كلي بكلك مغرم 🩶⛓️

كلي بكلك مغرم 220

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة220:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

♡ بعد اياام ..♡

بعد ايااام قليلة و عند ريام لي كانت طالعة فالدروج شايدة طبسي فاكية تاكل منو و تستبن كانت ناوية تكمل طريقها لغرفتها باش تاكل على راحتها حتى اثار انتباهها صوت غريب من مكتب همام كأنو صوت تكساار ولا حااجة تكسرت عقدت حواجبها بإستغراب و راحت حطت الطبسي فالبيت و عاودت خرجت رايحة لعندو تستفسر واش كاين ..

غير حطت يدها على مقبض الباب وحلتها حلت فمها معاها بصدمة من منظر الزجاج لي كان مرمي فكل مكان على الارض تقول زوبعة صرات فالمكتب اول حاجة راحت عينيها ليها هو همام باش تتفقد حالتو لقاتو واقف مقابلها يتنفس بقوة كأنو كان فسباق لوكان ماشي هي جات و قطعت عليه طقوسوو العصبية كان راهو كمل دڨدڨ كامل البيت ..

قربت ليه بزربة مخلوعة عليه و نطقت بإستغراب من حالتو لي ماقدرتش تفهمها لأنو مقبيل برك كانت معاه و كان لاباس بيه ماعرفتش واش سبب انقلابو المفاجئ هذا..

ريام:واش كاايننن !! شبيك شبيها حالتك؟علاش درت هااكا ..

همام غمض عينيه بقوة و خدا نفس طويل كتمفيه عصبيتو لمدة ثواني قليلة فقط و جاوبها بنبرة غضب باينة بوضوح على صوتو..

همام:خليني وحدي!..

طلعت حاجبها فيه للفوق و ربعت يديها على صدرها مجاوباتو بإصرارها على البقاء رغم رغبتو الحالية باش تخرج و تخليه وحدو..

ريام:على اسااس انا لي نهدييك و المرة في فاتت قتلي ماتبعدييش.."قربت ليه و لفت يديها على كرشو مكملة كلامها بهدوء " شبيك الغضنفر احكيلي ..

همام:البسي حوايجك رانا خارجين ..

ريام:وين؟..

شاف فيها بنظرات ماتعبر على أي ردة فعل و بلع ريقو بتوتر قبلما يجاوبها بصوت متقطع من التلفة لي شداتو وقت ماعرفش بواش يجاوبها ..

همام:كي نوصلو تعرفي..

ريام:امم مفاجئة يعني..

حركلها راسو بالايجاب مجاوبها بصمتو و دارلها اشارة للباب باش تخرج كي شافتو مصر على خروجها ماحبش تزيد عليها و خرجت ديراكت راحت لبست حوايجها و بقات تستنا فيه يجي حتى شافتو دخل مام هو بدل حوايجو بلخف و هبطو مع بعض رايحين للوجهة لي كان عارفها همام فجوو مليء بالصمت هو ماهدر وهي ماحبت تهدر كي لقاتو ساكت حست بيه راح يدير شي حااجة بصح ماعرفتش واش هي و من ثقتها فيه ماكلفتش روحها باش تخمم بزاف و تعرف لوين راهم رايحين..

بعد طريق طويلةةةة و عريضةةة حس بيها غير همام وصلو للوجهة لي كان جاي ليه غير حبس الطونوبيل دورت عينيها على المكان رمشت عدة مرات تحاول تستوعب و تلفتت ليه لقاتو يشوف فيها بنظرات غريبة من تلفتها ماقدرتش تفهمهم وبلا ماتحس نطقت بعدم تصديق بنبرة محطمة..

ريام:منيتك همام؟؟..