كلي بكلك مغرم 🩶⛓️

كلي بكلك مغرم 116

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة116:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

شدها بلخف قبلما توصل للارض و زير عليها بين يديه حال عينيه بصدمة ماشي فاهم شبيها من التلفة لي شداتو ماعرفش اصلا واش يدير خاصة كي شاف سروالها تلون بلون احمر ماعرفو منين جا حتى فاتو ثواني باش استوعب بلي هذاك دم و كان بشكل غزيير ماشي شوية برك..

لوهلة حس بدقات قلبو ينبضو بسرعة داخلو اول مرة يحس بإحساس الخوف على شي واحد من غير خوه لطالما كان جافي مع كامل الناس مايهمو حتى واحد اهتمامو الوحيد هو بنفسو و بأديب برك حتى يماه كي كان يسمع بيها مريضة شعرة ماتتحرك علاجالها بصح دوكا علاش حس بكل هاذ الذعر و هي مغمى عليها بين يديه ماعرفش احساس جديد غمرو اول مرة يحس بيه من جهة مراة بالذات ..

بلع ريقو بتوتر و رفدها فحضنو حاضنها عندو بقوة راح يجري بإتجاه الخرجة خبط الباب برجليه حتى تفتحت و خرج حطها فالطونوبيل ملور و ركب فبلاصتو مقلع بأقصى سرعتو لسبيطار لي جاي قدام المقر لي كانو فيه تابع ليهم في حالة ما أحد العساكر مرض ولا كشما صرالو يلقاوه قريب ليهم..

في غصون 3 دقايق بالتمام كان وصل الطريق حرقها بالسرعة لي كان جاي بيها هبط بزربة و عاود رفدها بخفة كي الريشة بين يديه كانت مرخية وجهها صفرر كأنو طيف الحياة هرب منها ..

حرك راسو بنفي من الافكار السلبية لي استحوذو على عقلو و دخل يجري بيها مالقا حتى واحد يدور قدامو لأنو مايخدموش كل يووم نظرا للعساكر لي مايجوهمش دايمن شاف يمين و زاد يسار غير استوعب بلي ماجا حتى واحد عيط بأعلى صوتو حتى بداو يخرجو من مكاتبهم واحد بواحد وهما يجريو جيهتو يشوفو واش كاين خاصة كي سمعو صوتو و عرفو الجنرال بحد ذاتو راهو لتم ..

همام:وييييييييينننننن رااااااكممممممممممممممم يلل**** تخلوووو الواحد يموووت باااش تبااااانوووو!!!!!!!!! ..

جاه طبيب يجري يشوف فيه بتوتر وقف قدامو و نطق بذعر ..

الطبيب:هانا هنا السي الجنراال كشما تسحق ..

همام بلا مايحس قرب ليه و دخل فيه براسو دوخو على القبلة حتى جابو دايخ مرمي فالارض السيد راهو يشوف فيه رافدها بين يديه و هي دايخة وهو يقولو كشما تسحق!!مافهمش واش الغباء هذا لي جا استقبلو بيه.. طبيبة اخرى غير شافتو واش دار قربت ليه بزربة و انقذت الموقف قبلما يحرق عليهم السبيطار هذاك بيه بمن فيه كامل..

الطبيبة:سي همام هااني هناا حطها على السرير هذا دوك نتكلف بيها..

همام تجاهل كلامها و راح يإتجاه احدى الغرف حطها فالسرير لتم و تلفت شاف فيها لقاها لحقاتو تجري هي و زوج ممرضات قرب ليها بزربة و شدها من يدها جرها لقدام ريام بقوة و نطق بصرامة..

همام:ديري وااش ديريييي نسحقهاااا دووكاا حاالة عينيهااا لابااس بيييها واقفة قداامي !!!!..

الطبيبة:شحال عندها وهي هااكا الطفلة راهي تنزف ..

همام:كاش عشر دقايق هكاك!..

الطبيبة:كيفاش حتى صرالها هاكا دارت مجهود؟..

همام شاف فريام و عض على شفايفو مجاوبها بسرعة..

همام:ايه!..

الطبيبة ديراكت نحاتلها السروال و بدات فخدمتها مخلياتو يراقب فيها وفي كل حركة ديرها خافت تقولو يخرج تلقا روحها مخبوطة فالحيط فمزادتش معاه الهدرة كل مرة تأمر الممرضات باش يجيبولها واش تسحق منغمسة فواش دير حتى طلعت راسها على صوت همام لي سمعاتو و تنهدت مجاوباتو بهدوء..

همام:علاش مزال مافطنت للدوك؟؟..

الطبيبة:مراحش تنوض دوكا سي همام درتلها مهدئ ..

همام:علاش؟؟؟..

الطبيبة:مرتك ياك؟..

همام حركلها راسو بالايجاب بلا مايجاوبها و هي كملت تحكي بعدما شافت جوابو الصامت ليها ..

الطبيبة:يعني يؤسفني اني راح نقولك هااكا بصح المادام دارت اجهاض مع الاسف..