كلي بكلك مغرم 🩶⛓️مكتملة

كلي بكلك مغرم 132

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة132:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فات يووم عاادي عليهم جوزوه مع ريام وهما يحاولو ينسيو فيها راضية و هند ماقصروش ابدا معاهاا أي حاجة تحتاجها تلقاها عندها أما ريام عاشت يوم من الراحة بلا ماتفكر فحتى حاجة خلات كل مشاكلها على جنب و عاشت وسط راحتها على الاقل لليوم هذاا لأنو علابالها همام راسو يابس وراح يعاود يجي يفسدها عليهاا لأنو كي كان يعيطلها كانت تكوبي عليه حتى طفات تلفونها كامل و خلاتو منشور مقلق علييها ...

صبااحا و بداية من عند ريام لي ناضت متأخرة كانت الطناش كي حلت عينيها و ناضت راحت دارت روتينها الصباحي بدلت حوايجها و دخلت للكوزينة لقاتهم يوجدو فالفطور غير دخلت للداخل ضربت لجيوبها الانفية ريحة بنينة عجبتها قربت للمقلى و نحات غطاها غير شافت فيها الكبدة جوزت لسانها على شفايفها من الجوع لي شدها دوب جاتها لحظة ادراك تلفتت ليماها تشوف فيها بإستغراب و نطقت  ..

ريام: شكون شراها..

راضية:الصبااح راح باباك جابهالك جدييدة هايلة مليحة ليك فالفترة هاذي باش تسترجعي قوتك ..

ريام:علاش حتى يجيب حاجة غالية مايقدرش عليها!!..

راضية:عادي شافك مريضة حب يتهلى فيك..

ريام:اومبعد نرجعلو دراهمو ماجبتش صاكي معايا برك أماا انا قادرة على شقايا و مانسحقش مزيتو هو بذات..

راضية:مزلتتتي!!..ياربي صبرني بررك النااس يتبدلو و يزولو و نتي ابقاي حااقدةة ..

ريام:معع الاسف نتي جبتي وحدة تحقد على لي يعفس عليها ..

راضية نفخت بعدم رضى على حالتها مع باباها ووراحت باش تحطلها فالطبسي و تاكل شوية حتى سمعو الباب يطبطب تلفتت شافت فهند لي كانت تشوف فيهم وساكتة و نطقت مخاطبتها..

راضية:هند روحي حلي الباب بالاك يكون باباك لي جا ..

هند راحت طلت من التاقة تاع الكوزينة لقاتو ماشي باباها عاودت رجعت لعند ريام و نطقت موجهة كلامها ليها ..

هند:هذا راجلك لي جاا ..

ريام:يااه! واش جابوو دوكا هذاا ..

هند:روحي حلي الباب ماتخليهش يستنا ..

ريام:لا حول ولا قوة الا بالله..

ناضت بتذمر راحت فتحت و بقات واقفة فالباب من حسن حظها دارهم ماشي جاية على الطريق يعني مايقدروش لي برا يشوفوها حركتلو راسو بمعنى واش تسحق ونطقت بهمس مسموع ..

ريام:علاش جييت ياك قتلك ماجييش منيش جاايةة..

همام:مالا واش قتلك ديريه كامل درتي ضدو ياك! تلفونك طافي و ماجاوبيش!..

جات راح جاوبو حتى لقاتو داخل للداخل ماجاوزها واقف فلكولوار بلا مايزيد يتقدم لأنو خاف لا تكون هند ولا يماها لتم تلفت شاف فيها لقاها تشوف فيه بصدمة استوعبتها كي سمعاتو نطق بصيغة امر..

همام:هايا روحي البسي حوايجك خلينا نروحو ..

ريام:مانجييييييش ..

همام:علاش تحبي تزيدي عليها نتي علابالك بلي راح جي معايا سوا برضايتك ولا بلاش علاش راكي تقسحي في راسك؟..

تلفتو بين زوج على صوت ناصر لي كان هذاك وين جا و بقاو ساكتين كي سمعوه يحكي..

ناصر:شبيكم واقفين هنا ادخلوو لصالون مرحبا بيك همام وليدي..

همام:يسلمك..بصح رانا رايحين عيشك..

ريام:غدوة غدوة نروح..هو لي راهو رايح دوكا ..

همام نزل عينيه ليها وجاوبها وهو مزير على سنانو حشم غير من باباها باش مايخرجهاش و هي تبكي..

همام:لا رانا رايحين دوك!..

ريام:مانجيش قتلك ..!!!

قالت كلامها وراحت لبيتها خبطت الباب موراها مخلياتو يشوف لطريق لي راحت منها و هو ينهج في ثواني قدرت تركب فيه كل اعصاب الدنيا و الدين و تخليه يفور من عصبيتوو تلفت شاف فناصر لي نطق و خنزر فيه من واش قالو حتى خلاه يبلع ريقو بتوتر من طريقة نظراتو ليه ..

ناصر:احم همام وليدي خليها تزيد تقعد عندنا ياامات كي تكون مع يماها تكون مرتاحة اكثر و نتا علابالك راهي مريضة هنا تلقا راحتها ..

همام:ماادامك زوجتها معنتها مابقاتتش تحت مسؤوليتتك !! ولات تحت مسؤوليتي اناا مسؤول علييها مرييضة انا ندااويهاا خصتها حااجة انا نجيبهاالهاا مرتي و اناا قاادر بييها مااشي حتى يرفدووها دارهم في بلاصتييي!! ..

قال كلامو و راح بإتجاه الطريق لي راحت منها باش يروح يجيبها حالف باش اليوم تكون في دارو و ربي كبير لأنو تفكيرو كان تفكير منطقي و بما انو راهي مرتو في نظرو هو المسؤول على حالتها لي راهي فيها فملززوم عليه يحطها فووق ظهروو و هو بذات يتهلى فييها يعني مستحيل يجي واحد ثاني يغيرلو تفكيرو فاللحظة هاذي!..