافت فباباها و تبسمتلو تبسيمة صفرة ناطقة بهدوء..

ريام:دوك انا نوصلوو للباب بلا ماتقلق روحك...

ناصر حرك راسو بالايجاب و عاود دخل لصالون عرفها حبت تهدر مع راجلهاا فخلاهم وحدهم براحتهم ريام غير شافتو دخل قربت لهمام فتحتلو الباب تاع برا و نطقت ببرود..

ريام:خلاص تقدر تروح و بلا ماجي غدوووة لأنو مراحش نجي معاك و بلاا ماتعيطلييي ثاني لأنو مراحش نجاوب هاياا تبقاا على خييير ..