كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة36:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

صباحا و بداية من عند ريام لي حلت عينيها بتثاقل من التعب لي كان نازل عليها رفدت راسها بسيف و شافت قدامها مالقات حتى واحد و البيت مزالت مظلمة التاقة تاع البالكون مغلوقة و الريدو مظلم الحالة مسحت على وجهها باش تنحي اثار النوم منها و تقدر تفطن مليح و ناضت ببطئ حاسة بحاجة غريبة في ذاتها مزالت ماقدرتش تستوعبها من كثرة ماجاتها جديدة و غريبة..

عضت على شفايفها بخفة وجات نايضة حتى تحلت باب البيت عليها و دخل منها هو عينيه مركزهم فيها لأنو اصلا جا باش يشوفها اذا ناضت ولا مزال غير شافها نايضة قرب ليها و هي جبدت الغطا عليها تغطات ماعرفتش الحشمة هاذي منين طاحت عليها..

همام:صباح الخير..

ريام:صباح الخير نضت قبليي..

همام:امم رحت درت سبور وجيت ..ونتي صافا شوية من لبارح؟..

ريام غمضت عينيها بخجل من جرئتو فالحديث معاها و حركت راسها بالايجاب مجاوباتو بهمس..

ريام:حمدلله ..

همام:مليح..هاني لتحت اهبطي تفطري فطور الصباح ..

ريام:دوك نجي..

خلاتو حتى خرج باش ناضت هي دخلت لدوش دوشت و خرجت و هي لاوية سربيتة عليها فتحت التاقة حتى ضوات الحالة وطلت براسها من بعيد برك خافت تخرج للبالكون وهي بالسربيتة لقات غير المساحات الخضرات مقابلينها عاودت دخلت للداخل وتوجهت للخزانة بقات واقفة تخمم واش تلبس حتى شافت روبة منزلية صيفية قماشها باارد لونها ابيض فيها ورد بألوان مختلفة أكمامها عبارة عن خيوط فقط و طولها واصل لفوق ركابيها تقريبا شكلها شكل روبة تاع رقاد برك هاذي بستيل مختلف ..

رفدتها بين يديها ووبقات بين مد و جزر اذا تلبسها ولا لا فالاخير قالت كيما جات جي خلي نحي الحشمة على ضربة و نخرج هاكا لبستها بلخف و رشت من برفانتها خلات شعرها مشمخ مسدول على كتافها و هبطت و هي تحوس عليه بعينيها في طريقها و هي هابطة تلاقات بمراة طالعة من لبستها الرسمية عرفتها خدامة لتم عقدت حواجبها بإستغراب وجات تكمل نزولها حتى وقفتها هي كي نطقت بإحترام و هي مهبطة راسها للارض..

الخدامة:مادام ريام السي همام راهو فالصالون يستنا فيك ..

حركتلها راسها بالايجاب و كملت طريقها رايحة بلا ماتتبحر عرفت طريق الصالون لأنو جازت عليه لبارح و هو جاي في وسط الدار بكبر حجمو متوسطاتو طابلة كبيرة كان محطوط عليها فطورهم الصباحي المشكل من كل انواع المأكولات لي ممكن تكون جامي شافتهم في حياتها راحت قعدت فأول كرسي عرضها لأنو حست بروحها عيات كي هبطت كل الدروج هاذوك و زادت مشات غير حطت رجليها عليه دارلها اشارة للكرسي لي قدامو ناضت قعدت وين قاللها  و شافت فيه متبعة كلامو ..

همام:دايمن هنا تكون بلاصتك على جنبي اليمين..

ريام:هذا تاني بروتوكول الجنرالات ولا واش..

همام:يعني تقدري تقولي..

ريام:شبيك تشوف فيا هاكا؟ مانقدرش نهبط للتحت باللبس هذا؟؟ملي هبطت هنا و نتا مزير تقول مانعرف واش شفت ..

همام:لا راكي في دارك ديري واش تحبي..

سكت لثواني و هو يشوف فيها تفرغ في قهوتها جوز يدو على لحيتو بهدوء و حمحم بصوتو حتى لفت انتباهها غير شافها شافتو دارلها اشارة بصباعو باش توقف و هي بقات تشوف فيه بتعجب ماشي فاهمة واش راهو حاب كي شافت اصرارو فنظراتو وقفت كيما قاللها و بقات متبعة اشاراتو حتى حط يدو على فخدو كأمر ليها باش تنفذ اوامرو ..

وهي غير فهماتو تبسمت على جنب و قربت ليه دوب جات تقعد تسمع صوت قاوي زلزل بيهم الدار عاودت وقفت بزربة و شافت لمصدرو حالة عينيها بصدمة ماشي فاهمة والو أما همام كان وقف حتى هو لدرجة انو الكرسي تقلب موراه من عصبيتو لي شداتو من الصوت لي سمعو و لي فهمو انو حتى خوه راح يكون جاي تلفت ليها بزربة لقاها تشوف فيه بدهشة مستنية منو تفسير للحالة هاذي نحا الفيستا تاعو رماها عليها غطاها بيها و نطق بأمر قبلما يخرج يشوف واش كاين..

همام:اطلعي لفووق بلاماا نشووفك دوري لتتحتت !!..