كلي بكلك مغرم 🩶⛓️

كلي بكلك مغرم 102

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة102:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

أديب بقا لثواني ساكت غير صوت صداا الخبر هذاا لي تلقاه دوكا لي كان يتعاود على مسامعو كان كيما الديسك المخسر كلما تخلاص الهدرة تتعاود من الاول هكاك كان عقلو لي حلف باش يتقبل ولا يستوعب اجابة ناصر لي مكانتش متوقعها بكل صراحة لأنو في نظرو ماعندها حتى سبب يخليها ماتقبلش بيه حمزة و هاهو تكشف قدامها بلي مايصلحش لزوااج مافهمش كيفاش حتى صدماتو بقرارها لي ماكان لا على البال ولا على الخاطر ..

بلع ريقو مرارا و تكرارا حتى نشف عليه حلقو و طلع عينيه فناصر لي كان يشوف فيه بتوتر من ردة فعلو الغريبة الشي لي خلاه ينطق بخوف من شكلو المصدوم لي ماحبش يتغير ولا يحكي بأي حرف باش يطمو على حالتو ..

ناصر:اديب وليدي ياك لاباس؟؟..

اديب فاق من تفكيرو لي كان دايو لبعيد و جاوبو بكمية من الهدوووء البااارد مااعرف كيفااش حتى تحط علييه و خلاه هادي كامل هاكاا ..

اديب:القرار هذا قرراتو هي بنفسها؟ ولا كاين لي عندوو دخل فيه!!..

ناصر:لاا مستحييل ندخلوو فيها هاذي حيااتها هي حرة فيهاا و القرار هذا قرارها هي وحدهاا لا انا لا يماها عطينالها رأي فيه..

حرك راسو عدة مرات بزربة كأنو راهو يتوعد لشي حاجة و ناض من بلاصتو معلن على نهاية حديثو معاه كي نطق بمكر و هو متبسم ابتسامة غريبة راسمها على محياه بكل برود خلات ناصر يشوف فيه بإستغراب ماشي فاهم حالتو لي راهي فيه..

اديب:راح تبدل رايها معليش..المهم انا نخلييك عمييي عندي شغل تبقاا على خيير..

ناصر:في امان الله وليدي ..

خرج من الصالون و شاف فالارجاء لتم كأنو كان يحوس عليها بعينيه كي مابانتلوش لتم هبط راسو و كمل طريقو خارج من الدار بعدما ودعو ناصر و وصلو حتى لبرا ..

ركب فطونوبيلتو و خبط الباب موراه شعرة لا كسرها و ابتسامتو لي كان راسمها قدامو تحولت لتخنزيرة جمعت فيها كل ملامحو المعقودة حتى ترسمو فيه ملامح شيطاانية ماكرة لي يشوفو بالحالة هاذي يبعد عليه و يخليه حتى يهدا لأنو بلا مايحتاجو يفسرو حالتو من ملامحو كان باين فايت كل درجات العصبية..

بقا ثواني عديدة و هو ساكت مخلي عقلو يهدر مع روحو و يتناقش معاه بكل تركيز فالاخير توقف عن التفكير و شاف لجهة الدار من تاقة الطونوبيل و تبسم على جنب ناطق بهمس..

اديب:راح تقبلي!..بسيف عليك حطيتك في راسي يعني نديك نديك قبلتي ماقبلتيش المهم انا راني قابل..

نوّض الطونوبيل و ديمارا و هو متبسم تقول ماهو لي كان معصب قبل ثواني قليلة فقققط كأنو ترفد عبد و تحط عبد في بلاصتو قدرتو على التعايش مع كل احداث يووموو شيء عجيييب يقدر يفلح فيه غير هو لأنو بكل بساطة اي مشكلة تواجهو في دقايق ولا اقل دقاايق ثوااني بررك يلقاها حل بطريقة او بأخرى يدير واش راهو حاب هو و مااهمووش ابداا فالبااقي الشي الوحيد لي هاموو هو اراادتو و فقققط أما الناس اخر همو فيهم ..