كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة8:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

صباحا و في جهة اخرى عند ريام لي كانت في دارهم قاعدة في بيتها مقابلة البيسي هذاك تشوف فيه حايرة من كمية المساجات لي كانت تلحقلو و لي فهماتو انو راهو شخصية مهمة و مهوش شخص عادي برك دخلت لأول مساج قابلها مافهمت فيه والو كان مساج مشفر مافهمتش مغزاه ..

دخلت لدوسيات وحدوخرين و بدات تكتشف فيه كلما تشوف حاجة جديدة حدقة عيونها تزيد تتوسع من الصدمة ماتوقعتش انها راهي شايدة حاجة خطيرة بين يديها قد الخطورة هاذي بلعت ريقها بتوتر و نطقت بصوت متخللاتو الصدمة ..

ريام:في يدي بيسي تاع جنراال الله اكبرررر واش درتتت  .. بصح وااش هذاا لي رااني نشوف فييه متأكد بلي هذا جنرال تاع دولة!!!! فضولي كاش نهار يبعتني لعند ربي نتحاسب ..همم هممم الحالةة عندي راهي خطيرة لازمني نتحرك ..

راحت جابت فلاش ديسك و نقلت كااامل واش كاين فلبيسي هذااك ليه بلا ماتخلي أي اثر موراها غير كملت نقلتهم كامل راحت بزربة لبست حوايجها و خرجت بعدما قاتلهم بلي راهي رايحة للخدمة رغم انو هذاك النهار كان يوم اجازة ليهاا ..

شدت طاكسي و ديراكت عاودت راحت لنفس البلاصة لي جابتو منها باش تعاود تحطو لتم لأنو مهيش غبية لدرجة انها تخليه معاها و هي علابالها بخطورة الوضع لي رمات روحها داخلو لأنو اول حاجة راح يديروها كي يفيقو بلي داتو هي يشعلو الجيبياس و يشوفو وين راهوو مكانو يعني اقل حاجة صغيرة ممكن ديرها هي تبعدو عليها حتى و اذا كانت شاكةة فأنهم قادرين يلقاوها بصح صبرت روحها بأنو وجهها كان مغطي و مراحش يقدر يعرفهااا ناكرة على انو همام اذا حط حاجة في راسوو المرااة لي ولدتها و قادر يجبدهاا من السمااء ولا من الارض بدون أي مجهود من عندو ..

و صح مادامو حطها في بالو يعني انها راهي حلت بيبان جهنم عليها كان قاعد فمكتب خاص بالالكترونيات كل ماهو الكتروني كان محطوط لتم بيسيات ، تلفزيونات الات متنوعة و غريبة الاشكال كل وحدة وخدتها و مجموعة من الرجال كانو متكلفين بإستعمالها ..

أما هو كان قاعد مع واحد منهم يتبعو فإشارة البيسي حتى داتهم للحومة تاع ريام رغم انهم ماعرفوش أي دار فيهم بالضبط بصح المهم عندهم انهم لقاو راس الخيط شاف في زوج رجال كانو واقفين قدامو مستنيين اوامرو و نطق بصيغة امر بملامح جدية واضحة على وجهو ..

همام:نسحق المتنقبات تاع المنطقة هاذيك كامل يكونو حاضرين عندي بعد سااعة..

قال كلامو و خرج مخليهم يطبقو في اوامرو غير خطا خطوة جاه خبر باش يعاود يرجع لأنهم لقاو معلومات جديدة زفر بعصبية من الموضوع هذا لي شغلو على خدمتو و عاود رجع لوين كان ..

دخل لعندهم و دارلهم اشارة براسو بمعنى واش كاين حتى نطق واحد فيهم وهو يشوف فالبيسي لي قدامو ..

الراجل:سيدي اشارة البيسي تبدلت راهي جاية من منطقة قريبة لهنا !..

همام:كيفاش؟؟ قصدك عاودت رجعاتو!!..

الراجل:احتمال تكون هاكا..

همام:روحو شوفو وين راهوو..

عاود خرج لبرا و وقف فنص الطريق يخمم فلي صرا جوز يدو على لحيتو و بقا يستنا فكاش واحد يجي يخبرو بواش كاين حتى شاف واحد منهم جاي و شايد البيسي في يدو عقد حواجبو كنوع من الاستغراب و شدو عليه يتفقد فيه مالقا حتى تغيير في معلوماتو ولا أي حاجة تمست منو ..

يعني اذا كانت جاسوسة علاش حتى تدخل تديه و تعاود ترجعو اصلا اذا كانت صح جاسوسة مراحش تغامر بلي دارتو و مستحيل تدخل بالطريقة هاذيك وتديه و اذا كانت سراقة علاش داتو و علاش رجعاتو! ..

حس بمخو تحرق عليه و هو يحاول يربط فالخيوط بصح ماتوصل لحتى نتيجة و كانت اول مرة في حياتو مايقدرش يحل مشكلة و لا يربط خيوطها لطالما تعرف هو فميدانو بحداقتو و سرعة تفكيرو و استعابو شحال من عملية عسكرية تحلت على يدو تحت اشرافو و كي وصلت لوحدة مهوش عارف لا اصلها لا فصلها ماقدرش يحلها مستحيل الشي هذاا!!..

بقا ساكت لثواني داير حوار صامت بينو و بين مخو فالاخير عاود نطق وهو يشوف لبعيد عازم على الكلام لي قالوو و حالف باش يطبقوو  ..

همام:ألغي المهمة لولة لي عطيتهالكم .. ماجيبولي حتى وحدة ..انا راح نتكلف بيها وحدي!! ..