كلي بكلك مغرم 🩶⛓️مكتملة

كلي بكلك مغرم 216

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة216:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

"فلاش باك 3"🩶

فالسماانة لي كانت قاعدة فيها في دار باباهاا بعدما كاان همام حسباتلو خرجت بلا علموو و ضربها بلا مايفهم منها كانت زعفت عليه صح و مارضااتش تحكي معاه بعدما عيطتلو باش يحكي مع اديب و يفريها فحكايتو مع هند كان عاود عيطلها بزااف مرات بصح كان يلقا الصد من جيهتها لأنو فنظرها صح غلط معاها و بزااف ماشي شوية برك فالوقت لي حكاتلو على نسبة ثقتها فيه هو جازاها بعدم ثقتو فيها و هذا الشي لي خلاها تتقلق منو بزاف ..

كي شافها رااهي زعفااانة صح منيتهااا و ماحبتش تعطيلو وجه خلاصت عليه رايح حتى لعندها باش يطلب السماح منها و يخليها تساامحو لأنوو حتى هو شاف روحو غلط في حقها خاصة بعدما تأكد من حكاية الكاميرات لي تقعطو خيوطهم فجأة ..

كانت قاعدة في بيتها تهدر مع هند فالتلفون منغمسين في حديثهم حتى سمعت باب الداار يطبطب شوية هكاك ناض ناصر فتح الباب و استقبل همام دخلو لصالون و بقا يحكي معاه و يڨصرو بينما راضية راحت عيطت لريام باش تروح تشووف راجلها فالاول امتنعت باش تقابلو اومبعد كي عيطت عليها يماها ولات خدات الراي و راحت لعندو باباها زاد قعد معاهم شوية اومبعد ناض مخليهم براحتهم همام بقا متبعو بعينيه حتى خرج و غاب على انظاروو تلفت ليها لي كانت حاطة رجل فوق رجل مخنزرة فيه و تنهد بقلة حيلة ناض قعد قدامها و نطق بهدوء..

همام:مزال ماراح ترضاي علينا همم..

ريام:لي درتو معايا مايتغفرش ..

همام:قتهاالك من قبل و نعاودها علابالي تسرعت و غلطت بصح هذا من خوفي عليك كنت نبهتك من قبل باش ماتخرجيش لبرا يعني اول حاجة جات لبالي هي نتي تكوني خرجتي..

ريام:هاااك قلتها قتلي ماتخرجيييش ماخرجتتتش !!!..

همام:كأنو مواالفة تسمعي الهدرةة نتيي؟؟ وين علابااالي شفت الكاميرات حبسو و خيوطهم تقطعو قلت نتي باش مانشوفكش قطعتيهم و خرجتي..

ريام:واو يعني اتهمتني زوج اتهامات ماشاء الله عليك ..

همام:المهم جاازت الحكاية وعرفت شكون قطعهم و طلبت السماح كي عرفت روحي غلطت..

ريام تعدلت في قعدتها و نطقت بإهتمام:شكون قطعهم!..

تنهد بقلة حيلة و تكا بظهرو على الفوتاي مجاوبها بهدوء بعدما تنهد تنهيدة طويلة خلاتها تعيرو كل اهتمامها متحمسة باش تعرف شكون سبب مشااكلهم لأنو كان ماتقطعوش خيوط الكاميرات كاان مكانتش راح تصرا المشكلة هاذي بيناتهم من اساسها ..

همام:سرااب..

طلعت حاجبها فيه بدهشة و بقات ساكتة ماعرفتش بواش جاوبو كانت متوقعة دنائة سراب توصل لشي مواصل بصح ماشي لدرجة دير حاجة باش تحصلها في رااسها و يصراو مشاكل بينها و بين راجلها تبسمت بإستهزاء و جاوباتو و هي مصغرة عينيها فيه بنظرات لوم ..

ريام:ملييح كانت ناوية تحصلها فيااا باش تشك فياا نتاا و هاهي نجحت خطتهااا ملي دخلت لهاذيك الدار و انا حااااسة بلي كانت راح دير كاش حاجة و نتا ماقصرتش في اول مشكل دارتو طحت فيه ..

همام:مراحش تتعاود اكيد..

ريام:خصك غير تعاودها ..

همام:يعني خلاص تسامحنا و راح تولي لدار..

ريام:لا..مزال مابردت فيا الحرقة تاع واش درتلي..ديجا ماقتليش واش درت معاها؟؟..

همام:مادرت والو راح نراقب تحركاتها و نشوف واش تزيد دير و بما انك مكيش فدار اكيد مراحش دير والو ..

ريام:امم..

حرك راسو بلا حول من نظراتها لي فهم معناهم و عرف عقلها لوين داها و نغزها بيدو باش تولي للواقع و يشتت عليها الافكار الشيطانية لي هبطو عليها ..

همام:غير نحي تخماامك هذا من بالك خليها علياا اناا.. انا لي نعرف نتصرف معاها ..

ريام:ماقلت والو..

همام:واش درنا فيها دوكا؟..

ريام:مادرنا والو خليني براحتي كي نرضى نولي وحدي..

همام:منيش حاب تكوني بعيدة عليا وقت تروحي للمهمة ..

ريام:لا هاكا خير.. مانعرف ممكن هاذوك الزوج يسخن عليهم راسهم ويولو يراقبوني من الاحسن نبقاو بعاد على بعض باش نبعد على روحي الشبهات ..

همام:مالا ديري واش تفاهمنا و بالاكي على روحك خلي تلفووونك عندك بالاكي تبعديه عليك باش اي حاجة تصرا نلقاك بيه (علابيها دات معاها الصااك كي كانت داخلة لدار)..

ريام:اوككك فهمت كلش متخافش ان شاء الله كلشي يجوز كيما راك حاب..

همام:ان شاءالله..اتهلاي في روحك ..

ريام:هايااا تبقا على خير..

همام:مراحش تقوليلي مام نتا اتهلا في روحك؟..

ريام:لا!..

همام:اصبري عليا برك تولي لدار وتشوفي ..

ريام:غالط وتزيد تهدر..

همام:انا نروح خيرما نزيد نغلط كثر..

ناض من بلاصتو و خرج بعدما ودعهم كامل و زااد ودعها هي بوداع خاص غصبا عنها مخليها تسب فيه على فعايلو لي مهبلها بيهم رجعت دخلت لبيتها و بقات تحضر فنفسها نفسياا و جسدياا على المهمة هااذي لي ديرها بعد ايام ..

نهاية الفلاش باك 🩶