كلي بكلك مغرم 🩶⛓️

كلي بكلك مغرم 135

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة135:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بقات تشوف فيه و هي ساكتة ماعرفتش واش تقولو حرفيا سكتها بكلامو لي كان كلو حقيقة رماها في وجهها و خلاها تستوعبها رغم استعابها ليها من قبل بصح كي جات من فمو هو بذات حست بوجيعتها كثر و كثر جات راح تنطق خانوها الكلمات و ماعرفتش كيفاش تعبر خاصة كي شافت انفعالو معاها لي اول مرة تشوفو فيه معاها هي بذاات ..

سراب:علاباالي علابالي غلطت و حقكم عليا قدما ندير مراحش نقدر نعوضكم بصح راني يماك ..

همام:مكييش!! يما ماتت الله يرحمها اذا كنتي قاعدة هنا بقدرك اعرفيه غير علاجال اديب برك منيش حابو يتحسس من هاذ الموضوع أما نتي اخر همي!..

سراب:علاش هوو مهووش منفعل كيما نتاا علاش نتاا برك لي رااك ناافر منييي..

همام بلا مايحس خبط يدو على الطابلة و جاوبها بصوت عالي حتى تكمشت فبعضها و بقات ساكتة ندمت علاش نطقت كامل من الانفعال هذا لي قابلها بيه ..

همام:علااااش هووو جوزتييي عليه واش جوووزت؟؟؟ جوووز عااام فالحبسسسس مع ناس مايعرفهمششش!!! حبستيييه من قرايتووووو؟؟كنتي السبب باش ضيعععع عام من حياااتوو!!!حملتيييه مسؤوولية اكبررر منووو و خليتيه يربي خووه و يتجرجر بيييه كي ماكنتيييش نتييي!! كنت نقراا و نخدم الرقاااد مانشووفووش بااش غييير نلقااو واش نااكلووو دووكا جاية تحااسبي فيااا على لي درتيييه؟؟..

جات جاوبو حتى شافت اديب جاي جيهتهم وهو عاقد حواجبو من صواتهم لي لحقت ليه و إلا مكانش راح يعرف بلي راهم لتم اصلا قرب لخوه بزربة كي شاف يماه لتم و بعدو عليها عرفها كشما قاتلو باش خلاتو يثور هكاك ..

اديب:واش كااين شبييكم!!!!..وااش قتييلووو!علاش تحبي جيبي لبلا لروحك اومبعد جي تشكييلي منوو؟؟..

سراب:ماقتلوو والوو ..

همام تنهد بسخط و زير على عينيه مغمضهم بقوة لعلى و عسى يهدى شوية نفخ بعدم رضى على انفاعلو لي ماضبطش روحو فيه و نطق بهمس مسموع..

همام:ليي يجي لهاذ الدار لازم تصراا قدامو فضيحةة حتى الضيفةةة ماخليناهاش تشهدد ملي جاات و بدينا بالمشاكل هاذو لا حول ولا قوة الا بالله ياربي الصبررر..

سراب و اديب شافو فيه بإستغراب و نطقو بين زوج فنفس الوقت...

سراب واديب:علاش شكون راهو هنا؟..

شاف فيهم بإشمئزاز و رفد دوزانو و طلع مخليهم لتم يشوفو فبعض بإستغراب حابين يعرفو شكون راهو هنا سراب هزت كتافها بعدم اهتمام و دخلت للكوزينة أما اديب راح بخطوات سريعة بإتجاه همام حتى لحقو و بقا يمشي بنفس خطواتو ..

اديب:شكوون راهوو هناا..

همام:واش يهمك كي تعرف..

اديب:باش مانزيدوش نديرو البهادل قدامهم ..

همام:نسسيبتي راهي هنا..

اديب طلع حواجبو للفوق من الفكرة لي جات لبالو و نفاهاا في جزء من الثانية كي جاتو فكرة اخرى داهمت تفكيرو خلات حماسو يطفى لوهلة بصح مامنعش روحو من انو يزيد يشبع فضولو كثر و يزيد يسقسيه..

اديب:شكون فيهم يماها ولا ختها؟..

همام:واااش دخخخخلللللك..

اديب:هاايا قولي برك ..

همام:ختهااا..

اديب:قووووول ولله!!!!!! هييييندددد رااهي هنااااا..

همام:اذا راك داير كاش حاجة في بالك غير نحيها هاني قتلك ..

اديب:رااني راايح لداار هاياا تبقااا على خيير..

قال كلامو بزربة و راح يجري خارج مدار ركب فطونوبيلتو و قلع بسرعة راجع لدارو أما همام غير دخل لبيتو نفخ بتذمر و جوز يدو على شعرو مزير عليه حاسس بروحو راح ينفجر من حكاية يماه تلفت على صوت الباب لي تفتح لقاها داخلة ليه و هي تشوف فيه بإستغراب قربت لعندو و نطقت بصوت هادي..

ريام:واش كاين؟شبيكم..

همام:المرة لي فاتت قتلك ماتقربيش ..المرة هاذي نسحب كلامي غير قربي و هديني كيما موالفة !!..