كلي بكلك مغرم 🩶⛓️

كلي بكلك مغرم 106

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة106:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

كانت الساعة الستة و نص تقريبا الحالة هادية نسمة باردة محلية الجو و شروق الشمس عاطي منظر ساحر لزرقاوية السماء فوسط الجو هذاك كان يتسمع غير صوت تفكيرو وهو يشوف فالارجاء برا من قدام الباب مشبك يديه ببعض مور ظهرو و عينيه مركزهم فجمال الطبيعة و طلووع النهاار سكت عن تفكيرو و شاف لساعة لقاها لحقت 6:30 تماما ..

دخل لدار بكل هدوء و راح بإتجاه الغرفة شاف ليها لقاها راقدة غاطسة في نومها ماشي جايبة لدنيا خبار تبسم بخفة و هو يلاحظ في راحتها لي نزعها عليها كي حركها و نطق بهدوء كي حلت عينيها و شافت فيه تستنا منو يقول واش راهو حاب..

همام:نوضي!..

ريام:شحال رااهي الساعة ثااني يااربيي ..

همام:خليتك تزيدي ساعة و نص بزاف عليك نورمالمون دوكا رانا كملنا النص فالتدريب..

ريام:وشمننن تدريب مااشفتش حالتي لي كنت فيها لبااارح..

همام:هاكي قلتيها لبارح هاذي..و زيد راكي شربتي الدواء خلاص راكي كي الحصان دوكا ..

ريام:همااام همام واش رااك دييير لهااذ الدرجة لي درتو يستاهل كل الحقد هذاا؟؟..

همام:يستاهل ماكثر!..

ريام:يعني مرااكش تحاول تكّره فيا فالخدمة راك تعاقب فيا يااك!!..

همام:بالضبط..

ريام:بصصصح علاااااش رااك تحاسب فيا على حااجة درتها قبلما نعرفك ولا نتزوج بيك؟؟؟ ..

همام شاف فيها ببرود متجاهل كلامها و عطاها بظهرو خارج لبرا بعدما رما عليها سلسلة من اوامرو و خرج مخليها تندب في حناكها على النهار لي عرفاتو فيه ..

همام:عندك خمس دقايق تكوني غسلتي وجهك و كليتي كاش حااجة و وقفتي قدامي يفوتوو الخمس دقااايق هاذو ماتلومي غير روحك..

شدت المخدة بين يديها و عضتها بكل قوتها حتى خرجت فيها كامل العصبية لي فيها رماتها لبعيد و بقات تتنفس بزربة حاسة بأعصابها تلفو مع صباح ربي ماخلاها ترتاح مليح مااخلاها تعيش مرضها كيما قاع البنات على راحتها مزروووب باش يشوف ضعفها و يستمتع بتع..ذيبها ماعرفاتو باش مخدوم الراجل هذا كان ماشي لبارح سمعت دقات قلبو كانت راح تقول عندو حجرة ماشي قلب بصح الظاهر  حتى راسو يابس ماشي غير قلبو برك..

ناضت تنفخ و تخبط برجليها ماشي حاملة تصرفاتو و كلامو معاها دخلت لدوش غسلت وجهها بماء بارد باش تفطن مليح و خرجت وهي تلم في شعرها دارتو على شكل طوماطيشة و راحت لبست سروال و تريكو مريحين باش تقدر تتحرك بيهم كيما تحب و خرجت لعندو بعدما حست بروحها مرتاحة من الوجع لي كان فيها لبارح كأنو نقص عليها نسبيا و خلاها تنساه شوية ..

قربت ليه بهدوء و ربعت يديها على صدرها تشوف فيه ببرود مستنية منو شي اوامر حتى نطق عكس واش كانت متوقعة الشي لي خلاها تشوف فيه بنظرات تعجب حايرة فيه و في طينتووو..

همام:ماكليتي والو!..

ريام:سبحاان الله ..اناا مافهمتكش ولله ماافهمتتتتك منهاا منوضني الوقت هذا باش جوووز عليا كل انواع التع...ذيب ومنها تسقسي فيا اذا كليييتي!!..

همام:كي دوخيلي فنص الطريق كي ماكليتي والو انا واش ندير بيك؟؟..

ريام:اوفف كليت ماكليتش مايهمكشش قولي وااش رااك رايح دير و خلي النهار هذاا يجووز على خير..

همام:بداايةة..كيما لبارح دورة على الساحة هاذي لمدة ربع ساعة كي تكملي نشوفو واش نزيدو نديرو ..و كييي العاادةةة تحبسي قبل الوقت هذاا الوقت يتضااااعف ..تفاهنا!.