كلي بكلك مغرم 🩶⛓️مكتملة

كلي بكلك مغرم 260الى 270

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة261:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فاليوم المواالي و على ضو القمر المرة هاذي كانت قاعدة ريام في بلاصتها لي والفت تقعد فيها طيلة اليامات لي كانت فيهم هنا بلاصة استراتيجية مور الدار مقابلة السماء و الشجر و الطبيعة البلاصة لي اعتادت انها تلقا راحتها فيها تنهدت بخفة بعدما خرجت نفسها من قوقعة افكارها و تكمشت فالغطا لي كانت راميتها على كتافها من نسمة الريح لي لسعت بشرتها خلاتها تبرد من برودة الجو لتم ..

في جهة اخرى بعيدة عليها بميترات قليلة كان هذاك وين حبس بطونوبيلتو قدام الدار هبط منها بهدوء و جبد تلفونو يعيط لأديب باش دير هند حسابها بلي راهو داخل عيطلو المرة اللولة و الثانية و نفس الشي مايجابوش نفخ بسخط على عمايل خوه و بقا واقف قدام باب الدار يخمم اذا يدخل ولا يزيد يستنا حتى يجاوب عليه ..

وهو وسط تفكيرو يخمم بواش يقرر تلفت للور كي سمع صوت خطوات جايين بإتجاهو غير طلعت راسها باش تدخل لدار لقاتو واقف مقابلها يشوف فيها بنظرات هادية للإشتيااق كااان هو عنوانها بلعت ريقها بتوتر و هبطت راسها مكملة طريقها داخلة للداخل كأنها ماشافتوش حتى وقفها كي شدها من يدها و جبدها ليه عنقها مدخلها داخل ضلوعو حتى حست بدفئ حضنو ليها وسط برودة الجو لي كانت حاسة بيه ..

بقاو ثواني و هما ساكتين مخليين المجال لحضنهم الطويل يعبر على مشاعرهم لبعض حتى نطق همام وهو يعدللها فالغطا على كتافها كي تحسس رجفتها من البرد ..

همام:علاش راكي قاعدة برا فالبرد هذاا..

ريام:علاش جيت؟..

همام:قتلك نولي ليك بعد يومين!..

ريام:رجع غيابي في حياتك كي حضورو ملييح تطور ملحوظ سي همام!..كنت نحاول نقنع روحي بلي لي درتو كان اخر حل لييك بصح راني نشوف العكس..كي نوالف على حاجة صعيب باش نولي كيما كنت باش يكون علابالك برك..

عض على شفايفو بخفة و غمض عينيه بقلة حلة من كلامها الاخير لي قصدت فيه انو اذا والفت على غيابوو مراحش ترجع كيما كانت معاه من قبل اذا رجع هو ليها خدا نفس طويل استجمع فيه شتات نفسو و جاوبها بهدوء و هو يحاول يفهمها بلعقل مسايسها قدما يقدر..

همام:ماشي لخاطري حتى انا مادابيا نبقا معاك ولا نرجعو لدار كيما كنا بصح راني نستنا يجووزو اليامات باش نضمن بلي تغلقت الحكاية صح و مراحش تزيد تتفتح..

حركتلو راسها بالايجاب كتعبير على عدم اهتمامها بكلامو و جاوباتو عكس واش كان يقوللها مخلياتو يشوف فيها بصمت حاير كيفاش يخليها تلين من جيهتو..

ريام:خليني ندخل نروح نرقد نعست..

همام:ريام!..

ريام:خير؟؟..