كلي بكلك مغرم 🩶⛓️

كلي بكلك مغرم 88

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة88:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

نحا يدو منها و ناض من فوقها مبعد عليها باش يخليلها المجال و جاوبو أما ريام غير سمعت بسيرة البيسي زادت فشلت كثر كانت دايرة احتمال صغير انو يكون فايقلها من الاول بلي هي لي سرقاتو و احتمال يكون تزوج بيها علاجال حكايتو بصح كانت تنحي فالافكار هاذو من بالها  حتى لي خافت منو طاحت فيه و خرج عارف بكلشي على البيسي تاعوو و حكاية السريقة تاعهاا ..

بقات ثواني و هي ترد فالنفس لي قطعو عليها فالاخير حركت راسها بنفي و ناضت وقفت قدامو قربت ليه حتى مابقاش كاين فاصل بيناتهم ونطقت بهدوء وهي تشوف فعينيه لي كانو حمورا شوية و ينقطو بالدم ..

ريام:يعني هذا هو سبب زواجك بيا؟كنت حاب تعرفني اذا انا لي سرقتو!..

همام:سقسيييتك جااوبي ماتبدايش دخلي فالمواضيع ببعض!!!!..

ريام تنهدت و جاوباتو بثقة لأنو كانت صادقة فكلامها و صح ماكذبتش فيه..

ريام:تقدر تقول الصدفة هي جمعتني بيك فالاول لأنو كان ماسرقتش البيسي تاعك ماكنتش راح نعرفك اصلا ولا نتلاقا بيك..

همام:راكي حابة تقنعيني بلي سرقتيه من تلقاء نفسك ..

ريام:ايييه صححح ماكنتش نعرفكك و البيسي ديتوو لأنوو مانقدرش نتحكم فرووحي كنت داخلة لهنا بدافع الفضول و الاكتشاف حتى لقيت روحي ديتوو ماتحكمتش فرووحي..

همام:اومبعد فتحتيه!..

ريام:اييه..

همام:واش لقيتي فيه؟..

ريام:لقييييتك نتا تسرق فالحاااجات لي فنييت حيااتي علاجاالهممم نخااطر بروحي باش نديهم انا فلخر نلقاك مديهم بكل سهولة؟؟..حسبااالك باش تدخل لمزااد علنننني فيه كثر من ميةةة بنادم كل واحد مضاارب مع الثاني باش يديه و نرووح انا بكل سهووولة و سلااسةةة نديه بكل المخاطرة هااذي فلخر نتاا تديهم؟؟..كنت نقول على روحي مانحشمش و راني ندير فحاجة حراام و زيد ماشي قانونية حتى نلقا السي الجنراال لي حمااية الشعب بين يديه خاربها كثررر مني!!

همام زاد عقد حواجبو كثر من الخيوط لي بدا يربط فيهم في عقلو و جاوبها بنوع من الصدمة و هو يلاحظ فصفورية وجهها لي بان عليه الارهاق ..

همام:خدمتك هي السرقة؟؟ واش راكي تسرقي؟..

ريام:أي حاجة فيها قيمة.. كيما الاثاار تاع مقبيل مثلا!!..

همام:وين تديهم؟؟ واش تستفادي منهم!!..

ريام:ندي دراهم على حق مخاطرتي بروحي واش حبيتني ندي!..

همام:و الاثار هاذو وين يروحو؟شكون يديهم! شكون راهو مسيرلكم الخدمة!..

ريام:ماعلاباليش..مهيش من صلاحياتنا ندخلو فهاذ الامور ..

همام:يعني راكي تقولي نتي تديهم و نتي ديتي الاثار تاع اليوم؟

حركتلو راسها بالايجاب كتأكيد على استنتاجو و بقات تشوف فيه واش راح يدير حتى لقاتو بعد عليها بسرعة راح و جبد تلفونو جوز مكالمة لواحد من معارفو وحكا معاه بكلام ماركزتش معاه قدما كانت مركزة مع الدوخة لي جاتها حطت يدها على فمها مزيرة عليه و شافت فيه حالة عينيها بصدمة من الاسم لي ذكرو قدامها ..

همام:خيال؟؟؟؟؟؟..