كلي بكلك مغرم 🩶⛓️مكتملة

كلي بكلك مغرم 131

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة131:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

هند شافت فيه بخجل منزلة راسها و بقات ساكتة ماعرفتش بواش جاوبها صح عندها اجابة صريحة بينها و بين نفسها بصح حشمت تقولها لختها لأنو علابالها بلي راح تبهدلها اذا قاتهالها و مستحيل تتقبل فكرة انو ختها مزالت تخمم فلي خطبها رغم انو راهو فالحبس حكت خدها بتوتر و تبسمت ببلاهة مجاوبتها بتهرب..

هند:هاكا برك ماقبلتش..

ريام:كيفاش هااكا بررك علاش واش خصو السيد ولله علابالك كنت ناوية نقولو علييك حتى هاهوو طلع يخمم كيماا اناا.. بهلووولة علاش ماقبلتيييش السيد بخدمتوو دارو وحدوو عندوو فييلا عندو طونووبيلتووو يخدم فالدوولة خووه جنراال وااش تزيدي فوق هذاا و زيييد راح تولي مرت لوسسي ههه ..

هند:ايييه ريام تخمامك شحاال كيووت.. واش لفايدة كي نتزوج بواحد وانا علابالي مراحش نقدر نبادلوو شعوور الحب..ماعلاباليش خفت نظلمو معايا..

ريام:شكون قالك انا تزوجت بهمام وحنا نحبو بعض؟..

هند:بصح دوكا راكي تحبيه..وهوو تان بايننن يحبك لدرجة ماقدرش على فراقك ليومين ولا كثر في داركم ..

ريام سكتت لبرهة تخمم فجواب لكلامها الاول لي قالتو زعما راهي تحبو؟ قدرت تحبو بعدما تزوجو؟واش هي مشاعرها اتجاهو بواش تحس من جيهتو؟ كل الاسئلة هاذو طرحتهم على نفسها بصح مالقاتش شي جواب مناسب تقتنع بيه فاقت من سهوتها لي داتها لبعيد على صوت هند لي عاودت نطقت كي شافتها سهات ..

هند:الوو وين رحتي ..هذا كاامل تأثير راهو مأثرو فيك غير جبدتلك عليه رحتي لبعيد هههه..

ريام:وين كنا ..اييه المهم ماشي لازم الحب يكون قبل الزواج كي تعاشريه و تولي تعيشي معاه تولي تحبييه و زيد اديب يبان من النوع الخفيف يعني راح تحبيه بلخف ..اصلااااا علاااش ماتقدريش تبادليه!! كاين كااش واحد راهو في مخككك؟؟ ماتقوليليش برك حمزة لأنو تقوليها نوض ليك ..

هند:احم يعني ماعلاباليش..مهوش حب..بصح مزلني نخمم فيه برك..

ريام:ارواحي هنا نخبط لختي راسها فالحيط باش تنحيه من راسك كامل قالو تخمم فيه السيد تاع حبوسات يهرب فالمخدرات مزالت تخمملي فيه خلاتلي الزين و الدين و طاعة الوالدين ورايحة تخمملي فالخماج ..شووفي ولله اديب حنيييين مانيش نشكر فيه بصح هو خير من همام بالالااااف فهااذ الجهة .. يماهم مايتفاهموش معاها بين زوج بصح همام راهو حاقد عليها كان يشوفها تموت قدامو ماتهموش و اديب العكس عيشها في داروو و عطااها من مصروفو للدوك راهي عايشة بدراهمو يعني حنييين ولله  ..

هند:ماعلاباليش..نزيد نخمم ..

ريام:واااش تخميي قالو تخمي جيبييلي تلفوووني نعيطلووو وين راهو تلفووني خليه يجييي اليووم يخطب ياك كان جاااي..

هند:تحمستتتي لاا!! مزاال خليني نصلي استخاارة على الاقل..

ريام:شحاال ثقييلة بسلامتتتك انا جبت الراجل و تزوجت و حملت و اجهضت و هي مزالت تخمم..

هند:المضحك المبكي هذا ههه خلاص اومبعد نصلي استخارة و نقوولك بصح اذاا قتلك لالا اوعديتي تقوليلي مايزيدش يدور بساحتي راهو رجع يجي يهدر معايا برا واناا تعرفيني مانحبششش..خطرةة كنت نبكي معع استبرق جا ديراكت حشر روحو و قالي علاش راكي تبكي ولله مليحة هاذي  ..

ريام:هههه ظهر خفيف على واش كنت نتصور كان غير تزوجت بيه هو يبان يخرج عليا خير من النكدي لي عندي يالاطيف..

هند:ههه احشميي ..

ريام:ديجا بديتي تغيري عليه ديجا ..هايا روحي تصليي الاستخاارة و قوليلي واش قررتي..

حركت راسها بالايجاب و ناضت توضات و راحت تصلي صلات ركعتين تاع استخارة و قرات الدعاء الخاص بيها كملت صلاتها ورجعت لعند ريام لقاتها تفطر فالفطور لي جابتهولها يماها حتى لفراشها غير شافتها جات بلعت واش كان في فمها و نطقت بحماس..

ريام:اييه خلاص راكي قابلة نعيطلوو نقولوو يجيي؟؟؟..

هند:قتلك نتي تحمستي حسباتلك خاتم سليمان غير نكمل يطيح عليا الوحي..

ريام:كان جيت في بلاصتك راني قبلت عندي شحال نتي برك تحبي تزيدي عليها ..

هند:هفف خلاص واقيل راني قابلة..

ريام ضحكت بخفة على جوابها و جاوبتها بطنز..

ريام:نزل عليك الوحي بلخف ياه هه!..

هند هبطت راسها بخجل و عضت على شفايفها ماعرفتش كيفاش خرجت من فمها الجواب هذاك ..راحت ترمات على سريرها و جاوبها و هي تحاول تهرب فنظراتها منها ..

هند:قتلك واقيل ماشي سور اووه ريام خليني براحتي كي نقرر نقولك و نتي لسقتي فيا بسيف باش نقولك ..خلاص كي نخمم نقولك..