كلي بكلك مغرم 🩶⛓️

كلي بكلك مغرم 156

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة156:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فجهة اخرى و عند همام لي كان رايح فطريق خدمتو الشوفور هو لي كان متكلف بالسواقة و هو قاعد في بلاصتو ملور يخدم فالبيسي تاعو حط يدو قدامو يحوس على الملف لي يسحقو مالقاهش حوس عليه لتم كيف كيف مكاشو حتى لوهلة جاتو لحظة ادراك بلي نسااه فدار من التوديع المدلل لي دارتهولو مرتوو فالصباااح تبسم كي تفكرها و عاود نفخ بتذمر وقت تفكر بلي لازمو يولي لدار باش يجيبو شاف فالشوفور و قاالو بأممرر..

همام:عاود ارجع لدار نسيت دوسي مهم نسحقو اليوم..

الشوفور امثتل لأوامرو فوراا و عاود داار نصف دورة راجع لداار في وقت محدد كان حطو قدام باب دارو هبط دخل للداخل وطلع ديراكت للفوق بلا مايرد لبال لنقاش هند و اديب لي نساو رواحهم فيهم و انغمسو داخلو بلا مايحسوو ..

راح لمكتبو جاب الدوسي لي يسحقو و خرج فطريقو جاز على غرفتو حل لباب و طل براسو يحوس عليها مالقاهاش قال بالاك تكون مع هند لتحت هبط و جا راح يخرج ديراكت باش مايزيدش يتعطل حتى جاه صوت مألوف كأنو كان صووت اديببب !! ..

عقد حواجبو بإستغراب و دخل لصالون لقاهم قاعدين ولااا على باالهم حتى هند نسات روحها و قعدت تنصح فيه و تحكيلو على اهمية الصلاة و تمدلو فالمواعظ الدينية و هو يسمعلها و يناقش فيها مستمتع بنقاشها معاه وهي تحمست وقت بدات تنصح فيه و لقااتو من النووع لي عندو في راسوو معلومات بزااف برك الشيطان غاارو و ماطبقش واش عندوو..

هند:المهم عندك الحق في واش قلتي مقبيل الواحد مالازمش يتبدل للاحسن علاجال شخص كيفو ماعندو باش يقدر يفيدو خااصة فالحاجات لي ربي أمرهم علينا يعني لازمك تتبدل علاجال ربي باش يرضى علييك و يسرلك امورك لازم يكون عندك ايمان قوي فربي لي يخليك تقدر تواصل مشوارك الدييني فالحيااة ..

اديب:علابالي نتي راح تعاونيني باش نزيد نتقرب من ربي كثررر و مراحش تخلييني..

جات راح جاوبو حتى سمعت جواب ثاني في بلاصتها خلاهم يتنفضو بين زوج من مكانها ترفدو و تحطو بالخلعة كل الوان الطيف ترسمو عليهم من الذعر لي ركبو فيهم في ثواني وجيزة برك.. حطت يدها على قلبها من الخلعة و زادت حست بالسكر هبطلها و الضغط طلعلها كي تفكرت بلي ختها مهيش فداار و للدوك مزال مااجات و السي راجلها راهو هنا قدامها ..

همام:اهيه كمل كمل..

اديب:دييير الحسسس دااخل علييينااا كي السرااااق قريب قتلتلي الطفلةةة مزال حتى مافرحت بيييها ..

همام:شفتكم لقيتو غرضكم؟ مزال مادرتو الرسمي باش تلقاو راحتكم هاكا !!..

هند:احم ك كن ك كنا نحكيو على الصلاة ولله كنت ننصح فيه هذا مكان ..

اديب:ايييه كانت تنصح فيااا باش نولي لطريق ربي اصلا خصككك جي تسمعلها ماشاءالله على مرتي تعرف تنصح بالاك حتى نتا يهديك ربي و تشد الطريققق ..

هند:حتى هو مايصلييش !!.. لا لا لا ماشي هااكاا ابداا كلشي الا الصلاااة ..

همام:ربي يهديناا ..

هند:احم امين امين..

همام دور راسو فالارجاء لتم مابانتلوش ريام عاود تلفت شاف فهند لي بدات تشهد من الموت لي حستها دخلتها من الخلعة و نطق بإستفسار يسقسي عليها..

همام:مادامك هنا وين راهي ريام؟؟