كلي بكلك مغرم 🩶⛓️

كلي بكلك مغرم 218

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة218:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

في جهة اخرى و عند هند لي كانت قاعدة مربعة يديها على صدرها بإنزعاج مقابلة اديب لي كان شايد تلفونو لاهي بيه كان مزال شوية و يأذن العصر نفخت بخفة و ناضت بهدوء وقفت قدامو نحاتلو التلفون و نطقت بإستفسار و هي تحاول تتناسا صمتهم لي جااز من اخر حديث صرا بيناتهم مقبيل و ماازادوش جبدو ني على علاقتهم ني على علاقتوو هو مع ربي ..

هند:راك متوضي؟..

حركلها راسو بالايجاب و بقا مستني منها تكمل كلامها لي بلا ماتحكي و تفهمو فهم واش راح دير كي شافها جابتلو المصحف مدتهولو شدو عليها و عاودت نطقت بنبرة امر ليّنة شوية..

هند:وردك اليومي ماتنساهش..بعد الانتكاسة لازم دايمن الواحد يولي لعبادات لي قطعهم على روحو بالشوية ..ماشي لازم تقرا بزاف المهم انك قريت ولو شوية راح تدي اجر قرائتك ليه ..

كملت كلامها وجات رايحة حتى حست بيه شدها من يدها قبلما تخطي بخطواتها لبعيد تلفتت شافت فيه بإستغراب وبقات ساكتة تستنا فيه يقول واش راهو حاب حتى شافتو دارلها اشارة لصبعها لي كانت لافاتو بقماشة و رابطاتو و دوكا برك باش انتبهلو رغم انها من مقبيل و هي قدامو بصح من كثرة ما عقلو كان مشوش ماقدرش باش ينتبه مليح ..

اديب:شبيك؟؟..

هند:والو قستو برك..

اديب:درتيلو دواء؟؟..

هند:اومبعد نديرلو ..

طلقها من يدها بهدوء و ناض دخل لدوش جاب قطن و بيتادين و كومبراس صغيرة و عاود رجع لعندها شدلها يدها مرة اخرى و نحالها القماش لي كانت رابطاتو مسحلها الجرحة بالدواء و لفلها الكومبراس عليها غير كمل فتحلها يدها و قربها لفمو باسها بخفة مخليها حالة عينيها فيه بصدمة ماشي مستوعبة واش راهو يدير من كثرة ما شحاال عندو مابينلها الجاانب العاطفي لي فيه نساات بلي عندو عاطفة و هو اكثر وااحد رومنسي عرفاتو في حياتها ..

اديب:من كثرة ماراني حاس بالذنب من جيهتك وليت أي حاجة تصرا نحمل روحي المسؤولية عليها ..

هند:هذا ماشي احساس هاذي حقيقة! كان ماشي نتا لي كنت مقلقني و بقيت نخمم فيك كان ماجرحتش يدي !!..

اديب عض على شفايفو بخفة و جاوبها بهمس..

اديب:سمحيلي..

هند:مانسمحشش ..

اديب:واش ندير باش تسمحيلي؟؟..

هند:مادير والو ولي كيما كنت بررك..ارجع لربي ادييب نتا لي راك محتاجلو ماشي هو لي راهو محتاجك..اذا وليت لطريقك لي كنت فيه كلشي راح يولي كيما كان كل حاجة راح تتصلح راني واثقة من الشي هذا ..

اديب:بصح راح تكوني معايا!..

هند:طول حياتي معاك نتا لي طلقت من يدي و بعدت ماشي انا ..

اديب:خلاص راح نحاول نرجع كيما كنت بإذن الله..صراحة كل يوم راني نزيد نتأكد بلي غير نتي لي توالميني نتي تفهميني و تعرفييلي تحبي على صلاحي برك انا لي مانسواش قريب ضيعتك من بين يديا حمدلله لي جيتي بنت فاميليا و صبرتي معايا ..و تبانلي رااني تأكدت بلي راني ضايع وبلا بيك مانسوى والوو !..