كلي بكلك مغرم 🩶⛓️مكتملة

كلي بكلك مغرم 🩶⛓️47

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة47:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد أسبوعين فاتو بأحداث مختلفة روتينية صراو فيهم بعض التغييرات الطفيفة برررك و نبداوها من عند ريام لي كانت هابطة فالدروج دير في نقابها مستعدة باش تخرج كان همام يستنا فيها برا فكانت تزرب باش تلحق و ماتسمعش لنكيرو عليها مع الصباح غير جات خارجة عاودت تلفتت للور على اثر الكلام لي سمعاتو منها و رجعت بأدراجها راجعة لعندها مقربة ليها ..

سراب:شفت تصاور العرس و ماااصدقتش قلت مستحيييل وليدي يتزوج بوحدة كيماا نتي بعداا حتى وجهك مغطيااتوو وااقيل سححرررتييه ماشي واقيل اكييد لأنو مستحيييل النوع تاعك بلاصتو تكون هنا..

ريام:ينطق السفيه بما فيه ماشي كي تكوني نتي سحارة معنتها رانا كامل كيفك!..

سراب:ايي احترمي نفسك ماتنسايش معامن راكي تحكيي..

ريام:طبقي الهدرة هاذي على روحك و ماتزيديش دوري بساحتي اذا راني ساكتتلك فهذاا راهو علاجال همام بررك اما انا راني ربيت روحي برووحي نعفس علييك و نجووووز بلااا مانشفق علييك!! فهمتي ولا نزيد نفهمك مليحح؟؟..

قالت كلماتها بكل تحذير و تهديد و خرجت بعدما خبطت عليها الباب مخليتها مخنزرة مع روحها كأنها راهي تشوف فيها نفخت بتذمر و عاودت طلعت لبيتها تخمم فمخططاتها كي العادة حابة تلقا أي طرييقة تخرجهاا بيها من هااذ الدار بصصح تعامل همام مكانش مساعدها و هذااك هو لي صعبها عليها ..

ريام كانت خرجت لبرا لقات همام يستنا فيها طلعت قدامو و بقات تشوف فيه وهي مهبطة نقابها على عينيها باش توضاحلها الرؤية مليح شاف فيها بإستغراب من طريقة نظرها فيه و نطق بتساؤول..

همام: ياك لاباس..

ريام:امم حمدلله ..

همام:شبيك؟؟..

ريام:والو..

همام:كي نسقسيك جاوبي ماتبقايش تلفي و دوري مراحش نبقا نحلل فيك باش تحكي !!..

ريام شافت فيه بنظرة حادة لوهلة خلاتو يبلع ريقو من طريقة شوفتها فيه دايمن النظرة هاذي تخليه يغوص فبحر عينيها و جانبو المولع بنظراتها يديه لبعيد بصح المرة هاذي ماطولتش فيه الشوفة كيما اعتادت دير و بلخف دورت وجهها عليه مربعة يديها على صدرها تشوف لبعيد جوز يدو على لحيتو حاير فيها و في حالتها لي راهي فيها و نطق مرة اخرى..

همام:منيش هذاك الواحد لي يفهم المراة واش راهي حابة من عينيها نتي اول مراة نتعامل معاها في حياتي يعني راني نكتشف فيك و فالنسااء عاامةة بتصرفااتك..

ريام:علاش تكتشف فالنسااء عاامة اكتشفني انا يكفييك..

همام:هذا لي همك من كل كلامي دوكا؟..

ريام:واش حبيت يهمني مالا..

همام:رااح نسقسييك للمرة الاخيرة وشبيييك!!! ..

ريام:والوو مابياا والووو بكلامممك خلييتني نندم لأني صاارحت نفسي بلي توحشتك مااتستاهلش اصلا نتوحشك و نشوف فيڨوورتك لي ماعندها حتى معنى ديجاا علاش جيت ياك عندك خدمةة و عندك سمانة مراكش فداار مخليني وحدي معااها متحملة هبالهاا علااش جيييت هااا؟؟..

همام:توحشتيني؟..

ريام:بطلت..

همام تبسم على جنب و بقا يشوف فيها بنظرات غريبة ماشي مفهومة استصعبت انها تفهمهم وهي وسط انهزامها قدامو بقا غايس فيها تايه فكلامها لي قالتو متعجب من تطورها فالكلام معاه و انغماسها السريع فعلاقتهم لي مكانش متوقعو يكوون بهاذ السرعة هاذي خاصة كي الاسبوع هذا مكانش فدار يعني اجمالي اليامات لي جوزوهم مع بعض تقريبا 20 يوم برك بصح تواجدو في حياتها وقع في فؤادها مووقع بلييغ و هي بنفسها راهي معترفة بالشي هذاا و متعجبة منو فنفس الوقت..

لأنو مهوش من طبايعها توالف بشخص جديد في حياتها بصح هو بأسلوبو و تعاملو معاها خلاها تنسا هدفها الاساسي و المهم لي خلاها تكون معاه لحد اللحظة هاذي! و رغم انها كانت تحاول تركز عليه برك بصح مشاعرها جروها و ماقدرتش على انجرافهم السريع لكن في نظرها انها راهي موافقة بين قلبها و عقلها و عارفة كيفاش تتحكم فيهم بين زوج و هذا هو الاهم عندها! ..