كلي بكلك مغرم 🩶⛓️مكتملة

كلي بكلك مغرم 213

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة213:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

⛓️{فلاش باك}⛓️

نرجعو شوية للور و بالضبط فاليووم لي خرجت بيه بدوون علموو و خلات هند فالدار تغطي عليها وقت ولات لداار هي عيطتلو و هو راح جابها و لتم صرات مشكلة بيناتهم و انتهت بنقاش حااد رغم هدوء ريام ومطابلتها بالصلح بعد الفترة هاذي و السمانة هااذيك لي كان متجاهلها فيهاا كانت قاعدة وسط بيتهم حاطة يدها على خدها ساهية لبعيد افكار تدي و افكار جيب تقريبا كانت فاتت الطناش تاع ليل و هي مزالت نايضة منها كانت تستنا فيه يدخل لدار ومنها استغلت الوقت هذاك باش دير عصف ذهني ترتب فيه افكارها و تعرف واش دير و كيفاش تتصرف..

دخل للبيت بعدما رجع من الخدمة كان متوقع يلقاها راقدة بصح فاجئاتو كي شافها مزالت نايضة و رغم تجاهلو ليها فهاذيك الفترة بصح فضولو تغلب عليه و قرر يسئلها الشي لي خلاها تتنبته لوجودو معاها بعدما كانت سااهية..

همام:علاش مزال مارقدتي!..

ناضت بهدوء و قربت ليه وقفت مقابلاتو و جاوباتو بنبرة هادية التمس فيها الجدية لأول مرة في حديثها ..

ريام:كنت نستنا فيك..عندي هدرة معاك همام..

همام:واش كاين ؟؟..

ريام:شوف المرة لي فاتت حكيت معاك بكل جوارحي كي كنت نعني حاابة نصلح من روحي يعني عنيتها صح و منيش حابة نتراجع في كلامي..

همام:ايه؟؟..

ريام:راح نهدر معاك دوكا ياك ..بصح اوعدني بحاجة ..ماتتقلقش مني ماتتعصبش ! و اوعدني اوعدنننني وعد رجاال ماتسمحش فياا! ..

عقد حواجبو فيها بإستغراب و قرب لعندها يشوف فيها بنظرات فضولية و فنفس الوقت متوترة لأنو حرفيا وتراتو بكلامها و ماعرفش واش يجاوبها ..

همام:اهدري!..

ريام:لااا اوعدني قبببل..

غمض عينيه بقلة حيلة و حرك راسو بالايجاب مجاوبها بهدوء..

همام:نوعدك!..

ريام:لاا اوعدني ماتخلينيش و ماتسمحش فيااا!!..

همام:نوعددك ريااام مرااحش نسمححح فيك شكون قاالك راح نسمممح فيييك!!..

شداتو من يدو جراتو معاها باش يقعد قعداتو و قعدت قدامو شدتلو يديه باش تخفف من نسبة عصبيتو لي راهي مترقبتها و نطقت بصوت خافت دليل على توترها و خوفها من واش راح تقول..

ريام:تعرف الشاف لي شايد الخدمة ياك!..

همام:مززززلتتتتي تخممممي فهاااااذ الخدمةةةةة هاذييييي!!!..

ريام:بسم الله خليييني نكمل هذا لي قتلك اوعدني ماتتقلقشش!!!..

همام:خلاص كملي..

ريام:الشاف ..و مناال ..

همام:ايه نعرفهم!..

ريام: و ..و انا..

طلع حاجبو فيها ببرود و بقا يستنا منها تحكي ماعرفش علاش حس بقنبلة نووية راهي جاياتو بعد شوية و هذاك لي لقاه كيماا توقع كيما جااه ..

ريام:حنا الثلاثة ..يعني ..هي ..ماعرفتش واش نقولك..قبلما تشوف للموضوع بسلبية شوفو بإجابية راني صارحتك و ماحبيتش نكمل فواش راني ندير كلامي ليك تاع المرة لي فاتت كان كلام صادق و صح راني حابة نكمل حياتي معاك بلا مشاكل..

همام:اهدري ملخر واش كاين!!!..

ريام:حناا الثلاثةةة كنا نخدمو خدمة بلا علمك..