كلي بكلك مغرم 🩶⛓️

كلي بكلك مغرم 140

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة140:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام و هند كانو فالكوزينة غير سمعت عياطو بدات تضحك بهمس عرفت اديب يكون كشما زاد خربها شافت فهند لي كانت تاكل بصمت و مهبطة راسها مرة على مرة تتلفت تشوف اذا راح يدخل كاش واحد باش ترجع نقابها اما ريام ولا على بالها زادت نحات طقم الصلاة لي كانت لابساتو و قعدت تاكل براحتها بقات تشوف فختها بإستغراب و خبطتها برجلها من تحت باش تنتبه ليها و نطقت وهي مصغرة عينيها فيها ..

ريام:شبيك نتي تقول راكي قاعدة على الشوك..

هند:اه والو ..خفت يدخل كاش واحد..

ريام:حتى واحد ماراح يجي للكوزينة  كولي براحتك..

هند:خو راجلك راح يطول هناا..

ريام:مانعرف تباان زياارتو طوويلةة حتى يدير واش كاين في راسو..

هند:واش كاين في راسو؟..

ريام:كاينة نتي..

هند طلعت عينيها في على صراحتها الزايدة و عاودت هبط راسها ماعرفتش علاش حشمت كي راهم يحكيو عليه و هي داخلة فالموضوع ..

هند:اوفف رياام!!..

ريام:وشنوو!! ..السيد راهو هابل عليك مافهمتش واش راكي تستناي باش تقبلي بيه..

هند:راني نخمم..

ريام:اييه خمي خمي حتى جي لي تديه علييك ..

هند:ياك راهوو يجري موراايا كيفاش جي لي تديه ..

ريام:يااختي يطلععع منك نتييي!! راكي تغييري عليه و نتي مزاال ماقبلتييي بيه اصلااا ..

هند:شكون قاالك غرت راكي بديتي تخرفي ..

ريام:اييه روحي بررك قوولي حبيتي جرجري السيد بررك وخلاص..

هند:كي نحس بروحي مرتاحة نقولك على قراري..

ريام:هاانا نستنااو ..

هند:بصح مثلا مثلا كان نقبل..هااني نقولك مثلا ..انا مانقبلش بعرس كيما لي دارهولك راجلك فيه اختلاط و موسيقى ياختي ماخصنيش ذنوب ..عباالك يقولك« إقامة الأغانِي عِند حُصول النّعمَة من كُفرانِها» (ابنُ القَيّم رحمه الله) يعني تخيلي ربي ينعم عليك بنعمة الزواج و اتمام نصف الدين و نتي تروحي تكفري بالنعمة هاذيك بحاجات حرام لغناا و اللبس المعري لأنو كاين حدود العورة حتى مع المرأة و المرأة و كاين عراس فيهم اختلاط و المعازيم يبداو بالنميمة و الغيبة يعنييي ولله مااجااياش نديرو نعمة و نكفرو بيها بحاجة محرمها ربي علينا ..

ريام:صح صح ..ربي يهديهم و يهدينا..

هند:اميين..

ريام:يعني راكي قابلة باش راكي تخمي فالعرس..

هند:ياااربي قتلك مثلاا بررك..كنت نحكييلك هذا مكان..

ريام:ياودي اقبلي برك السيد باين كان تقبلي بيه يديرلك عرس فوق القمر ..

هند:نخمم نخمم..

ريام:ياربي صبرني..

هند ضحكت بخفة و ريام قلبت عينيها عليها كملو ياكلو فطورهم حتى كملو و عاودو طلعو للبيت قعدو مع بعض مكملين حكاياتهم لي مايخلاصوش حتى لحقت العشيا كان همام و اديب خرجو فلقاو راحتهم هبطو للجنينة قعدو لتم و عرفتها بالدار حتى لحق وقت العشا كانو الاخوة رجعو فكان همام طلب منهم باش يطلعولهم العشاء للبيت تعشاو كيف كيف و بقاو مع بعض ..

هند:نتي راجلك مراحش يحوس عليك كي راح تباتي معايا هنا..

ريام:علاش واش يدير بيا..

هند:وين علاباليي بالاك مايحبش ترقدي بعيدة عليه..

ريام:مايحوس عليا ماوالو بوه..

مزال ماكملت كلامها حتى سمعت تلفونها يصوني قدامها رفداتو تشوف شكون لقاتو همام يعيطلها عقدت حواجبها بإستغراب و جاوبت عليه محتارة من اتصالو  ..

ريام:شبيك؟؟..

همام:عننندك زووج دقاايق نلقاك في بييتك غيير مكلاااه تقولييلي نرقدد مع ختتتي نهار تولي هي راجلك ارقدي معااهاا و بلاا ماتخشني راسك تعرفيني نجي نديك من تم بلا مانكسر راسي معاك!..