كلي بكلك مغرم 🩶⛓️

كلي بكلك مغرم من 220الى 230

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة221:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد نظراتو عليها بزربة و هبط من الطونوبيل قبلما يخليها تنطق ولا تعبر على شعورها مكانش قادر يسمع منها شي كلام يخليه غارق وسط فشلو و انهزامو أكثر ماراهو غارق فيه لأول مرة ماعرفش كيفاش يتصرف فشي موضوع ماقدرش حتى باش يحلو و يلقالو منفذ صغير يقدر يسلك الحالة بيه ..

خرج لبرا و بقا واقف بتوتر جوز يديه على راسو كي حس بالصدااع عاود زارو للمرة الالف فهاذ اليوم و نفخ بعدم رضى لواش راهو يصرا تلفت ليها لقاها مزالت قاعدة فالطونوبيل كأنها مزال ماستوعبت واش راهو صاري قدامها غمض عينيه بقلة حيلة و قرب ليها فتحلها الباب و نطق بنبرة مخنوقة..

همام:اهبطي ..

هبطت و قربت ليه بحركات بطيئة شافت للبلاصة لي راهم فيها و عاودت شافت فيه و من نظراتو و التوتر لي كان شايدو عرفت تفكيرها راهو صحيح و مهيييش غالطة فيه ابدا.. بلعت ريقها مرارا و تكرارا حتى رجعت تحس بالشوك محتل أعلى حلقها و خدات نفس طويل ناطقة بصوت خافت بعدما تشجعت و حاولت تنفي كل الافكار السلبية من راسها ..

ريام:ع علاش جينا هنا؟؟..

همام:راح تبقاي هنا لفترة ..

ريام:علاش؟..

من كثرة ما اعصابو كانو تالفين وافكارو متراكمين مشتتين داخل عقلو ماحسش على واش كان يدير حتى لقا روحو مجاوبها بصوت عالي بدون ارادة منو لأنو حرفيا مكانش واعي بتصرفاتو كان كلما يحاول يستجمع افكارو يلقاها تاهت منو كلمات صحاح باش يركبهم و ماعرفش من كثرة ما كان حاس بكلش مخلط عليه ماشي صااير كيما راهو حاب..

همام:وااااش يجييييووو يديييرو الناااس هناااا!!!مكيييش تشوفي واش راهو مكتوب فييييه!!!..

تلفتت شافت لواش راهو مكتوب فالافتة تاع المكان لي راهم فيه كأنها تعاود تتأكد من واش راهي تقرا و رجعت شافت فيه مرة اخرى تقول طااحت عليها لحظة غباء ولات ماتفهمش واش راهو صاري فيها..

ريام:بصح واش جينا نديرو؟؟؟..

غمض عينيه بقلة حيلة و قرب ليها شدها من يدها و جرها معاه للداخل كان مكان غريب عليها اول مرة تدخل ليه كانت راسمة توقعات في راسها على شكل البلاصة من داخل بصح كي شافتها بعينيها حست بشي غريب ماعرفتش كيفاش تفسرو ..

حاولت تلحق عليه فخطواتو السريعة لأنو كان شايدها و يزرب فمشيتو دخلها لواحد من الغرف لي كانو لتم وغلق الباب موراه ألقات نظرة سريعة على المكان و ركزت بأنظارها عليه كان يبانلها متهرب من نظراتها ماشي حاب يشوف فيها كلما طيح عينها فعينو يدور راسو عليها مافهمتش شبيه و علاش راهو يتصرف هاكا بصح لي كانت تصبر روحها بيه هو انو كاين شي حكمة من كل هذا لي راهو يصراا معاها..