كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة24:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

صرات لحظة صمت غريبة بيناتهم ولا واحد زاد نطق من مور ماطرح عليها العرض الغريب هذاك هو بقا يستنا في جوابها بأحر من الجمرة و هي كانت تحاول تستوعب واش قال و دخل كلامو لراسها طلعت حاجب و نزلت الثاني بطريقة وحدة متعجبة فاتت الاستغرااب و نطقت بنبرة هادئة متخللها شوية صدمة..

ريام:راك منيتك؟؟..

همام:ايه!..

ريام:تعرفني؟ نعرفك؟؟ شفتني مرة في حياتك بانتلك تتزوج بيا؟؟..واحد كيما نتا بجاه و مال مانظنش يكون يأيد الزواج التقليدي ..

همام:مهوش زواج تقليدي هانا نعرفو بعض!..

ريام:امم تعرف شحال في عمري؟ واش اسمو بابا و يماا و ختي واش نخدم واش قريت؟؟..

همام:باباك امام الحومة اسمو ناصر يماك راضية ختك هند قريتي محاسبة و تخدمي في شركة كمقتصدة !..

ريام تبسمت على جنب من كلامو الاخير و بقات شايدة ضحكتها بسيف من معلوماتو عليها لي مافهمتش من وين جابهم بصح كي تفكرت بلي جنرال راهو واقف قدامها عاود طفا استغرابها لكن مااشي كلياا لأنو في نظرها بما انو راهو جنرال لازموو يجيب معلومات اكثر دقةة علييها ..

بصح لي فهماتو انو النظام تاع خدمتها نظام صاارم بزااف لدرجة انو جنرال بكل مصادر معلوماتو و ماقدرش يعرف خدمتها الحقيقية و هذاا هدأ من روعها شوية و خلاها مرتاحة فوسط الحديث معاه ..

بعد لحظات قصيرة من الصمت لي جاوباتو بيه ربعت يديها على صدرها و بقات تشوف فيه من فوق للتحت تحاول تجبد أي راس خيط يديها لنتيجة مقنعة تخليهاا ماتشكش في عرضو ليها لأنو جاها غرييب حرفياا كيفاش واحد بمالو و جااهوو هذا كامل يحب يخطبها! و هو مايعرفهاش ولا حتى شاف وجهها ولا عاشرها باش يعرف عقليتها ..حركت راسها بنفي و جاوباتو راحمة صبرو..

ريام:ماقنعتنيش صراحة..واش يضمنلي بلي مراحش تتزوج بيا باش ت*قت*لني و تاجر بأعضائي ااه و انا نقبل كي البهلولة فلخر نلقا روحي ميتة و واحد ماسامع بياا دارنا يحسبوني عايشة الحياة معاك وانا نكون تحت القبر ياااك!!! ..

همام فلتتلو ابتسامة خفيفة تظهر خطرة فالعام على معالم وجهو تلاتها قهقهة بصوت رجولي خلاها متبعة ضحكتو لي اول مرة تشوفها فيه و مالقات روحها الا و هي قاعدة تضحك معاه رغم انها ماعلابالهاش علاش راهو يضحك بصح جاها بيزاار كي شافتو ضحك خاصة كي كانت تحكي هي بكل جدية فالموضوع هذا  ..

ريام:ههه شبيك؟؟..واقيل كي فهمت الخطة تاعك استغربت من ذكائي..

همام:لا هذا من غبائك.. اذا حبيت نديرها مراحش نربط حياتي بيك و نولي ارمل بعدما نفذ مهمتي فيك..

ريام:اممم مالاا واش لي يخليك تتزوج من وحدة فقيرة؟ سااكنة في حي شعبي فقيير !! ماشفتش وجهها؟ ماتعرفهااش كيفاش داايرةةة ! جيت خرجتها من من مركز الشرطة بعدما اتهموها بالسرقة!..و زيد حاوزهاا باباها من الداار غريبب يااك!!..

شاف فيها بنظرات هادية و قرب ليها بخطوات صغيرة دارس كل خطوة و كل كلمة يخرجها من حلقو باش تحتل مسامعها بوضوح تقدم لمستواها حتى رجع بالضبط متقابل معاها يفصلو بيناتهم غير سنتمترات قلال دور عينيه على تفاصيل وجهها لي كانو مستورين بنقابها و استواو انظارو على عينيها بلع ريقو لبرهة قبلما يجاوبها و نطق بهدوء ..

ريام:عينيك جاوبوني على كامل تساؤلاتي ..نظراتك وحدهم قالولي الحقيقة! ..

" عينيكِ سهم قد اخترق الفؤاد فأضحى من زُخرف حِدتهم أسيرا "