كلي بكلك مغرم 🩶⛓️مكتملة

كلي بكلك مغرم 🩶🌪68

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة68:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

قالت كلامها و خرجت مخليتها تندب في حناكها على التبهديلة لي دارهالها وليدها معاهم حتى هما ماعجبهمش واش دار حمزة يعني أي ردة فعل يديروها عايلة هند في نظرهم عندهم ألف الحق فييها و مراحش يزعفو ولا يتقلقو منهم ابداا..

ريام رجعت لدار لقات راضية و ناصر يحكيو فالصالون مع بعض على الموضوع هذا و هند مزالت في بيتها قاعدة وحدها يماها غير شافتها جات ناضت لعندها بزربة تستفسر واش كاين قربت ليها بسرعة و نطقت بتساؤول..

راضية:طولتي يعنيي كانو فداار؟؟ وااش قاتلك علاش ماجاوش؟؟؟..

ريام:قاااالك السي وليييدهم قاللهم بطلتتت مانييش جاااي ..حسباالو راناا نلعبووو هناا الهم هذاا ..

راضية:كيفاش بصح علاش ؟؟ فينا شي عيب ولا واش!!..

ريام:العيب فيه هو يماه ماعرفتش تربيه خليني ساكتة خيرما نتحمس وتولو تسكتو فيا ..

خلاتهم وحدهم يتناقشو على واش صرا و دخلت لعند هند لقاتها مزالت بحوايجها مغطسة راسها داخل مخدتها ينسمعو منها غير اصوات شهقاتها نزلت كتافها بإحباط على الحالة لي لقاتها فيها و قربت لعندها حطت يدها على ظهرها و بقات تعدي فيها عليها بحنان صوت بكاها زيرلها على قلبها ماحملتش تشوف ختها فهاذ الحالة من الانهيار قدامهاا ..

تنهدت بقلة حيلة و نوضتها بسيف عليها مسحتلها دموعها بكف يديها و مخضتها من كتافها باش تفيق و تفطن معاها لأنو شافتها مهيش واعية من فرط صدمتها لي كانت داخلة فيها..

ريام:هند.. يرحمم بابااك دوكا هذااك عبد يبكيييو عليه الناااس كان جا رااجل كان راهو جاا.. ربي بعددوو منك ياك نتي لي ظلي تقوليلي أي حااجة تصرالناا رااهي خير ليينا لأنو ربي كتبهالناا و ملازمش نكرهوو أي حااجة جات من عند ربي لأنو ربي يعرف يختار لينا مصيرناا..نوضي نوضي ولله مايستاهل دموعك راح تلقاي لي خير منوو اصلا عندي لووسي إسموو أديب نزووجك بيه السيد راهوو عاازب و زييد قدك فالعمر يعنييي عاادييي نزوجكم متخافيش مراحش تبقاي بايرة..

هند مسحت دموعها لي عاودو تسرسبو بلا ماتحس و هبطت راسها من كلامها ختها لي كلو كان صحيح حتى وصلت للخر و تقبتها تجاهلت واش قاتلها فالاخير وجاوبتها بإستياء..

هند:علاش بدل رايو زعما ..كنت حاطة فيه كل آمالي ..ماتوقعتش يديرلي هاكا..استبرق سماانة كامل وهي تقولي كان متحمس و يوجد للخطبة و مانعرف واش..

ريام:هاذو هماا الرجال ياختي مافيهمش لامااان ..و نتي ماتزيديش ديري على صحبتك هاذي اوفف لعبتلي على قلبي كي هي كي خوهاا ..

هند:وهي علاه ..هو لي بطل و ماحبش يجي..

ريام:دوك يجي سيدوو و يشوف كيفااش ..

هند:مانسحق لا غيرو لا سيدو خلوني مليحة هاكا اصلا من الاول فكرة الزواج هاذي كاانت غالطة..بالاك يكونو لعبوولو بعقلو و قالولو كبيرة علابيها بدل رايو..

ريام:كبييييرة؟؟؟ واش كبرررك اواه راكي بديتي تخرفي كاين تاع 40 سنة و تزووجو عادي..

هند:يتزووجو بصح مايجيبوش دراري..

ريام:هاهو طلع تخمامك كيما تخمامهم! ..

هند:اوفف يعني هماا هاكا يقولو .. أنا نامن بقدرة ربي علينا كامل ربي قادر على كلشي "بديع السموات و الارض و اذا قضى امرا فإنما يقول له كن فيكون" يعني انا راني دايرة ثقة في ربي و علابالي ربي مراحش يخيبني..

ريام:ايواه صحييتي هاكا نحبك..حتى واحد مايستاهل تحزني عليه من غيير بعدك على ربي..

هند:يعني نتي راكي حزنانة..

ريام بعدت عينيها عليها بلخف و ناضت من قدامها ترمات على فراشها و جاوبتها بإختصار غالقة الموضوع ..

ريام:ربي يهدييني اهندد ربي يهديني..

هند:امييين..شفتك بقيتي بحجابك! ماتقوليليش اليوم تروحي؟..

ريام:ماعلاباليش مزال ماهدرت مع نسيبك..

هند:غير ماتهدريش زيدي اقعدي شوية على الاقل نكملو ناكلو الحلوة هاذيك لي درناها ..

ريام:ههه عمرولي باطة نديها معايا ..

وهي تهدر حتى صونا التلفون في يدها شافت شكون لقاتو هو كانت عيطلتو مقبيل و ماردش عليها حتى عاودلها دوكا هند غير شافت ابتسامتها من الاتصال لي لحقها تبسمت ابتسامة مذبالة و ناضت مخليتها وحدها باش تهدر على راحتها معاه..