كلي بكلك مغرم 🩶⛓️

كلي بكلك مغرم 99

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة99:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

نفخ بعدم رضى على كلامها و قرب ليها فنفس المستوى لي كانت فيه هي طلع لعندها في ثواني قليلة و شدها من خصرها مزيرها عندو أما هي القوة باش تشدو و مابقاتش عندها خاصة كي حست بيديها تجرحو شوية من الحجر هذاك لي كانت تشد فيه هبطها بلخف و حطها فالارض و هو يلاحظ فصفورية وجهها و تنفسها المضطرب طلعلها راسها بصبعو حتى شافت فيه و نطق بإستفسار..

همام:شبيك؟..

ريام:والو غير واش مهبول بدا يخرف جا نوضني على الخمسة تاع صباح و رماني فالبيسين و جابني لمقر تدريب العسكر خلاني نجري ربع ساعة بلا مانحبس و خلاني نطلع فالحيط و كوني مراة منيش راجل كيما راهو داير في بالو عييت و ماقدرتش نكمل هذا مكاان..

همام:هذا والو! مزال مابدينا هاذو تسخينات برك..

ريام:خليني نروح نقعد عييت..

همام:عندك راحة لربع ساعة برك ..روحي اشربي لما ولا شوفي واش ديري و ارجعي..

ريام:لهاذ الدرجة ماترحمش!!!..

همام:نرحم؟ واش معناها رحمة!..

شافت فيه بإشمئزاز من جوابو لي فهمت منو مقصودو و راحت لجهة الدار هاذيك دخلت للكوزينة جابت قرعة ماء و قعدت فالارض ترد فالنفس شوية ماعرفت منين تسلط عليها بالتدريبات تاعو و حتى هي حست بروحها بيزار مهيش موالفة تضعف و تفشل هاكا ماعرفتش شبيها ذاتها فاشلة عليها التعب مسيطر عليها نفسيتها مقلوبة غراابة كانت تصراا فيها ماعرفتش واش سببها اومبعد تفكرت قاالت بالاك المادام غووج رااهي دير فعمايلها فيها و هي لي قلبتلها الموود تاعها هاكا..

غير استحلات الراحة لتم سمعاتو يعيطلها من برا كي خلاصو الربع ساعة لي مدهملها كان يحسب فيهم بالدقيقة و الدرج نفخت بسخط و ناضت رايحة لعندو لقاتو قاعد فكرسيه حاطط رجل فوق رجل يستنا في حضورها قربت ليه و هي حاطة يديها على خصرها مخنزرة فيه و نطقت بعصبية..

ريام:مزاال!! واش رااح تزييد ديررر ثااني ماعييتش!!..

همام:لا مزال النهار طويل بزااف..

ريام:راك ناوي تخليني منشورة هنا نهار كامل ندير فالهبال تاعك؟؟؟..

همام:كي تحبسي هبالك نتي و تشدي الدار لتم تحبسو انا .. هاياا عندك تمارين رياضية ديريهم ..كأول تمرين ابداي بالسكوات باش تسرحي عضلات رجليك لأنو رااح تزيدي تكملي الجري لي ماجريتيهش مقبيل..

ريام:ياربي صبرني ..على الاقل ديرلي تدريبات نستفاد منهم صح فالخدمة دوكا كي راني نجري من الصباح كي المهبولة واش راح نستفاد؟؟؟..

همام:تكوني في مهمة يكشفوك و يجو موراك و نتي مكيش موالفة تجري كيفاش ديري؟؟ تحبسيلهم فنص الطريق و تسلميلهم روحك!..

ريام:راك تتبهلل عليا ولا واش..

همام:اذا فت و نضت راح نخليك تحسبي عظامك و سنانك بونيس معاهم!..

ريام:استغفر ياربي..

همام:هايا ابداي ..عندك 50 تمرين تاع سكوات بدون توقف تحبسي يتضاعف العدد..

ريام:50!!!!!!..

همام:هذا الموجود!..

نفخت فوجهو بلا ماجاوبو من كثرة ما خلاصولها الكلمات وسط عنادو و رايو لي يجوزو و راحت وقفت بعيدة عليه بسنتمترات قليلة و بدات دير فالسكوات وصلت للعاشرة بدات تعيا و ثقل فحركتها لأنو صح بدات تحس برجليها يوجعو و عظامها يطرطقو داخلها شافت فيه لقاتو يحدق فيها بنظرات هادية كأنو كان مستمتع بتت..عذيبها قلبت عينيها عليه مكملة قصيدتها الشعرية عليه داخل قلبها و كملت دير فيهم حتى كملتهم..

وصلت للعشرين بشق الانفس حتى ولات ماتحسش بفخاضها و جزئها التحتاني خاصة كي عندها مدةةة مادارتش سبور و لا حركت عظامها غير شافها حبست و تكسلت فالارض ناض بهدوء اتجاهها و نطق ..

همام:راح يضاعف العدد!..

ريام بلعت ريقها بسيف و ناضت بصعوبة رجليها يرجفو كرشها توجع وجهها صفار و خضاار من التعب و الجووع كلشي تخلط عليها في دقيقة ناضت بصعوبة من الارض و قربت ليه شدت فتريكوه كي حست بتوازنها راح و جا و ترمات عليه مزيرة بقبضتها على طراف التريكو تاعو حطت راسها على صدرو و نطقت بتعب باين فصوتها..

ريام:خلاص راح نموت من مقبيل و اناا نشررلك بااش تفهممم و تقووول اذا فهمت رااني طفلةةة طفلةةةةة و عندييي حاجة اسمهااا دورة شهرييية جييني كل شهررر ماقدرتتتش على الع..ذااب هذاا و انا بييهااا ماااقدرتتتش ..اذا تحب نورييلك منيش نكذبببب ولله خليني نرتااح عييت هماام عيشك!..