كلي بكلك مغرم 🩶⛓️

كلي بكلك مغرم 112

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة112:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

حطها فالارض بلا مايطلقها و راح يمشي بيها و هي مشدودة في قبضتو كي القطة لي تشدها يماها من رقبتها و تمشيها كيما راهي حابة ..

وصلها لجهة كانو راحولها من قبل بصح داها لجزء ثاني وين كاين تدريب اخر شوية اصعب على لي دارتو اول مرة و لي هو تتسلق الحيط بصح هذا مختلف الحجر لي فيه باش تشد فيهم كانو بعاد على بعض ماشي كيما لول لي تقدر تشد فيهم و تطلع عادي يعني هذا اصعب بكثيير من الاول..

حطها قدامو و بعد عليها مسح جبهتو من العرق لي تصبب فيها و نفخ بتعب حاسس بروحو عيا في بلاصتها و هي ماحبت تركح و تتربى كلمة وحددددة منها برك قادرة تخرجها من الع>>ذاب  هذا بصح هي اختارت تعيشو باش تشد في خدمتها لي اصلا مراحش تقدر تزيد تدخل ليها بصح هو حبها تقبل بإرادتها ماشي بإرادتو هو رغم انو راهو فارض رايو من قبل و طبق واش لازم يطبق في موضوع خدمتها ..

دارلها اشارة للحيط و نطق و هو يشوف فيها بنظرات خالية من أي مشاعر مااحي كلمة رأفة فحضور قسوحية راسها فالوسط ..

همام:اليوم راح تطلعيه بلا حبل ..غلطة وحدة جيبك لتحت دبري راسك..

ريام:قولي موتي وخلاص علاش عليك الحالة هاذي!!..

همام:ديري واش قتلك مادمني مكالمي احسن ماتشوفي ما أكفس منها ..

ريام:رااح نطلع بصح علاباالك علاش!!! باش اذاا طحتتتت و مت راح يبقا ذنبي على رقبتك و داايمن تتفكر بلي نتا كنت سباااب موووتييي و تعيش ع^^ذاب الضمييير  ..

ناظرها بعدم اهتمام لكلامها و جاوبها ببرود ولا على باالو شعرة ماتحركت فيه من واش قالت ..

همام:اطلعي!..

خنزرت فيه و راحت شدت فأول حجرة زادت الثانية و الثالثة و المسافة بيناتهم بعيدة حتى جعد يديها و رجليها مليح باش تلحق ليهم و زيد خوفها من السقوط و هي مهيش مشدودة بالحبل حرفيا من بين كل لي جوزاتو اليومين هاذو حست باليوم هذا من اصعب الايام لي جوزتهم معاه لأنو الحجر هذاك تعبها كثر من الدوخة لي جات كلما تزيد تطلع لفوق ..

وصلت لنص و لتم بدات تفشل و تعيا يديها و رجليها وجعوها و مالقاتش كيفاش تزيد تطلع و ماحبتش تهبط راسها للتحت و تشوف الارتفاع هذاك تزيد على مابيها..

غمضت عينيها بقوة كي سمعاتو نطق بصوت عالي و بزربة دارت واش قاللها و عاودت بدات تهبط بحذر و هي خايفة لا جيبها مرمية لتحت ..

همام:خلااااص اهبطيي ..

غير وصلت للأرض هبطت بسرعة و قعدت متكية على الحيط تسمع لدقات قلبها العنيفة وسط صدرها يديها يرعشو من الخوف التدريب هذا يتعبك نفسيا قبل جسديا من الذعر لي يعيشوه وهما طالعين للفوق غلطة وحدة برك تخليهم يروحو فالهاوية ..

همام كي شاف وجهها صفاار من الخلعة راح جابلها قرعة ما مدهالها و نطق بهدوء و هو رايح مخليها قاعدة وحدها ..

همام:عندك راحة لمدة نص ساعة ..30 دقيقة بالتمام نعاود نولي ليك!..