كلي بكلك مغرم 🩶⛓️

كلي بكلك مغرم 🩶⛓️45

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة45:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

همام غير سمعها واش قالت تنفض من بلاصتو واقف مخلي ناصر مستغرب منو لأنو ماسمعش واش قالت أما ريام و من اخر كلام سمعاتو منها حركت راسها بطريقة غريبة و لا إراديا طرطقت صبعتين يديها ناوية تنوض ليها تعاودلها التربية توقعت تكون وقحة معاها برك أما ماشي قدام عايلتها ..

فالوقت لي جات راح تنوض فيه باش تروح ليها شافتو كي وقف قدامها و شدها من يدها و هو متبسم مغطي ملامح عصبيتو بإبتسامة باردة بصعوبة قدر يرسمها هبط راسو لوذنها و نطق بفحيح حتى ندمها على الدقيقة لي نطقت فيها و خلاها تبلع فريقها من التوتر لي ركبو فيها ...

همام:دوك تدخلي ليهم و تقعددييي كلمةة خااطية مانسمعهاا منك و إلاا الدوسياات لي ماتحاسبنااش عليهم من قبببل كي كنت صغيير نبدااو نتصاافاو فيهم راس راس و نشوفو شكون الخاسر فيناا!!..

سراب:ياه جات في دقيقة رجعاتك في صفها ..

همام:تشفاي كييي..

سراب:خلاص خلاص خلااص رووح ديجا راهم يشوفو فيناا ..

طلق من يدها بلباقة و شاف لجهة راضية و ريام لي كانو مقابلينو تبسملهم ابتسامة خفيفة و رجع لعند ناصر قعد معاه حتى زاد لحق عليهم أديب و كملت قعدتهم ..

أما عند ريام لي بقات قاعدة في بلاصتها جامدة كيما كانت مستعدة باش تنوض ليها كيما بقات بنفس حالتها تحرك في عينيها بررك و تشوف فيها ماسكة اعصابها داخلها كأنو صرالها شلل مؤقت بسبة عصبيتها لي كبحتها ..

تعدلت في قعدتها بعدما رجعت لحالتها الطبيعية و حطت رجل فوق رجل متبعة سراب لي دخلت ليهم راضية كانت ناضت باش تسلم عليها حتى فاجئتها كي مدتلها يدها خمست معاها برك أما هند غير شافت الجاست تاعها عرفتها شوية هاربلها العقل ماكلفتش روحها باش تنوض مدتلها يدها حتى هي و خمست معاها كيما دارت ليماها مخلية ريام تشوف فيها بتوعد تتحلف فيها على واش دارت ..

راضية:اييه ماقلتيناش شكون هاذي يارياام ..

قفزت سراب قبلما تخليها جاوبها جاوبت هي في بلاصتها طير غير وحدها تقول فيها الدودة و كلام همام لي هددها بيه أثر فيها فهاذوك الثواني و زال تأثيروو بلخف كأنو دخل من وذن و خرج من الثانية ..

سراب:انا يمات همام المنصوري..

راضية:ااهاا نتي هي مرحبا بيك كان قالنا همام بلي راكي براا فالخارج..

سراب:مرحبا بيا؟..

راضية شافت فريام لي بقات ساكتة تزيد تعمرلها مليح فلاليست تاعها و حكت خدها بتوتر ماعرفتش بواش جاوبها بقات دور فعينيها حايرة واش تقول فالاخير ضحكت بإحراج و جاوبتها ..

راضية:هه زعما مرحبا بينا حنا عندكم..

ريام:مرحباا بييها هي ..الداار دار رااجلي و أنا مولاتها .. اذا كانت هي يماه راني أناا مرتوو و الداار لي تكون دااري راهي داركمم !! لي حس بشي نقص ولا حسها في جنابو يروح لدارو لي تكون مكتوبة بإسموو يحكم فيها..

راضية حلت عينيها فيها باش تسكت و بدات تندب في حناكها من تحت لتحت رغم انو سراب حشمتها فالاول بصح مارضاتش بجواب ريام ليها من عقالتها و تربيتها أما هند جاتها على السطاش ماعندهاش بزاف مع الانواع لي كيما سراب و لقات بلي جواب ريام ليها تستاهلو و تستاهل ما كثر منو ..

سراب شافت في ريام بتخنزيرة و ضحكتلها ضحكة صفرة لافة بيها الموضوع كي حست بيها حرقتها قدامهم بقات قاعدة معاهم نافخة ريشها كلما يحكيو على موضوع تجبدلهم على الرفاهية تاعها في وسط حديثهم وتبدا تحكيلهم على رحلاتها و الدراهم لي عندها بكل تكبر و راضية مسكينة متبعة معاها واش تقول و فرحانة ليها ..

غير ريام و هند لي فاهمين مقصدها من تصرفاتها حتى ولاو كلما جي تهدر يجبدو حكاية جديدة يحكيو فيها خلاوها تمل منهم و تطلع مخليتهم وحدهم باش و اخيرا ارتااحو بلا تواجدها معاهم ..